حفظ البيانات؟ هل نسيت كلمة المرور؟ تسجيل عضوية جديدة

شايب يرد على زوجته بقصيده

da7 da7 · 2013-08-01T18:44:07+00:00

[CENTER] قصة شايب ومعزبته وهي عايشة معه طول السنين وتعرف حاله وامكانياته ولا تبي تحمله اكثر مما يقدر عليه ومسايرته وهو شايب كبير في السن وهي كذلك . هالشايب له ولد نشمي.. جاه الولد وقال يبه وش رايك لو نزوجك ؟ قال: والله الساعة المباركة.. اي والله يا ولدي، يا ولد السعد.. اي والله زوجني قال الولد: ها ما به خلاف.. قام وخطب له ذيك البنت، وهم شغالين في ترتيب الزواج درت العجوز وتأكدت ان الشايب يبي يعرس والله وتتغير عليها الأمور .. وقامت تمترح وماهي متأكدة ان الشايب بيعرس من جد لأنها خابره امكانياته وغريب إنه يبي ياخذ له بنت قالت العجوز لولدها : ياولدي انتوا بتزوجون الشايب؟ لا تزوجونه ماله لزوم.. الشايب ذا المفروض ما تزوجونه .. العجوز ذي شاعرة وكذلك الشايب شاعر.. المهم قامت وسوت لها كم بيت في ذا الشايب تبغى تعلمه ان الامر صعب وتبين له بعض العقبات اللي بتقابله وان رفيقته الاوليه قابله منه الميسور وراح تتغير عليه الامور قالت العجوز: جملنا جملنا باركن له ثلاث سنين *** وهو ليّا جبنا له الحمل ما شلّه ماغير القتب والمزودة وسطها مدين *** وهو بارك عجزان عن شيلها لله وذا اليوم جبتوا حملةٍ وزنها طنين *** وذا الحمل يا الاجواد ما هوب قد لّه جيته وقلت بالهون بالهون يا مسكين *** هذا الحمل يبغاله جمال تجهم لّه ماهوب انت ياللي جايب فيدك من الصين *** أنا اللي أعرفك زين يابارد(ن) دلّه قام الشايب والظاهر عنده امكانيات.. لكن ذي العجوز واقفه في طريقه ومدقره له الرد من الشايب: جملكم ماهو مسكين يا جعلك السكين *** جملكم يبي ينقل زهاب العرب كلّه وهو اللي نفع العرب في الزمان الشين *** لكن الجمل في تاليه طاح في علّه وقع في رحول طول سيقانها مترين *** صخاف الجنوب ضلوعها كنها هلّه وحتى الجمل من شوفها صار حاله شين *** وهي السبب في طيحته جعلها العلّه لها ذيل أجرد عمرها من ورا السبعين *** وعز الله انها تمرض القلب وتعلّه لكن جيبوا للجمل بكرةٍ عمرها عشرين *** وتشوف الجمل يعطي كلش على حلّه ليا عيّن الحمرا الردوم اشتغلها زين *** وخله بعيد من أم شاصين منحلّه اذا الله عطانا عمر وانتوا من الحييّن *** تشوف الجمل لو حملوه طويق يشتلّه والله منت سهل يا ذا الشايب ههههههههه[/CENTER]

fahd

مزعوط جديد

المشاركات: 7

تاريخ التسجيل: Jul 2013

2013-08-04, 05:50 PM

المشاركه #3

رد: شايب يرد على زوجته بقصيده

لكن الجمل في تاليه طاح في عله ... هههههه
صح لسانك

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: شايب يرد على زوجته بقصيده
الموضوع	آخر مشاركة
شايب ٢	2016-03-13 09:44 AM
شايب	2015-08-30 09:39 PM
قصة أدهى وأخطر شايب	2011-08-30 03:37 AM
قصـــــــيدة ولا اروع ,,,,,, شايب يصارح زوجته العجوز	2011-08-03 10:14 PM
شعور شايب	2011-06-22 09:36 AM

الساعة الآن 08:07 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

شايب يرد على زوجته بقصيده

روابط سريعه