معلومات قد تفيد المبتدئين

السلام عليكم ورحمة الله

رجعت من اول زيارة لي للمغرب وحبيت افيد الناس باللي أقدر عليه

وقبل ما ابدأ احب اشكر كل من ساعدني من قبل وما ودي اذكر اسماء عشان ما انسى أحد

اول ما توصل مطار كازا فيه محلات صرافه عند سيور استلام العفش بس هذولي غالين لا تاخذ منهم، بعد ما تفتش العفش وتطلع برا لصالة الاستقبال فيه محلات كثيرة للصرافة افضل منهم واتوقع فرقهم عن اللي برا المطار بسيط.

فيه محلات اتصلات في المطار منهم اتصالات المغرب وانوي، اتصالات المغرب كانت خدمة البلاك بيري تحتاج تفعيل ومدري ايش لذلك رحت لانوي واخذت شريحة اتصال وعليها بلاك بيري وكانت قيمة الاسبوع للبلاك بيري ٩٠ درهم واخذت شريحة ثانية للانترنت شبكتها في الايفون الظاهر كان الشهر ب ١٨٠ درهم. للعلم كل الشركتين عندهم مايكرو سيم والعرض تربل.

في المطار فيه محلات تأجير سيارات اخذت من محل اسمه اكسبرس سيارة كورولا مع تأمين شامل ب٣٠٠ درهم يوميا، بالنسبة للتأمين يطلب فيزا وما يمررها على الجهاز بس يختم على ورقه، بالنسبة لي عطيتهم تأمين ٢٠٠٠ درهم وريحت نفسي من استخدام الفيزا. وكان تعبية السيارة فل ب ٣٧٠ درهم.

هذا اللي اتذكره الان وانشالله احاول اني استجمع الباقي.