----------- اول رحله للمغرب -----------

:D هلا فيصل :D

هههههههههههههههه :D:D وانت تارك الموضوع قاعد تعد الفيسات :D

يابن الحلال اسكت بدال الصور حطيت فيسات وش اسوي على وقت سفرتي كان معي جوال ابو كشاف :D:D

بس ابشر بالي بيسعدك

.




أهلًا بِكَ خَالِد ..
أسلُوبْ سَرْدْ فُكَاهِي لَذِيذْ
اسْتمتعتُ بِ القرَاءَة ( سَجّلنِي منَ المُتَابِعِينْ )

اسلوبك فالكتابه زوييييين

ديرني من المتابعين

__________________
..امارس التجاهل في حياتي كثيرا..ولا اخجل من هدا الاعتراف ..لان اهتمامي لا امنحه الا لمن يستحقه...

:yess: اهلن :yess: اهلن :yess:


يالله ان تحييني مرتن اخر ...

مسرع موضوعي نقز الصفحه الثانيه

<=== احد ينزل موضوع بدون صور ؟

والله قسم جوالي كان ابو كشاااااااف كشااااف ما يصور

المهم اشكر الي تفاعلو معي وعطوني جرعه اكمل :D

احداث الطائره :D

طبعا قبل ما نركب الطائره مافي مجله وجريده حتى ميكي ماوس دخلنها معنا :D يعني ممكن نتفح جرير في الطياره من كثر ما شرينا .. :D:D

:D <== يقول كانو حاسين انه ما راح ينامون بطياره مادري ليه

المهم المقاعد كانت صغيره كنك راكب كورولا :D وورى بعد والي قدامك منزل المرتبه :D ( المرتبه = الكرسي حق السياره ) <-- بدى يترجم كويس الولد :D

والمشكله اذا انت مبسوط ومافيك نوم :D وتبي تشوف افلام تتفاجا ان الشاشه خمسه بوصه وكيلوين قدامك يالله يالله تليسكوب 100 سنه ضوئيه عشان تشوف الشاشه

واكبر مشكله اذا كنت جالس عن الدريشه وجنبك ثنين رجولهم وصلت عند كابتن الطياره من طولها حشى زرافات موب اوادم :D

وجبة الغداء طبعا زي مانتو عارفين في الطياره حاشي مشوي :D او ستكوز :D <=== مافي تناسق بين الوجبتين ابد خخخخخ :D:D

بس فيه اشياء بصراحه غريبه من بعض المسافرين يعني واحد يروح يدخن في الحمام وريحته تعج دخان

لو انه مشيش اخف ويطلع من الحمام وهم كاشفينه يقولك لا ما دخنت لعنبو بليسك ريحتك وصلت زحل من قوتها

انا ودي امسكه وفتح دريشت الطياره وخلي الهوى يلفح خشته لين نوصل كازا

(( هذا تعبير مجازي يعني افتح الشرجم حق الطياره وطلع راسه وخلي الهوى يصفق في وجهه )) :D <== اتعب يا تعبير مجازي انا اتعب على الدرر ذي :D:D

فجاءه بدون مقدمات التفت يمين لقيت بندر وفهد متعدين مرحلت النوم غيبوبه جتهم موب نوم ؟ <== من اولها نامو وسحبو علي

وانا الي اقعد ادربي راسي لحالي في ذا الطياره والعالم نايمين <=== طيب نم انت هجد شياطينك

المهم بدينا نقرب من كازا تبادر الي ذهني فلم كرتون هايدي :D يوم يطلعون للمرعى فوق الجبل مع الماعز :D

يوم كان الجبل يشق الغيم وطبيعه خضرا وكل ابو شي زين جتني فتره تامل اطلع زي بيتر ونسدح تحت عنز وشرب حليب :D:D

<== ترى حلم الطفوله اني ازين زي بيتر بس يعني موب صدق لا تقعدون تحسبوني ماخذها تسدح في المغرب مع الغنم لالا :D:D

المهم لما كنا فوق كازا وكان فيه غيوم وسحاب والطياره تنزل وانت ما تشوف شي غير الغيوم وتشوف في الشاشه انك فوق كازا و

تشق الطياره السحاب وفجاءه على مد نظرك تشوف الطبيعه الخلابه والمزارع البسيطه الي تحس فيها بنقاوة محصولها بدون اي كيماويات او اضافت

حاجه ردت لي الروح مع اني اول مره اجي بس حسيت اني بروح لعمي وقوله

مزرعتك ذي الي ما فيها الا تيس وناقه ونخلتين وش عليه شايف نفسك علينا ...لا وما تخلينا نشيش فيها..

