رحلتي لكازا من 20-27 مارس

علي1 · 2013-03-31T09:48:53+00:00

حي الله المزاعيط بعد ماعرفت اني بنحجر بالرياض الى مابعد العيد قلت مابدهاش جوازك وشنطك وسيده لكازا مع نفسي بحال واحد مصطي مالقيت احد من الشله يقدر ياخذ اجازه معي للمره الثانيه ): وع العموم كازا ممتازه للي مامعه ديرتن حيه وترد الروح بس يبيلك تفتح وتتشمكر شوي المهم حجزت التذكره ع الاماراتيه قبل الرحله بشهر كذا ب 3200 والغلا بسبب اسبوع اجازه المدارس وهذا تقرير عن السفره وشكلكم بتقولون لعد يكتب تقرير السكن حجزت عن طريق شيخ شمل مزاعيط كازا زيزيوم مايقصر بيض الله وجهه والله يعينه علا قلقنا شقه غرفه وصاله ب700 لكن شغل عدل من جميع النواحي ورا فندق انفا بلاص الرحله الرياض دبي كازا وجلست بدبي بالروحه 4 ساعات وبالرجعه 5 لكن مطار دبي ونيس ومفعم بالحيات وواعر من ناحيه الخدمات والسوق والمطاعم ووسائل الترفيه ابلا ابلا ابلا والطياره من دبي لكازا ممتازه ومريحه فرق عن المصريه والمغربيه يعني تنام نومه كنك بغرفتك ماقمت الا يوم بقا ساعه ونوصل كازا وصلت كازا 1 الظهر ومن دريشه الطياره الارض ربيع اول مره اشوف كذا ماشاالله تعديت الجوازات والجمارك ولاتعطيهم وجه اذا طلبو اكراميه ع قولتهم واخذت التكسي ب300 درهم للشقه وعينك ماتشوف الا الخضار ربيع طيب ماشاالله بالنسبه للجو خيالي يوم مطر ويوم شمس والليل براد شوي يعني تقدر تقول برد الرخوم وهوا يرد الروح ليل نهار اماكن التمشيه الي رحتله عندك لاكورنيش عين دياب وناااااااري ع عين دياب ومليان مطاعم ومقاهي وشيشه وشاطي سباحه واماكن سهر مثل وناسه وvip وناسه تقدر تقول عامر والثاني خاوي ولاجيته اصلن هالسفره ومسجد الحسن الثاني يعني لو تبتل بعين دياب ماتمل والمدينه القديمه بس لازم تروحله بالنهار الحبوس سوق شعبي عند البلاكهاوس للفرجه وممتاز للي يبي هدايا من المغرب وماننسا المعاريف والتوين والمقاهي والمطاعم بكل زنقه بس حسب علمي مابهن شيشه وشارع انفا وفيه اماكن ثانيه ماجيته يمدحونه مثل موروكو مول للي يحب المولات الفخمه بعين دياب وطماريس ومدينه الجديده حول كازا 100 ك تقريبن يمدحونه هذا الي ذكرته واي استفسار جاهزين ياحلوين

zezuom

مزعوط ذهبي

المشاركات: 1,392

تاريخ التسجيل: Mar 2012

2013-03-31, 11:08 PM

المشاركه #1

رد: رحلتي لكازا من 20-27 مارس

هي هي هي الحمدلله على السلااااااااااااااامه وابد كلنا اخوان وناخوك...تقريرك ناقص اصااااااااااااااااااحبي خصك تقول جدولك اليومي او شبه يومي ووين تقضيه او بيتوتي انت هههههههههه

عمومآ الحمدلله على السلاامه وننتظر تكملت التقرير احرجتك صح هههههههههههه لا باغين تزيد ياراعي حائل ووش اللي اعجبك في كازا واللي ما اعجبك او تحس ان اي احد جديد

يبعد عنه لكي تعم الفائده للجميع.....تحياااااتي

ابوراكان2

مزعوط نشيط

المشاركات: 65

تاريخ التسجيل: Dec 2012

2013-04-03, 10:32 PM

المشاركه #2

رد: رحلتي لكازا من 20-27 مارس

الحمد الله السلامه .......... الاخ zezom يستهل الطيب

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: رحلتي لكازا من 20-27 مارس
الموضوع	آخر مشاركة
تقرير رحلتي لكازا الساحره	2023-08-15 11:58 PM
قربت رحلتي لكازا ومراكش	2020-08-16 02:24 AM
رحلتي لكازا	2019-11-01 02:39 PM
تقرير رحلتي لــ مراكش من 11 مارس حتى 24 مارس	2019-07-11 06:15 PM
رحلتي ع مصر ١٤ مارس	2019-04-02 12:50 PM

الساعة الآن 09:05 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رحلتي لكازا من 20-27 مارس

روابط سريعه