رحلتي لأغادير يناير 2013

يسعد لي مساكم وصباحكم وكل اوقاتكم

مشكلتي ما اعرف اسرد بسلاسه والتعبير كتابياً يجيب فيني العيد لكن الشي اللي حاب اقوله لكم انا بكتب لكم لغرض واحد فقط

عل وعسى احد المتصفحين للموقع يستفيد من رحلتي ولو بمعلومة


انا زرت المغرب اكثر من مره ولارجعني لها الا لأني ( مزعوط ) متهور وعاشق للأطلس وجباله وللمغرب بكل ناسه واطيافه

اطرب لنعيمة سميح وانوض واحيح مع الداووديه واشطح على انغام الميلودي ويهزني الشوق للركاده ولايشبعني غير الطاجن ع الجمر واحلا نفس بحياتي على لاكوط اكادير واحلا خطواتي بهالدنيا خطيتها في المغرب : (155):

عموما بقى لي شوي واطقها صيحة : (712):

عدد المسافرون كان = 2

موعد الرحلة كان يوم الاربعاء 2 يناير على الخطوط السعودية الساعة 9 ص

الأيام = 18 يوم

الميزانيه = 38 الف ريال لكل شخص تقريبا

طبعاً في مايخص الميزانية اقترحت على زميلي نجمع مبلغي ومبلغه في حساب واحد وبكذا نرتاح من سالفة كم دفعت وكم صرفت !

المراهم اللي هي الدراهم بهالحساب وعساك ع القوه ههههههههههه

وإذا انا قلت إذا رجعنا وبقى اي مبلغ نرجع نقسمه بيننا


التخطيط الأولي كان مابين مراكش واكادير واخر يومين كازا استعدادا للعودة : (712):


طبعاً زميلي أول مره ينزل للمغرب وكنت اقول له ( بلف فيك المغرب لف ) هههههههههههههههه

والحقيقه هي كالآتي :

قلت لزميلي ننزل على اكادير ومتى ماحبينا نمشي نمشي

كنت أعرف سلفاً بأن الحجز بالنسبة للطيران الداخلي أفضل شي عن طريق موقع الخطوط المغربية لأنه ارخص وبألف مره ، ومع ذلك فضلت باني ما احجز !

خفت أن الخطوط الموقره السعوديه تتأخر بالاقلاع أو شي ويروح علي الحجز الداخلي واكون على اعصابي ، قررت بأني متى ماوصلت يحلها الف حلال بس انتم ودوووووووووني بيته يمه فديته

فعلاً وصلنا تقريبا الساعة 4 ونص م بتوقيت المغرب ، وكانت اجراءات المطار كالعاده من قبل الحلوين وكان الرد بالنسبة لي كلمة وحده ( ماكاين والو ) هههههههههههه

وموصي خويي يسكت ولا عليه منهم ولاعليه من كلام الناس انت نظيف امشي ولا عليك من اكبر شنب :0069:

ووصيته لو مصخها اي واحد بين ووضح له وخل العالم تشوف بانك تدور في جيبك فلوس وانت تقول مامعي بكذا بيمشونك لأنهم بالنهاية مايبون الشي يكون واضح وصريح

ماعلينا

مشيت للطيران الداخلي وحصلنا حجز بالطقاااااااق لحقنا على الطيارة اقلعت 5 ونص كان توقيت واااااااااااااااااااااعر بالنسبة لنا

حجزنا لشخصين اتذكر واعتقد 2300 درهم مع اني لو حجزت عن طريق النت كان بيكون يمكن 1000 درهم لكن ياااااااااجعلها فدوة هههههههههههههههه

عموما معلومه عل وعسى تفيد المسافرين

بالنسبة لوزن العفش الدولي والطبيعي اتذكر 30 كيلو لكن الحلوين قالوا لي 20 كيلو

وكان الوزن معنا تقول كل واحد مننا شايل فيل

قلت ابشرواااااااا واطير واشتري شنط سوداء كأنها اكياس بسحاب الوحده على 5 درهم جبت منها 4 ونزلنا بعض من العفش

يعني تقدر تقول خرطوم فيل ههههههههه

طبعاً انجنت البنت اللي على الكاونتر قلت لها انا ابخص وشلناها معنا ويادار مادخلك شر ولا ادفع ولا بخشش وهع هع ثم هع

