اول روحة للمغرب وشكلها الاخيرة

خالد الرياض · 2013-04-27T23:25:20+00:00

السلااااااام ياجماعة مش معقول ... الله يسامح من غرر بي وخلى المغرب جنة الله :Abu Ahmed (134): خط السير كان من الرياض ل دبي الى كازا. والعودة نفس الشي على الاماراتية رحنا واحنا متشققين من الوناسة على كثر ماسمعنا عن المغرب لكن انصدمنا في الواقع اول مانزلنا المطار هاجمونا البلطجية حقين التكاسي واكتشفنا من قو الصدمة ان كل واحد على تاكسي ( اقصد اخوياي ) وحنا ماندري وش السالفة ... هذا غير قرف الجوازات والجمارك وحمالين الشنط وصراخهم كانك ماكل لهم شي ياساتر الموووهم ... قلت الله يستر اذا هذا اوووولها :Abu Ahmed (134): اتجهنا الى مراكش ع طووووووول ودخلنا في دوامة السماسرة وللاسف كان الوسيط واحد من الشباب متصل من هناك يقاله يضبط الوضع .وطلع الضعيف متخوبر زينا وشكله ملعوب عليه طول السنين الي راحت... المهم... واخيرا لقينا شي نريح فيه فيلا اااااا وطلع ملعووووب علينا ... حنا درينا اننا اكلناها .. لكن تووووبة الدول العربية عموما مالكم بالطويلة ... جلسنا تقريبا 6 ايام ورجعنا لكازا ... قسسسسسم بالله شي ولا ف الخيال الكل يبي يلعب عليك وكانك حمار اعزكم الله الكل يبي يستغلك ... والقهر الاوروبي والامريكي الكل يضرب له تحيه .... والله ياجماعه انا ما ادري احد مسلطهم علينا والا وش السالفه ... تهاوشت مع واحد بالاخير يوم قفللللت وطفح الكيل يقول اني معبي لك الكارد حق الامن وانت خارج من كازا وتخيلوا كم يبي 140 درهم من زود الذمة الاربعين درهم ركززززززو عليها المهم تدخلوا الشباب وحلو الموضوع وكنت سهران وقرفان والحمد لله على سلامتي والله ماخذ الكام معي لكن نسدت نفسي ولاعاد صورت بس الاجمل اننا رجعنا لدبي وشفنا كيييف احترام الضيف والتعامل الراقي راح انزل تقرير مصور باذن الله بس لمن ادخل من اللاب توب لان الايباد غثيث نوعا ما سلام وسامحونا عالصراحة

ابو تولين

ادارة المنتدى

المشاركات: 2,871

تاريخ التسجيل: Jun 2010

الدولة: مراكش

2013-04-30, 12:05 PM

المشاركه #11

رد: اول روحة للمغرب وشكلها الاخيرة

قريت موضوعك و بصراحه خويكم هو اللي دخلكم في هذي الدوامه

المغرب فيه استغلال و الكل يبي منك هذا الشئ صحيح لكن محد ياقدر ياخذ منك شئ غلط

ترتيب الرحله كان العامل المهم في نجاح رحلتكم

بالنسبه للمطار المضايقات هذي الكل يعاني منها لكن طالما وضعك في السليم خلك اذن من طين و اذن من عجين

الشئ الثاني انتو رحتوا مراكش واتوقع انكم سكنتو في النخيل بصفه عامه هذيك المنطقه اصبح وضعها لا يطاق بسبب الخرفان

و السواح اللي جو قبلكم و كان الافضل ان خويكم يختارلكم سكن بعنايه عشان ترتاحون

ايضا بما ان خويكم سبق و راح كان المفروض انكم تااجرون سيارة و انا اشوفها افضل من السائح او التكاسي

عل العمووم اذا قررت الذهاب للمغرب مره اخر اتمن انكم ترتبون رحلتكم بشكل سليم حتى لا تقع ضحيه استغلال

اما من ناحية احترام السائح الخليجي فما هناك احترام ولا تفكر احد بيحترم غير البخشيش و الاكراميات الا من رحم ربي

لا تخافون مو كل من قالكم شئ قلتوا خلاص ما عاد تقدر تاخذ حقك اذا تخلي احد يركب ظهرك فانت تستاهل

دام وضعك في السليم خلك صارم و بطلوا الطيبه اللي هم يعتبروها انك خرووف و يقدر ياخذ منك اللي يبغى

خلوكم صارمين ولا تضحكون مع السمساره و اصحاب التكاسي خذ مصلحتك و امشي و اتفق قبل كل شئ

اللي اوله شرط اخره نور و ان كثر كلام قله عيط على البوليس ما عندي مشكله و بتشوفه يتراجع

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: اول روحة للمغرب وشكلها الاخيرة
الموضوع	آخر مشاركة
معلومات عن رحلتي الاخيرة الى اغادير	2022-02-13 12:41 AM
نبذة حول زيارتنا الاخيرة لمراكش وكانت 7ليالي	2016-11-08 04:16 AM
تقريري المتواضع لسفرة المغرب الاخيرة	2016-09-29 10:03 AM
صباح الخير سؤال لأهل الاخيرة	2016-03-29 03:09 AM

الساعة الآن 08:26 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

اول روحة للمغرب وشكلها الاخيرة

روابط سريعه