نصيحة جميلة

مساء الخير على الجميع


أول مشاركة لي بعد قراءة سريعة لعدة مواضيع متفرقة في هذا المنتدى الرائع بروعة زواره والقائمين عليه وأتمنى أن أكون كتبت هذا الموقف في القسم الصحيح وإن لم يكن فأرجو التوجيه من المشرفين ولهم جزيل الشكر مسبقاً

المغرب بلد ساحر وجميل يفوق الخيال ومفاجآته لاتتوقف في كل يوم وفي كل لحظة تحاول أن تقترب بخطوة واحدة من هذا البلد لتكتشف أنه يقترب منك بخطوتين وأكثر وفي كل رحلة بين مدنه الجميلة ترى فيها أصالته الممتدة من حضارات وأمم سابقة يفخر فيها كل مواطن مغربي ويعتز بوجودها في وطنه

وعشان ما أطول عليكم هناك شئ أساء لسمعة المغرب ويشتكي منه الكثير ويستغربه الرواد الأوائل من نكران للجميل الموضوع اللي أبي أتكلم عنه هو "الإستغلال" بشكل عام وفي أي مكان وبغض النظر عن السبب ومن تسبب في هذا لايهم المهم هو كيف تحاول أن تتفادى هذا "الإستغلال" بكافة الطرق ومثل مايقول المثل "من كان له حيله فليحتال"

طبعاً للآسف هالإستغلال أصبح ملازم لكل خليجي يزور هذا البلد الجميل إبتداءاً من النقطة الأولى إللي هي المطار وحتى عودتك لهذا الآخير وبعد تجربتي البسيطة ونجاح هذي التجربة قلت أذكرها لكم يمكن يقتنع فيها أحد وتمشي أموره وإللي هي أي أحد يسألك يقول إنك خليجي قول له لا .. إيه نعم لا! بيسألك بيقول لك من وين؟ قول له بكل بساطة أنك ليبي أو أي شئ ثاني غير أنك تقول خليجي .. وشوف فرق المعاملة وفرق الأسعار فرق بكل شئ.. حتى مع ضيوفك ولو اكتشفوا هذا بعدين حطهم بالأمر الواقع.. وطبيعي راح يتقبلونه خصوصاً إذا كان ضيف عابر ..

اما إذا أخذتك العزة بالإثم وترفض أن تتنازل عن هذا الشئ بحجة الوطنية.. عليك تقبل هذا الإستغلال وإياك أن تشتكي منه..

__________________

من جد تحس حتى انه يتحطم بعد يقول مافي احد بنزرفه اليوم هههههههه

كلامك جميل
وانا اتوقع انه مو كل مدن المغرب اتوقع اغادير عادي فيها الوضع ممكن مراكش وكازا هيا اللي فيها النصيب الاكبر
اما كازا وياويلك من كازا ههههههه اول مازرت كازا وكنت متخوف منها كثير ركبت التاكسي وعلى طول سالني من وين انت: قلت له وش تعطيني قال: اردني قلت ايوة وقام يتكلم انه الادرن دوله هاشميه والمغرب دولة علويه المهم اسلك له لين وصلت والحمدلله اموري سليمه بس بعض الاحيان ماتمشي عليهم اني اردني السكسوكه لعبت فيني هههههههههه
حاليا معشوقتي كازا


اخوكم
da7 da7

جنسيتك مالها علاقه .. سعودي اماراتي ليبيبي اوروبي .. ما تفرق

صدقني ما حد يقدر يستغلك غضبن عليك ..

الاهم اسلوبك في التعامل و وقوة الشخصيه

ولا تنسى ان الخيارات متعدده واكرر مستحيل احد يستغلك غضبن عليك

__________________
i am a very private person, yet i am an open book
if you dont ask... i won't tell

كلامك صحيح.. ونقطة ضعفنا طيبتنا الزايدة.. إحنا نطلع من هنا ونفكر كل الناس مثلنا..
وفي أي مكان حتى في بلادنا.. المفروض يكون لهالطيبة خط أحمر ما أحد يتجاوزه..
وإذا تعودنا على هالطريقة أشوف إنها أفضل.. ولا كيف يامراقبنا..؟

زملائي القداما الى سافرت معاهم وسافرو قبلي كلهم يتقمصو شخصيات وجنسيات دول مختلفه وماشين ومحد منكد عليهم بس فيها لف ودوران وانا ما احب هالشي

والله عن نفسي اقول جنسيتي وما علي من احد وصعب انتسب لشخصيه ثانيه واكون مهزوز او غير صادق قدام اي احد حتى لو كان عابر لان هذي هويتي الى دخلت فيها البلد وهذي لهجتي وهذي عادات وتقاليدي فليش اناقض نفسي عموما كل واحد له وجهه نظر وما ننكر ان هالطريقه ماشيه مع البعض بس بالنهايه انت من داخلك جالس تكذب على نفسك

عموما زي ما قال مراقبنا الاسلوب يفرض نفسه والتعامل وصدقني جنسيتنا وفخر للكل وترا محد يحسدك الا انه يبغى يكون مكانك

__________________

أحترم رآيك أخوي فهد.. وبالنسبة لي ما أعتقد إني أكون مهزوز أو مناقض نفسي..
بالعكس أشوف إني أكسب الوقت وأنقذ نفسي من موقف ليس له آخر..
ولاحظت إن الشخص إذا عرف بعدين عن جنسيتي يكون تعامله معي بحذر..
لأن بكذا تبين له بأنك شخص صعب وليس فريسة سهله..

انا مع اوسكار ماحد غاصبك على شي واذا بتعطي تعطي بكيفك ليش اغير جنسيتي لارضاء الاخرين للي عنده ضمير عنده سواء مع اردني او ليبي واللي قليل خاتمه ونذل صدقني بيتم كذا لو مع اثيوبي انت خلك صاحب موقف وماترضى غير بللي انت مقتنع فيه واللي انتي تبيه وتقدر عليه وانت عشان تطاع حاول انك تأمر بالمستطاع بس وكل عام وانتو بالف خير ورمضان كريم

أختي ريومه.. لما أكون صاحب موقف والطرف الثاني يحاول إستغلال هالموقف وظروفك بشتى الطرق..
هنا يتغير كل شئ! الموضوع مو موضوع بخل أو أعطي أو ما أعطي أو شئ ثاني الحمدلله كل واحد فينا مقتدر..
لكن هذه الطيبة يجب أن تتغير وأن نتعامل بالأمر الواقع..