__________________
اذا اردت شئ بشدة .. فاطلق صراحة .. فان عاد اليك فهو ملك لك للابد

طبعاً الشي الوحيد اللي سويت له حجز مسبق اللي هو السكن

انا جربت السكن قبل في اماديل وحبيت اني اغير

وبعد الاستفسار وانتم ماقصرتوا طاحت عيني على المارينا ، وتوقعت انها بطله وحلوه لذلك اتكلت على الله واخذت رقم الطيب محمد معاطي من المنتدى وحجزت غرفتين وصاله واكرمكم الله دورتين مياه ومطبخ بسعر مناسب نسبياً

طبعاً سألت المؤيد وكان سعر محمد معاطي اغلا بشئ بسيط لكن بالنسبة لي كان فيه شي مقابل هالفرق البسيط

المؤيد او غيره راح ادفع الفاوتشر بايام محسوبة ومعروفة واتوقع الاسترجاع او التمديد بيكون شوي صعب كون الفاوتشر معك وانتهى موضوعه

كلمت الطيب ابومعاطي وقال لي لك الامكانيه بالاسترجاع او التبديل او اي شي يناسبك

سألته عن آليه الدفع قال لي أبداً فقط احتاج الاسماء وعدد الايام ، وفعلاً ارسل لي صورة من الحجز ، لذلك اتكلت على الله واخترت ابو معاطي

أول ماوصلنا اكادير اخذنا طاكسي وعلى المارينا ، طبعاً اخر مره كنت باكادير المارينا كانت جاهزه فقط لكن المحلات لسى واغلبية المقاهي والمطاعم برضو مابعد انتهت ، لذلك اول ماوصلت للمارينا كانت بالنسبة لي شي راااااااااااااااايق من برى

دخلنا الاستقبال وحصلت الأخ شفيق مشكور وكان الحجز موجود واخذنا الشقه

بصراحه الصاله كبيرة جدا والشقه كانت جدا جدا حلوه مثل ماكنت ابي بالضبط

نزلنا الشنط اخذنا شور سريع وقلت لخويي النوم للرخوم ياولد هههههههههههههههه

قم قلبي يفرك ثم يفرك على مخيطووووو ، الرجال طارت عيونه من الاسم قلت له جعله بدون اسم انت دق العفريته بس وتزكرت وتميلح واترك الباقي علي

وأول مادخلت على مخيطو ياجماااااااااااااعه وانا اللي اخذ لي نفس يمكن 4 دقايق ذكرت اخر مره كنت فيه

دقيقه ابصيح الحين

وين وصلنا

شاورت الرجال ناخذ طاولة والا نقضيها تمشي بما اننا لسى واصلين ونجلس بالخلف ، الرجال صار كانه صنم لا يسمع فقط يرى لا وبعنف ههههههههههههه

قال اللي تبي بس اهم شي جوازي ابيك ترميه للبحر انا شايف سمك صغار بالبحر يلقط الخبز ههههههههههههه

سهرنا بمخيطو اول يوم وانتهى

__________________
اذا اردت شئ بشدة .. فاطلق صراحة .. فان عاد اليك فهو ملك لك للابد

عموماً اكادير مثل مالكل عارف صغيره واماكن السهر فيها تقريباً معدوده فالايام اللي بقت ابشركم ماطلعنا من اكادير

سالفة اني بلف فيه المغرب لف ههههههههههههه وقتها كنت متحمس بس جد جد جد اكادير عشقي الاول وصارت عشق خويي

كل مابغينا نطلع تعوذنا من ابليس ومددنا يمكن 3 مرات بالسكن

اختصاراً راح اكتب بعض المعلومات والاشياء اللي احس بأنها بتفيد كمعلومه واللي عنده اي استفسار عن اكادير بالشئ اللي اعرفه انا حاضر

طبعاً وصولنا كان يوم الجمعه ماقبل الماضي


* المارينا وما ادراك مالمارينا فيها مطعم لايفوووووووووتكم اعتقد انه ايطالي او فرنسي ، بعد زارا اللي بالمارينا يعني في آخرها .

* بالنسبة للتنقلات في اكادير بالنسبة لي افضل التكاسي لأنها صغيره والاسعار من الصباح لحد الساعه 10م تقريباً اغلا مشوار كان 25 درهم واقله 15 درهم أما من بعد 10 وخصوصا اوقات السهر فالتسعيره ثابته للصباح 50 درهم .