المهم نزلت الطياره ودخلنا ساحة المطار وطبعا كلنا ندربي روسنا :D ما ندري وش نسوي بس الي نعرفه انه باقي طياره ثانيه نركبها عشان نروح

اقادير يا قلب العنا اقادير وش ذنبي انا اقادير <== انسجم الولد :D

المهم اول ما نزلنا قابلنا رجال عسكري مغربي قلنا له انه باقي لنا رحله ثانيه لاقادير طبعا ابتسم وهلا ورحب وحنا الي ننبسط :D الا ويقول مافي اكراميه

قلت له هات هات الجوازات اصلا نبي نروح ساحل العاج . المهم رحن نحوس في المطار الا ونوشف مركز استعلامات

كان فيه وحده مغربيه اول ما جينها قابلتنا ببتسامه طبعا انا قلت الله يعين اذا عسكري سوى فينا كذى هذي وش راح تسوي

بس بصراحه اسلوبها مره راقي وخلاقها مره عاليه اول ما قلنا لها وضعنا اخذت التذاكر حقتنا وراحت معانا وسوت البوردينق حقنا

وكل شي ما قصرت والله معانا بكرم اخلاقها ورجعت الصوره الحلوه لنا مره ثانيه وصارت خششنا زي ذا الوجه الاخضر ==> :D

المهم بعد فتره قالو لنا ان الرحله تاجلت لساعه 10 بالليل وصارت وجيهنا زي الفيس هذا

اللحين الساعه 2 الظهر وش بنسوي اللحين وين نروح اخاف نطلع لكازا تروح علينا الرحله قبل المعاد شغل ربعنا هينا قلنا ياولد اجلس في المطار بس احسن

في الفتره هذي تعرفنا على شباب زينا رايحين على نفس الرحله سعوديين وقمنا نسولف معهم وعزمناهم على حساب الخطوط المغربيه :D ورحنا المطعم وتغدينا ومسكت نبي نلعب بلوت

<== ابو ذا المسكات الي مالها داعي بعد مغرب وبلوت فاضين :D :D

ايه ايه ايه بلوت وش فيكم تطالعوني كذى انا لو اني داري بعد كان جبت منبولي وكيرم <== ماش الولد منتهي خلاص :D:D

المهم قعدنا ندور عن ورقة بلوت ما لقينا اخر شي رحنا لكافي في اخر المطار وحنا جالسين الا ونشوف ورقه لعب بس شكل راعيها ناسيها وشكلها فرنسيه :D

<== شلون فرنسيه الارقام ما تختلف يقالك صايدهم اللحين :D

لالا بس احساس الصور غريبه شوي موب زينا يعني بنت السبيت حقتهم بيضا موب زي حقتنا :D

المهم لعبنا يا طويلين العمر بلوت لين دخنا اخر شي بدينا نغش انواع التقطيع انا بصراحه اول مره اشوف وحد ينزل 400 3 اككك وسبعه :D:D

بس اخذنها ضحك اخر الوقت بعد كذى ملينا ورحنا ننام او نريح شوي والي يبي يتمشى في المطار

بنسبه لي انا لو تبون علمكم كم بلاطه عديت في المطار علمتكم <=== ما يبي ينام من الوناسه يبي يروح اقادير :D :D

طبعا امو اول مره تتاخر الطياره ونا عادي مافي مشاكل اهم شي انا في المغرب ... :D

وجت موعد الرحله الثانيه وتجهنا لطياره وبرضو قابلنا عسكري وقالنا مافي اكراميه وهو يتبسم :D

<== وانا الي اطلق السبيكه الي في داخلي قلت له ما اعرف عربي :D :D

طبعا قام يضحك ويتميلح ونا مطنش لعنبو بليسه ما بقى شي ما فتشه فيني واخر شي قالي زيد قلت وش زيد

قال زيد زيد قلت ياخوي اصلا ما عطيتك شي عشان ازيدك قالي اخر شي سير روح

بعد كذى عرفت معنى كلمة زيد يعني طس فارق انت وخشتك :D

المهم ركبنا الطياره بس معليش الطيار المره ذي كان داعس بصراحه اقادير اخذها تقريبا 35 دقيقه لدرجة عيوني صارت تدمع من السرعه

ونا الي عرفته انه ساعه وقت الرحله بس باين انه منشب رجله في مقدمة الطياره حتى على المدرج ما قعد يحمي

اول ما لف في المدرج دعس ابو الشباب لدرجه انه راسي لصق في الكرسي

انا قلت بس بيعطيها نطله في الجو ترحيب فينا :D


المهم انتهى الجزء الثاني
اتمناء اني اكون امتعتكم في احداثها ونتظرو الجزء الثالث

ههههههههههههههههههههههههه هههههههههههههه

راااااااااااااااك نمره ماضيراااااااااااااااااااا ااش

__________________
..امارس التجاهل في حياتي كثيرا..ولا اخجل من هدا الاعتراف ..لان اهتمامي لا امنحه الا لمن يستحقه...

__________________

.. ضَوْءْ ..

هلا وغلا فيك ضوء
شكرا على المتابعه وان شاءالله يكون عاجبكم

ريم الفلا

ههههههههه شوفي اولا شي انا مادري وش كتبتي

بس باين دام فيه ضحكه يعني قلتي شي حلو

الي فهمته بس كلمة نمره = رقم

الباقي صعب علي

هلا ابو خلود والله وانا اخوك تعبت وانا اقولكم ما كان معي كاميرا

بس ان شالله اني اقدر اغطي الكاميرا بسرد الاحداث الي تصير وان شاءالله تعجبك

بنسبه لصور اعتقد ان الشباب صورو اقادير اكثر من خريطة اطلس خخخخخ

المرات الجايه ان شاءالله بحاول اني اصور


الياقوت مغربي

اهلن اهلن ياقوت

يسلمو على المتابعه ...

وكلامك صحيح الرحله كانت قديمه وبنسبه لي مو من الاشاخص الي يهتم بتصوير ا

انا بصراحه اهتم بالاحداث ولو ما فيه احداث احاول اخلقها عشان استمتع برحلتي وتصير في كل مكان فيها ذكرى وحدث

وان شالله يعجبكم التقرير