أستفسار عاجل لمزاعيط أغادير الرباط

مرحبا أخووووي ...
انا انصحك تغير الوجهه لان المغرب تغيرت عن أول وصار الوضع قروووشه وقلق والأسعار ناااار وتذكر كلامي هاذا اذا صرت هناك

هلا اخوي العضو مزعوط بن زعيط...لاحظت ثاني مشاركه لك ونفس الشي وانا بصراحه ودي اعرف تجربتك الاخيره واللي خلتك تقول كذا مع العلم انك تقول انك رحت كثيرررر للمغرب

ودي بس تقولها بدون ذكر اي شي ممنوع او لايسمح بذكره اقصد شي خاص...بس عطنا تجربتك الاخيره وبالعكس ودنا نعرف وحتى الشباب اللي بيروحون واللي ناوين يروحون

يعرفون ومنها يستفيدون..بعد اذنك طبعآ اذكر لنا كل شي المدينه والسكن والمواصلات ووين رحت ووين تمشيت وكل شي...وانا طلبت هالشي لاني شفت لك مشاركتين ونفس المظمون

ودي اعرف منك وش الاسباب وتحياااااااااااااااتي اخوي

ياهلا وغلا أخوووي مرحبا فيك
انا والله كنت من الناس المحبين للمغرب ولازلت احبها بس للأسف بعض الأشياء الي تصير هناك تخلي الشخص يكره الروحه للمغرب مره ثانيه , وانا مثل ماقلت اول سافرت للمغرب اكثر من مره, وكلها كان يحصل فيها بعض المنغصات الي تعكر في الجو لاكن نقول وحده وتروح لاكن اخر سفره حصل فيها اشياء بصراحه ماترضي اي شخص عنده كرامه
والأسباب كثيره منها الأستغلال الي عيني عينك من كل شخص يقابلك لدرجة انك تشك في نفسك ولما تشوف تعاملهم مع الأجنبي باحترام وتعاملهم معاك عكس ليه كذا , في المطعم والمقهى والسكن تحصل السعر للخيجي غير عن اي جنسية ثانيه طيب ليه , حتى الطيور الي هناك تعاملهم تغير كانك جالس في البحرين او دبي يعني بأختصار ابتزاز صريح
وانا اعرف ناس انسرقو هناك وبعضهم ركبوه قضيه وهو مظلوم ودفعوه مبالغ خياليه عشان يطلعونه من التوقيف وانا متاكد من كلامي هاذا وعندي اثبات لكلامي , والمشكله انا سفرت للدول مثل شرق اسياء والتعامل فرق خيالي بصراحه وتعامل باحترام لاي جنسيه ماعندهم فرق .

مع تحياتي لك يالغالي..

إلى الآن لم تجب على نقاط مشرفنا الحبيب زيزووم..
وماذكرته ليست حجج مقنعة بعدم السفر لمغربنا الحبيب..
ياليت توضح أكثر..زي ماقلك..عشان الكل يستفيد..

تحياتي..

مساء الخير للجميع,,,
اخوي الغالي كل هاذا ومافي شي مقنع هههههههه يعني وش باقي يصير ,,
بعدين اذا كلامي مو واقعي وصحيح انا اسف
وبالعكس المغرب تعاملهم معانا مرررره حلووو من المطار يستقبلونك بالورود وتخلص امورك بسرعه وبدون اي بخشيش والتاكسي يحاسبك مثل حساب المغربي
والسكن من اول يوم لاخر يوم مافي اي قروشه ومضايقه او حركات نصب واسعار موحده , وفي الشارع يتبسمون لك ويعاملونك زين .

أخي الكريم

كلامك مبهم وغير مقنع لأنك وصفت مشاكل عامة من دون ماتوضح أيش اللي حصلك بالضبط من مشاكل وأيش خبرتك في المغرب عشان تكون مقنع في رآيك
مع كامل احترامي لك اللي قليل خبرة بالمغرب وزياراته قليلة بتواجهه مشاكل وهذا شي طبيعي ومع تكرار زياراته بكتسب الخبرة وراح يعرف كيف يتفادى المشاكل اللي واجهته قبل واللي عنده خبره في المغرب مايتعرض لأغلب المشاكل اللي ذكرتها الا إذا مافيه أمل يتعلم وهاذي مشكلته وحلها يحول على اندونيسيا وتايلند لحد ماتستقر الأوضاع في مصر وسوريا

في النهاية احترام الرآي لايفسد للود قضية

تحياتي