* صحارى والعنبره نار على علم لكن ما ارتاح فيه كثير لأنه زحمممممممه اتلانتك يعجبني كأماكن سهر .

* فيه مكان حلو في فندق السوفوتيل برضو حلو بس 99% غربي .

* فيه الحان وبرضو سكاي بالمارينا ، اللي يعيب سكاي كتمة مرررررررة ورضو يعتبر صغير نوعا ماء .

* بالنسبة للطواجن انا كنت مدمن شواية النهضه لكن ياجماعه طحت على مطعم بعيد عن وسط المدينة كنا متجهين للمطار اسمه zert مابين مجموعة مطاعم للأمانه كان احلا طاجن.

المهم رحلة العودة كانت يوم الجمعة لذلك فضلنا نمشي كازا يوم الخميس طبعاً رحنا للمطار واثقين الشباب ومتحمسين ، تفاجأت بانه مافيه رحلات نهائياً يوم الخميس من اكادير لكازا !!

اخذنا سيارة بسواق ومشينا لكازا تقريبا 4 ساعات وسكنا في فندق حياة رجنسي ، كان الفندق بصراحه من برى سيئ لكن من الداخل كغرف وخدمة مية مية لا الف بالالف

وسهرنا يومها في البلاك هاوس وقلنا وداعية يا آخر هاوس يجمعنا ، صحينا الصباح الساعة 10 ونص تقريبا ومشينا للمجمع اللي بكازا تمشينا شوي ورجعنا وسيده ع المطار

وانتهينا

__________________
اذا اردت شئ بشدة .. فاطلق صراحة .. فان عاد اليك فهو ملك لك للابد

حمد على السلامه صحيح تقرير مبسط بس يكفي انك شاركتنا فيه ومشكور على استعدادك للرد على الاستفسارات

الحمد الله على سلامتك وياهلا وياغلا والله تقريرك رغم اختصاره الا انه جميل مفيد يعطيك شعور جميل
ولكن نتمنى منك ان تسترجع بذاكرتك شوي وتذكر لنا اسماء اماكن تستحق الذكر او مثلا تذكر لنا وضع الضيوف بالمارينا هل الامور طيبه او لابد بخاشيش وقروشه. يعني نبي تثري لنا تقريرك الجميل بمعلومات اكثر.

تقرير رائع جداً ومختصر واسلوب سرد جميل جداً جداً ... ملاحظاتك اغلبها صائبة وحمد لله على السلامة انت وصاحبك . وتقبل مروري وتحياتي .

تقرير مختصر ومفيد يابولدغة
لكن عندي استفسار لك ولغيرك
من الاعضاء الي سافروا عدة مرات للمغرب
هل لاحظتم تغير في المغرب من ناحية التعامل
من جميع الاجناس والاسعار والامن

اخوي طارق ، الله يسلمك ويخليك مشكور يالغالي :)


فؤاد ، هلا بك زود

اماكن تستحق الزيارة اذا كانت سهر ذكرتها ، ماعدا 2 كان نفسي ازورهم اتوقع تستحق الزياره

الأول : اسمه بيانو

مكانه : قريب جدا لماك اللي على الكورنيش لكن مو على البحر

مشكلته : على حسب ماسمعت ولا جربت ممنوع دخول الخليجيين ؟؟


أما المكان الثاني فهو على الكرنيش قريب جدا من بوابة المارينا تحمست له لشئ واحد فقط

كل ماجيت قالوا زحمه وفلللللل والشئ الثاني لأن صاحبه الاعب المعروف المغربي ( الشماخ ) فاتوقع ع الاقل فخم من الداخل


طبعاً قال لي احد التكاسي وسألت تاكسي ثاني عن صاحب المكان وكان نفس الجواب للشماخ

يعني الرسيبشن بالنسبة لي مره اعطيه 50 درهم ومرتين ولا شي أما البواب تبع العماره مره 20 ومره 50 ومرات ولا شي

لكن حصل معي موقف ماحبيته منهم لكن جلست لهم بالمرصاد هههههههههههههه

في يوم من الايام مددنا فترة الجلوس لكن ابلغناهم بالتلفون فقط ، فلمن رجعنا من السهره الساعه تقريبا 7ص دخلت للرسبيشن المهم قال لي الموضف اللي كل يوم يشوفني ويعرفني وما اقصر معه عليكم حساب للغرفه ولازم تدفع الحين !!

