تصريح الزواج من مغربية بموضوعية وطريقة واضحة(من اهل التجارب والخبرة)

سيلفر وخالد ومصطي
مشكورين على المعلومات المفيدة ... ولاشك انه من المهم الواحد يعرف كل القوانين والمستلزمات قبل ما يتخذ قرار في اي شي ... تحياتي لكم جميعا



بالنسبة للمعقبين ... ممكن توضيح اكثر أخي العزيز مصطي ... وكيف ممكن التواصل معك..

عجبني كثير الرابط حق القوانين في حال الطلاق ... صحيح معقد ... لكن استفسار لو صار الطلاق في السعودية ... راح يكون وقتها حسب ماهو موجود في السعودية والقضاء السعودي ؟؟
مع العلم لو كان عندي نية ولو 1% في الطلاق ما كنت اقدمت على الزواج ...

تسائل اخر بسيط للاخ الغالي سيلفر ... لو كنت متزوج بسعودية وابغى تصريح زواج بمغربية وعمري فوق 30 .. كيف الطريقة ..
تحياتي مرة اخرى للجميع..

اعوذ بالله محد يتزوج بنيه الطلاق حرام يا الغالي القصد


هو احتمال الطلاق وارد لي اسباب اخرى تجهلها منها سوء الاختيار عدم التفاهم ... الخ هل انت مستعد في هذه الحاله Are u Ready !!


ما يعني ان كل من تزوج من المغرب بيطلق فهناك قصص ناجحه في مجتمعنا و ايضا قصص فشل .. هذه سنه الحياة

اذا انت متعلق و عايش قصه غرام فانصحك فكر وفكر ثم فكر قبل الاقدام على اي خطوة

بالنسبه للمغرب ترى عاداهم تختلف اختلاف كبير عن عادات الخليج بل لا مجال للمقارنه حتى .. مزيج بين العادات الاسلاميه بنكهه الانفتاح الاوربي

ممكن هي تجي بلدك ما يناسبها الوضع



بالنسبه لو صار الطلاق في السعوديه ما يعفيك ابدا من الملاحقه القانونيه لان الزواج موثق

لذلك طالما انك سويت عقد الزوج في المغرب وموثثق من الجهات الرسميه فهو ملزم لك في اي مكان

كل ورقه توقع عليها هناك انت ملزم فيها .. ولو فرضنا وطلقت حتى لو كانت في بلدها

تقدر ترفع شكوى على السفاره السعوديه و السفارة تخاطب الجهات الرسميه هنا مثل مقر عملك
ويستدعونك المحكمه

اما اذا كان عقد الزواج صدر من السعوديه فتخضع لقوانين السعوديه فقط

فهمت ولا يلزمونك بشئ ..





بالنسبه لتصريح الزواج اعطيك رقم مكتب خدمات عامه اذا تبي تتفق معه على كل شئ و تاخذ منه العلم

زورهم شخصيا و استفسر منهم و اذا طلبوا عربون خذ ايصال و اشياء تضمن حقك

اما اانا الا شخص احاول اساعد على قد معرفتي ... رغم اني اتحاشى الرد على مواضيع الزواج


اذا تبي الرقم ارسلته لك

السلام عليكم احوي انت وضعك مثل وضعي انا متزوج سعوديه و الحمدلله خذت الثانيه مغربيه انا قدمة على وكيل الى في الداخليه السالم الدور الثالث ووافق على طلبي خذت التصريح و طلعة كل الطلبان كشف و احوال و بصمات وتعريف راتب و رحة للمغرب السفاره بعدين الخارجيه المغربيه بعدين محكمة الاسره بس المتزوج لازم ترفع دعوه في المحكمه الابتدائيه باذن تعدد و يحددون لك جلسه مع القاضي بعدين القاضي يشوف اوراقك بعدين يايحكملك بلموافقه علطول يايقولك لا و الاغلبيه اذا سعودي يوافق بس لازم بعد ماترفع الدعوه تخلي زوجتك الاولى تكتب خطاب اسمهاء و رقم البطاقه انهاء على علم انك راح تتزوج من زوجه مغربيه و تذكر اسم زوجتك الثانيه و تاريخ الجلسه و توقع و تصديق عمده و شرطه وترسلهاء لك dhl ووقت الجلسه تقدمهاء للقاضي عشان تقوي موقفك بعد مايوافقون لك تروح تكمل باقي اجراءات الزواج من تحقيق و عدول بس المتزوج و يبي الثانيه يبيلهاء وقت انا جلست شهر و 15 يوم بس الحمدلله خلصة اموري ولحين لي 3 يوم من الزواج بس للامانه فرق بين السعوديه و المغربيه المغربيه تخليك سلطان زمانك لبى المغرب و اهل المغرب

__________________

اخر سطرين ما حبيتها منك

باستطاعتك تقول انا مرتاح بزواجي الثاني

ومتهني وشكرا

الرجل يحكم من ثالث يوم زواج دعنا ننتظر بعض الوقت ونشوف انطباعه بعدها

الله يوفقهم ويجمع بينهم بخير

اقصد مقارنته المفروض يحتفظ فيها

ما يعلنها

وهاذا ماقصدت انها لو كان لزواجه فتره اعتقد ماحط التشبيه بهاذا الشكل

الله يوفقهم واتمنى له حياه سعيده