اول روحة للمغرب وشكلها الاخيرة

خالد الرياض · 2013-04-27T23:25:20+00:00

السلااااااام ياجماعة مش معقول ... الله يسامح من غرر بي وخلى المغرب جنة الله :Abu Ahmed (134): خط السير كان من الرياض ل دبي الى كازا. والعودة نفس الشي على الاماراتية رحنا واحنا متشققين من الوناسة على كثر ماسمعنا عن المغرب لكن انصدمنا في الواقع اول مانزلنا المطار هاجمونا البلطجية حقين التكاسي واكتشفنا من قو الصدمة ان كل واحد على تاكسي ( اقصد اخوياي ) وحنا ماندري وش السالفة ... هذا غير قرف الجوازات والجمارك وحمالين الشنط وصراخهم كانك ماكل لهم شي ياساتر الموووهم ... قلت الله يستر اذا هذا اوووولها :Abu Ahmed (134): اتجهنا الى مراكش ع طووووووول ودخلنا في دوامة السماسرة وللاسف كان الوسيط واحد من الشباب متصل من هناك يقاله يضبط الوضع .وطلع الضعيف متخوبر زينا وشكله ملعوب عليه طول السنين الي راحت... المهم... واخيرا لقينا شي نريح فيه فيلا اااااا وطلع ملعووووب علينا ... حنا درينا اننا اكلناها .. لكن تووووبة الدول العربية عموما مالكم بالطويلة ... جلسنا تقريبا 6 ايام ورجعنا لكازا ... قسسسسسم بالله شي ولا ف الخيال الكل يبي يلعب عليك وكانك حمار اعزكم الله الكل يبي يستغلك ... والقهر الاوروبي والامريكي الكل يضرب له تحيه .... والله ياجماعه انا ما ادري احد مسلطهم علينا والا وش السالفه ... تهاوشت مع واحد بالاخير يوم قفللللت وطفح الكيل يقول اني معبي لك الكارد حق الامن وانت خارج من كازا وتخيلوا كم يبي 140 درهم من زود الذمة الاربعين درهم ركززززززو عليها المهم تدخلوا الشباب وحلو الموضوع وكنت سهران وقرفان والحمد لله على سلامتي والله ماخذ الكام معي لكن نسدت نفسي ولاعاد صورت بس الاجمل اننا رجعنا لدبي وشفنا كيييف احترام الضيف والتعامل الراقي راح انزل تقرير مصور باذن الله بس لمن ادخل من اللاب توب لان الايباد غثيث نوعا ما سلام وسامحونا عالصراحة

خالد الرياض

مزعوط فضي

المشاركات: 775

تاريخ التسجيل: Apr 2013

الدولة: الرياض

2013-04-28, 10:21 PM

المشاركه #11

رد: اول روحة للمغرب وشكلها الاخيرة

هلا وغلاااا بالجميييييييييييع دون استثناء

و الله يسلمكم من كل شر يارب

بخصوص اللي يقول اسئت لسمعة المغرب ومدري ايش .. يا اخوان اقسم بالله اني احب اهل المغرب ولا احمل بقلبي حقد او ضغينه لكن .. الموضوع واضح اني عانيت من المطار في الذهاب والعودة واكثر مشاكلي في كازا ... وبس

اما مراكش صحيح حصل لي بعض المواقف وعلى قولتكم هذي هي الدول العربية نظرتهم للخليجي انه جاي يدشر ويمشي .. وحلال زرفه وسرقته

بس عشان اكون صريح معكم ومع نفسي مراكش اغلب اهلها عفويين وطيبين صراحة ويحترمونك خصوصا اللي مالهم احتكاك بالسياح ... مثل اهل البقالات والمطاعم وغيره واللي يمشون بالشارع...

لكن اذا قارنا المغرب ب سوريا او لبنان ف اكيييد الكفة تميل للمغرب وبقووووة من ناحية طيبة الشعب ... واذا قارنا مصر بالمغرب انا اتوقع فيه مقارنه بيناتهم وطيبة شعبهم متقاربة مع ان الكفة تميل لصالح المغرب في موضوع الخشش :Abu Ahmed (54): .... لكن غلطتنا يمكن اخذنا الامور باستهتار ورحنا بدون دراسة عميقة للموضوع وماخذين الامور بفله ووناسة لا اكثثثر ... :Abu Ahmed (492):

عموماً .. انا اشوف ان اغلب المشاكل اللي صارت بكازا في الروحة والعودة من تنزل من الطائرة الييييين خروج من المدينة نفسها .... صح طحت في سماسره وواحد نصاب مرسلني له واحد من الشباب الله يسامحه .. لكن رحمني الله في الانسه ( منى ) تعمل في منتجع الروز صراحة انقذت الموقف و الله يوفقها .. صراحة هي المكسب الحقيقي ف الروحة هذي :Abu Ahmed (233):

صحيح كانت الفلل عندها فل وماقدرت استأجر من عندهم لكن دبرت الوضع في منتجع ثاني وكنا مرتاحين نوعا ما .. ولو ان بعض البوابين يسوون علينا افلام لكن .. نعرف شلون نضبطهم

عموما البلد بشكل عام حلووو بس ماكان مثل ماتوقعت ... صحيح اني غاسل يدي من جميع الدول العربية لكن اغلب الشباب ماذكر الي قاعد يصير بالمطار من استفزاز واستغلال للسائح الخليجي :Abu Ahmed (786):
حتى اتذكر موقف مانسيته للحين بعد ماختمنا وخلصنا وخذينا الشنط اتفقنا مع حمال الشنط .... بعد ماوصلنا التكسي تفاجأنا اللي يبون الحساب 3 اشخااااص .... وعطينا اللي اتفقنا معه بس وجلسوا ذوليك يتكلمون وتشاديت ف الكلام مع واحد وهدانا السواق حق التكسي .... يعني صراحة ما ادري وش يحسون فيه الاثنين ذوليك عقبها بعصو جونا بعد ماكان منبعص من اساس من الاجراءات والاهانات الي داخل المطار ............

الحمدلله عدت الرحلة على خير وكانت تجربه شبه كويسه << مايبي يجرح مشاعر بعض المزاعيط .. لكن المهم والاهم اننا ضبطنا الوضع لتركيا انا و الشووووق .. يطول ليلي وانت بعييييد <<< مسك خط مع الاغنية :D

وتقبلواااا تحياتي يالمماليح :Abu Ahmed:

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: اول روحة للمغرب وشكلها الاخيرة
الموضوع	آخر مشاركة
معلومات عن رحلتي الاخيرة الى اغادير	2022-02-13 12:41 AM
نبذة حول زيارتنا الاخيرة لمراكش وكانت 7ليالي	2016-11-08 04:16 AM
تقريري المتواضع لسفرة المغرب الاخيرة	2016-09-29 10:03 AM
صباح الخير سؤال لأهل الاخيرة	2016-03-29 03:09 AM

الساعة الآن 01:30 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

اول روحة للمغرب وشكلها الاخيرة

روابط سريعه