طبعا قال لي هالكلام بعد ماحس وعرف اني ماراح اعطيه شي اليوم لاني واقف بعيد بعدها

قلت له ياعمي عيب عليك انت عارف انا من وين جاي وايش الوضع مو وقتك وماراح اطير وجوازي عندك ، تلكك معي شوي قربت له وشد وجذب وكانت نبرتي حاده شوي بالاخير مشت الامور بعدها ب 10 دقايق وصل صاحبي جلس له بنفس الموضوع ، نزلت لهم وعدنا نفس الاسطوانه لانه فعلا مو وقته ولانه حب يصطاد بالمويه العكره ( الوقت والوضع ) وطلعنا عموما بدون مايشد ولا درهم ومن بكره نزلت ودفعت المبلغ اللي علي .

مره سهرنا وتعبنا بصراجه وحبينا نهدي اللعب شوي واتفقت انا وخويي بأن اليوم راحه قال اوكي معاك

اول مادخلنا الشقه الساعه تقريباً 7 ونص ص تقريباً جاني اتصال على الشقه !

تررررن ترررررن الووو مرحبا

قلت مرحبتين

الصوت صوت
حاولت اركز شوي ههههههههههه

قلت له شكون معايا

قال لي انا الصحراوي مو انت ابو تركي

انا فهمت الموضوع قلت افا عليك انا ابو تركي انت وينك بس هههههههههههههه

قال حشومه عليك تأخرت علي انا بالاستقبال وضاااااروري تجي

قلت له مسافة السكه يامعلم

والله وانزل وانا اضحك وجالس اقول لنفسي انا ابو تركي انا ابو تركي هههههههههههههه

اول ما اقبلت على الاستقبال لقيت واقف جلست اكلمه من بعيد على بالي اعرفه واحرك شفايفي واقول ( صحرااااوي ) واهز براسي

من عيونه ومافي الا هو اساسا عرفت انه هو

طولت عليكم بس سالفة بالنسبة لي لاتنسى

__________________
اذا اردت شئ بشدة .. فاطلق صراحة .. فان عاد اليك فهو ملك لك للابد

ى

__________________
اذا اردت شئ بشدة .. فاطلق صراحة .. فان عاد اليك فهو ملك لك للابد

الغالي مخيطوووو

اسمك لامني قريته مدري يضيق صدري مدري اتبسم لاشعوريا هههههههههههههه


الله يرضالي عليك يالغالي منور




الحبيب ابو عبدالله

بالنسبة لي شخصيا مالقيت اي فرق ابداااااااااااااا

الشي اللي يمكن فرق ربع سوريا ومصر زادو حبتين

لكن من ناحية البلد وتعامل من فيه وبشكل عام ابدا كل شي على حطة يدك

وترى وانا اخوك الموضوع ومافيه توافيق

يعني فضل من الله رحت ورجعت هالمره وغيرها والامور كانت معي شخصيا اوكي

لو لاسمح الله صار شي بيكون شئ شخصي

اللي اقصده يمكن بعض الاخوان ماوفق في سفرته وقد يكون العيب منه فتلاقيه يذم ، ولايلام والسبب الضرف اللي مر فيه

اخوي اتكلم لك بجد المغرب هي البلد الوحيده اللي مهما تكلموا لك الناس عنها لاتقيس من كلامهم عليك الا 30%

انا سمعت اشياء وشفت اشياء عكس ماسمعت

مثلا ...

لاتطلع انت وضيفك ، طلعت الف مره وباكادير وغيرها والحمد لله الامور عاديه جدا

ومثلا ...

ترى كل شي بخشش ؟؟

الاكراميات مو بكل وقت ولا في كل مكان ومع ذلك نعم موجوده واحيانا انت تتمنى وجودها

ومثلا ...

ترى المغرب بس شقه وفيلا غيره مافي شي ؟

لقيت العكس الجو الجميل والبحر اللي يرد الروح وتعامل الناس يعتمد على اسلوبك انت وتعاملك

والأماكن اللي بيبحث عنها كثيره عندك افران جنة الله في ارضه وعندك اوكايدمن وعندك الف مكان ومكان

حبيبي كون هاني واترك عنك سوالف الناس ، ما اكذبهم لكن لكل منا اسلوبه وطريقته

رووووووح واتكل على الله وادعي لي :)

__________________
اذا اردت شئ بشدة .. فاطلق صراحة .. فان عاد اليك فهو ملك لك للابد