مزاعيط المغرب - السفر الى المغرب - توي راجع من مراكش .. سرقات .. درك .. مغامرات .. ادخل للاستفاده

اقتباس:

المشاركة الأصلية كتبت بواسطة شكلي مزعوط (المشاركة 265937)

الحلقة الثالثه

عود اليكم احبتي و اشكركم جميعا على مداخلاتكمو ملاحظاتكم .. بس كنت اتوقع ان تاتيني رساله على الخاص

بخصوص بعض الملاحظات على بعض المصطلحات اللي ذكرتها في الحلقتين السابقتين .. احسن من ان تاتي مداخله من

المشرف و يقرأها الجميع .. على كل مافيه مشاكل .. نيتي حسنه و صادقه وواقعيه في كل ما ذكرته سابقا و انا شخصيا

قرأت بعض التقارير و فيها تصريح واضح لبعض الاشياء .. ما علينا ..ا لمهم اوصل لكم فائده و لو بسيطه ..

انتهينا من الفله اللي بالجولف بالاس و طلعنا على اسبانيا عندنا شغل هناك و رجعنا لمراكش و سكنا هالمره بفندق

تمهيدا لاستئجار فله خاصه لتجربتها و التعرف على اجواء الفلل الخاصه للاستفاده من ذلك مستقبلا .. الفله رائعه

واجارها 3800 لليوم لكن تستاهل .. السواق و السياره من اهم الاشياء اللي حرصنا عليها .. تغيرت طريقتنا في الوناسه

بشكل كبير حيث بدأ كل منا يعيش حياته بلحاله خاصة في النهار .. و في المساء صار كل واحد يعزم ضيفه على

الفله و الجو كان جميل لان كل الضيوف و احنا كمان حدنا شاي مغربي و كولا على العشا .. ورغبة في التغيير

سهرنا في احد المحلات و كان واحد من الزملاء عازم ناس على طاولتنا هو انجبر فيهم اول ما دخلنا المحل .. وفعلا

كانت سهره حلوه بالحيل ووناسه من جد لكن في نهاية السهره .. اختفى جوالي .. وبدأت ابحث عنه في كل مكان

لكن ما وجدته و كل اللي عالطاوله ساعدوني في البحث حتى بعضهم نزل تحت الطاوله ويدور بالولاعه .. بس انسى

موضوعك .. الجوال مغلق .. على طول بلغت السيكيوريتي .. وما قصروا قالوا ولا واحد يتحرك من الطاوله .. كلكم

راح تتفتشون .. وولعوا الانوار و وقفت الموسيقى .. واخذوا المعازيم اللي معانا الى غرفه خاصه بالتفتيش و فجاة

جاني واحد منهم يبشرني بان الجوال في احدى الشنط مع المعازيم .. و حصلت هلليله هناك .. شالوا الضيف

على برا بسرعه و هات يا تحقيق و كلام كثير ما عرفت وش يبون منه .. المهم انهم في المحل كلهم جوا عندي

وانبسطوا لمن حصلت الجوال وقالوا في المستقبل لا تخلي جوالك متطرف والا انتبه له دائما .. قلت لهم جوالات

الربع كلهم و المعازيم ايضا و الشنط على الطاوله .. وناس تروح و تغيب ربع ساعه و ترجع و اغراضها محطوطه

اش معنا انا بالذات .. و بعدها بلغوني ان احد المعازيم غيران و قال خلني انتقم ن الرجال واحرققلبه على جواله

زي ما حرق قلبي .. وهالكلام بلغوني فيه بعد التحقيق مع الضيف .. الفائده من هالموقف ان يحذر الواحد من

الناس اللي يقابلهم لاول مره بالذات اذا كان فيه تطنيش لاحد المعازيم .. لان الانتقام راح يكون فوري و سريع

وفعال .. سرينا وبطلنا من السهر بعد كذا وتمينا على طريقتنا الخاصه .. وكل يجيب بطريقته

الدرك طبعا ماخلانا في حالنا .. وفي ليله و حنا رايحين للسهره وقفونا و قلبوا اوراق السائق وجدوا عنده مخالفه

وهي انه السائقالثاني للسياره و ليس السائق المصرح له بقيادة السياره .. وهذا خطأ المكتب اللي استاجرنا

منه الفله و السياره لانه غير السواق بدون ما يغير الاوراق .. وخذ من الكلام اللي ما يفيد .. المهم 200 درهم

وفوقها 200 كمان و الشرطي يجي عند شباكي و يقول لي احنا تبعكم في اي شي .. اللي تبونه سووه واحنا

مسؤولين عن هالمنطقه و لا يهمكم .. ركب السواق و مشينا و احنا مستغربين من هالاسلوب لكن المفيد في

العمليه انك بفلوسك تقدر تخلص حتى لو كان عندك مخالفه انت شخصيا و ليست السياره او السائق .. ولذا

لا ارى الدرك مشكله كبيره بل هناك ما هو اخطر منه .. في احدى الليالي اضطر احد الزملاء على عزيمة شخص

تعرف عليه من هنا من الرياض ولكن لم يكن لو حده .. تقابلنا في مقهى الميريديان .. وهذا المكان حلو وهادي

وانصح فيه للي يبي يروق و يعيش جوه مع شوية موسيقى عربيه و عود .. المهم مشينا للفله على ان صاحبنا

يكمل السهره في الفله و انا وخويي الثاني نطلع نسهر برا .. تعشينا في الفله و الجو حلو الضيوف مستانسين

