قسم الاسئلة و الاستفسارات عن المغرب اطرح استفسارك عن اي شئ يتعلق بالسفر للمغرب في هذا القسم .. للحصول على مزيد من المساعدة

استفسارات رحلة المغرب - اول مرة - شخصين

naif655 · 2013-02-19T22:12:12+00:00

السلام عليكم مساكم الله بالخير وحيا الله كلن باسمه اخواني اتفقت انا وواحد من الشباب على سفرة للمغرب حجزنا طيران وتقريباً اخترنا السكن في مراكش - الروز قاردن وعندي بعض الاستفسار و انتم ما تقصرون راح اكتب لكم الامور اللي انتهينا منها تحديد الميزانية 25،000 الف على الشخص = الاجمالي 50،000 الف المبلغ الاحتياطي = 20،000 الف إجمالي المبلغ = 70،000 ريال ... نبغى ننبسط المبلغ بنقسمه على 4 حسابات و 3 بطاقات فيزا من ثلاثة بنوك مختلفة ،، ما نبغى نتقروش لو صار مشكله مع البطاقات او احد الحسابات حجزنا طيران على الخطوط القطرية على التذكرة 2960 ريال .. في موقعهم ارخص بحدود 300 ريال لاكن فضلت يكون الحجز عن طريق واحد من اخوياي يشتغل في الطيار للسفر والسياحة عشان لو بغينا نمدد الرحله بإتصال وهو يمددها لنا للوقت اللي نبغاه ،، الرحلة فيها ترانزيت وقروشة بس ماعليه .. إجمالي التذاكر نقول 6000 ريال باقي عندنا 44،000 ريال مدة الرحلة اخترنا 15 يوم ولو جاز لنا الجو مددناها لـــ 18 او 20 يوم الاقلاع يوم الاربعاء بتاريخ 1 مايو - يوافق 21-6-1434 حسب تقويم ام القرى << موظف حكومي :) خطة السير هي القروشة : اول يوم وصول بنجلس في كازا .. وبعدها بنطلع مراكش لمدة 8 ايام على اقل تقدير وبنسكن في الروز قاردن .. بعدها محتارين نروح يا طنجه او اقادير السكن بياخذ علينا بحدود 6000 ريال لــ 8 ايام باقي لنا 38،000 ريال الاستفسارات : كم المبلغ اللي نشيله معنا ؟ ناخذ بالريال ونحول في المطار .. والا نحول المبلغ من البطحاء :) اول يوم بـ يكون في كازا .. وين تنصحونا بالسكن الوصول الضاهر بيكون الساعة 9 الصباح .. نبغى فندق نرتاح فيه ولا يقروشونا مع الضيوف ،، وين تنصحونا نروح مقهى ، مطعم ، اماكن سهر اليوم الثاني بنطلع مراكش .. يا اخوان اللي يعرف سواق سبق وتعامل معه يودينا هناك ياليت يعطيني رقمة .. ونبغى افضل طريقة مضمونه للحجز لاننا بنحجز قبل الرحله بشهر نبغى نضمنه .. ونبغى طباخة بعد اهم شي البطن إذا عبيته زانت باقي الامور :) بعدها ما عندنا وجهه محدده ،، لو جاز لنا الجو في مراكش بنجلس فيها ،، وودنا نشوف طنجه لو كانت الاوضاع فيها تمام ،، لو نوينا نروح لها كيف - طيران - او قطار - او سيارة مع انها بعيد وين نسكن ... مقاهي .. مطاعم ... ونفس الاستفسارات لو رحنا اقادير .. اخيراً اعذروني على كثرة الاستفسارات .. لاكن ما ودي اطلع الا بعد ما اعرف البلد ... وشكراً لكم ...

zezuom

مزعوط ذهبي

المشاركات: 1,392

تاريخ التسجيل: Mar 2012

2013-02-21, 01:18 AM

المشاركه #13

رد: استفسارات رحلة المغرب - اول مرة - شخصين

اقتباس:

المشاركة الأصلية كتبت بواسطة naif655

ههههههههههههههه لا تشره وانا اخوك ،، خانني التعبير
العذر من الله ثم منك :)

ممتاز جداً
انت ذكرت في ردك ( وبالنسبه للسكن في مراكش انصحك ولا تتعدى اخونا اهنجار خليجي )

ياليت توضحها لي شوي مدري تنصح بالروز قاردن ،، او اكلم الاخ اللي ذكرته

ايه انصح بالروز قاردن..واللي اقصده اخونا اهنجار خليجي ابوعبدالله لا تتعداه وانت الربحان ومانيب امدحه من فراغ مجرب من الجميع وثقه ولا فيه حكي...وعلى فكره اسعاره

ماتلقاها لا في بوكنق ولا غيره ولا حتى ادارة الروز قاردن نفسها وبالتوفيق

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: استفسارات رحلة المغرب - اول مرة - شخصين
الموضوع	آخر مشاركة
تكاليف رحلة شخصين	2025-05-21 06:55 PM
استفسارات عن المغرب شخصين 5 ايام	2023-09-16 10:14 AM
السلام عليكم مزاعيط استفسارات من الإدارة والاعضاء عن شخصين	2016-06-28 01:16 PM
استفسارات بخصوص رحلة شخصين	2014-05-15 10:02 PM
استفسارات لخبراء المغرب ..	2011-06-07 12:19 PM

الساعة الآن 09:06 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

استفسارات رحلة المغرب - اول مرة - شخصين

روابط سريعه