رد: بداية الزعطة,, رحلتي لأغادير + الرباط
الجزء الثاني
يوم النكبة العالمي
في اليوم الثاني صحيت من النوم وانا كلي نشاط وحيوية : (98):وقررت اتمشى شوي بالمدينة وكان المشهور وقتها الكورنيش ومقاهي الكورنيش,
قبلها رحت اتمشى شويه على رجولي واشم هواء اغادير العليل اللي يرد الروح : (66): كان الهواء نقي بكل ماتحمله الكلمه من معنى, بروده مع نسمات تنسيك همومك وتنعش صدرك بالأوكسجين الخالي من أية عوالق او ملوثات ووقتها تيقنت وعرفت ليه ربعنا الكبار كانوا يستجمون بالمغرب من بعد أي رحلة علاجية لانها غير غييييييييييييييييير,: (694):
استأجرت تاكسي ب 10 دراهم وتوجهت للكورنيش وتمشيت وجلست شوي في احد المقاهي ومع رشفة اتاي والناس من حواليك رايحه وجايه عوايل وعزاب مغاربه وخليجيين حتى اني قابلت المعلق الرياضي محمد البكر كان متواجد هو وعايلته لكن ما حبيت ازعجه مثل ما كان يزعجنا بتعليقه.
رجعت للفندق وانا اخطط على الليلة كيف راح اقضيها, جلست اتمشى في لوبي الفندق وجلست عند المسبح وتعرفت على سعوديين من الشمال لبى قلوبهم صدورهم وسيعه وهواويين وجلستهم ما تنمل من الضحك والفرفشه والوناسه لكن من سوء حظي انهم مسافرين في اليوم الثاني
عزموني عندهم بالغرفه عشان نقضي آخر ليلة لهم سوى وانا لغيت مشاريعي للسهر وفضلت صحبتهم, جلسنا وانبسطنا الى قريب الفجر, كانت غرفتهم تطل على الشارع عند مدخل الفندق وفاتحين النافذة ومستمتعين بالجو, سوالف وضحك ومعلومات عن البلد ووين راحوا ووين احلى مكان ومن هالحكي لين الفجرية,
شوي الا نسمع اصوات غير طبيعية بره الفندق ناس تصارخ : (133):(يالله يالله بسرعه بسرعه, وين التاكسي ) ونطل من النافذة ونشوف العصافير ترحل من اغصانها وبسرعه فائقه كأن احد لاحقها سألنا السكيورتي خير وش صاير ؟؟ بعدها اهو بادرنا بالسؤال,, عندكم ضيوف ؟ قلنا لا , قال اذا عندكم خلهم ينزلون بسرعه لان فندق إقامة كرم تمت مداهمته والشرطة ضفوا اللي ساكنين واللي سهرانين والجمل بمن حمل وممكن ان انهم يجون هنا الحين,, : (603):
يا ولد غير بدل قال هذا اللي صار, عدت هالليلة على خير وما صار شي انتظرنا ليلة وليلتين والمنع ما يزال جاري ممنوع دخول أي طائر كان حتى لو للتزود بالوقود, : (117):
طبعاً أنا تغيرت كل خططي ومشاريعي وكل الأحلام اللي رسمتها في راسي بدت تتبخر لكن خلال الأيام هذي ما كنت أجلس في الفندق, بالنهار تمشيات وبالليل سهر في صحاري (العنبرة) وفي ديسكو اتلانتس وارجع للفندق واحضن مخدتي وانام, : (759):
بصراحة جو الفندق صار كئيب والزباين بدت تتشكى لدرجة ان كل يوم تسمع صراخ وهواش : (704): عند إدارة الفندق, الناس تبي تلغى حجزها وتغير الفندق وهم مو راضيين يرجعون لهم باقي فلوسهم يوعدونهم كل يوم اليوم او بكره بيتغير الوضع وكل يوم على هالحالة,
الى ان ضاقت فيني الوسيعه وصرت انا من ضمن المشتكين : (104):, جلست في الفندق ثلاثة ليالي وقررت إني أغير الفندق وباقي المبلغ باخذ وصل عليه واطالب فيه بعدين, طبعا سألت عن الفنادق واسعارهم, رحت لصحاري وكان فلللللللللللل من بعد المشاكل الناس كلها هبت عليه, رحت لاتلانتس وقالي الليلة ب 2400 درهم, انا انصدمت : (436): وقلت ما في الا ادور مكاتب سياحية لان عن طريقهم السكن بيكون ارخص
سألت وتقصيت ودلوني على مكتب المؤيد, كان وقتها مكتب صغير وفي داخل زنقه وما كان مشهور مثل ماهو الحين, كانت فيه موظفة وشكلها جديدة وللأمانة كانت خدومة ومتساعده معاي الى اقضى درجة سألت عن الفنادق وقالت احنا نتعامل مع اتلانتس وراح نجيب لك الغرفه بنصف السعر يعني بـ 1200 درهم, انا وافقت على طوول فندق 5 نجوم وبـ 1200 يا بلاااش : (65): واحجز لخمسة أيام واروح للفندق وادخل في ذاك المدخل الطويل والمناظر الحلوه وانا مبسوط وفاوتشري بيدي والابتسامه شاقه الوجه واخلص كل شي واحط اغراضي بالغرفه وكانت قبال بركة السباحة
طلعت قلت بتمشى حوالي الفندق شوي عشان اكتشف المكان, لكن خطر على بالي استفسار وانا متجه للخروج وتوجهت للريسبشن, واخذته على جنب وسألته عن الضيوف, وقال ممنوع, لازم ضيوفك لهم غرفه وبـ 2400 درهم : (139):: (139):: (139):,,,,,,, يتبع
مقدمة الجزء الثالث
الرحيل للرباط