الين جينا نطلع و عندها لاحظت الضيف الخالي ما هو مرتاح .. قلنا ما علينا خوينا بيعيش جوه و حنا

على خطتنا .. طبعا فيه محلات للسهره ما شفتها و قلت فرصه خلني امرها .. وفعلا مريت مغظم المحلات اللي حول

شارع محمد السادس وذيك المنطقه و طلعت كلها مثل بعض متوسطة المستوى والوحيد اللي اعجبني في ديكوره

ومستوى خدمته و شكله العام هو بيروت كلوب اللي جنب محطة القطار .. انا تعرت على صاحب المحل و عائلته

و بعض العاملين في المحل .. الصراحه المحل روعه و برنامجه مختلف عن الاخرين و رايق و هادي و رواده كلاس

و الجاسات فيه حلوه بالمره .. بس هو هادي و محترم و ما فيه صرقعه زي بعض المحلات الثانيه لكنه تقدر تعيش

جوك عالاخر فيه .. خلصنا السهره و سرينا على فلتنا ونومه طبعا .. صحينا على الظهريه و اذا بصاحبنا اللي بقي

في الفله يخبرنا بان فيه عملية سرقه للجالاكسي تاب و البلاك بيري و النظارات الشمسيه .. تمت من قبل الضيف

الاضافي .. يا ساتر .. كي صارهالشي .. قال في الصباح و الجماعه رايحين تفقدت الصاله و فقدت الجالاكسي

تاب فجاة .. وعندها طلبت من الضيف ان يفتح الشنطه و بالقوه فتحتها و طلعت الجهاز .. و مشينا عالسياره

مع السواق و يقول يوم رجعت ادور البلاكبيري ما حصلته و جري على السياره و الحق لان السواق نزل الضيوف

في اخر الشارع عشلن ياخذون تاكسي .. يقول وصلنا للتاكسي قبل ما يحرك و شفنا الضيف يعطي سواق

التاكسي شي في يده .. يقول رحت للسواق و قلت طلع الشي اللي معاك قال له ما معي شي و شكله

رمى الجهاز للمقعده الخلفيه .. لكن السواق حقنا ذيب .. لقط البلاكبيري واخذه و عندها فتحنا الشنطه مره ثانيه بالقوه

و فتشنا و ما حصلنا شي و صارت مشاده بين الضيوف و كان السبب الغيره و القهر من الليله الماضيه لان

الضيف هذا صرح بهالشي .. المهم يقول رجعنا وفجاة يمر الدرك و يوقفنا و يقول لنا السالفه بالكامل ..

خوينا انهبل .. يقول كان البوليس جالس معنا .. بس كونه ملتزم بحمايتنا من اول ما سكنا هنا .. ضحك و مشى و قال لا تنسوننا

من الاكراميه يا شباب .. عاد حنا على طول رحنا نفتش اغراضنا .. ما وجدنا النظارات الشمسيه والباقي موجود ..

رتبنا امورنا و انهينا حسابنا مع المكتب و رحنا لبعض اللقاءات الخاصه قبل مغادرة مراكش متجهين لكازا الى المطار ..

طبعا في هشي ما قلته لكم بخصوص استئجار الفله الخاصه و هو انا بعد رجعتنا من اسبانيا دورنا على نفس الفله اللي

في الجولف بالاس وقالوا لنا مافيه شي كلها مشغوله .. وفجاة يكلمنا واحد و قال حصلت لكم فله على الجولف مباشره

ورحنا .. ومن يد نشيط في يد نشيط .. وفي الاخير طلع وبلكس للنخيل الدرقاوي و يطل على القولف .. قلنا ماشي

كم السعر قالوا لنا و لا يهمكم ب 5400 قلت لهم ليش قالوا المده قليله و فيه طلب كثير .. طيب وين الفله الاوله

قال فيه و احده بس سعرها 6500 .. يا حبيبي .. وش ذا .. قال هيا كذا .. طبعا ما عجبني الكلام و قلت لهم انتوا

سماسره تبيعون علينا باسعار مبالغ فيها .. وزعلوا مني و خلوني وراهم و راحوا .. قلت اصرف .. اصلا انا مرتب مع

مكتب لاستئجار الفله .. الفائده من هالكلام هو تضبيط الامور مع اكثر من جهه و لا يسلم الواحد نفسه لمثل هالسماسره

اللي يتصيدون خلق الله .. يعني رتب امورك في السكن قبل كل شي و لو تعبت شوي لكن في النهايه بترتاح و لا تقبل

اي شي و باي سعر .. احنا جلسنا يومين كاملين و حنا نلف على شقق و فلل و منتجعات حتى رسينا في الاخير على

الشيء المنايب .. اضافة الى الشروط المهمه بالنسبه لك .. لانك اذا دفعت الفلوس ماراح ترجع لك و اذا اهملت في وضع

شروطك بالذات فيما يخص ضيوفك و حركتهم و نقلهم من و الى مقرك .. راح تواجه مصاعب بعدين .. اضافة الى اني انصح

بان تدفع كل يوم بيومه فقط حتى ما تتورط في شي غير مناسب و بعدين تطير فلوسك .. اصلا صاحب الفله راح يجيك

كل يوم ياخذ فلوسه بنفسه .. المهم يا احبابي انتهت رحلتنا عند هذا الحد و لا زال هناك حلقه اخير للايجابيات والسلبيات

اراكم في الحلقة المقبله باذن الله

ياحياه الغرابيل ياشيخ وش هالسفره الي كلها مشاكل الي معاك غربان بوم ماهو طيور هذول:maroc (1126):