على راسي اخوي اطلسي والله على راسي من فوق واحترمتك صراحتك كثير بالتقرير وحسيت كانك تتكلم مع اعز خويانك بالاستراحه هههههه
اهم شي وصلت بالسلامه والف سلامه عليك والقولون مشكله لازم تنتبه لنفسك وتسوي فحوصات ومدام انت بشركه اكيد معاك بطاقه تامين استغل ابو ابوهم ههههه حلل البطاقه زي ما انا احللها عموما تقريرك بدايته حلوة وواعره بس بالنهايه حزنتنا معاك انواع المقالب الى اكلتها لا من راعي الفندق الخايس ولا من الوالد الله يطول بعمره
خلاص الان انسى شوي المغرب وارجع لوضعك الطبيعي والاستكنان والدوام وفكر بجديه عشان تقدر تنجز بالدوام بنفسيه حلوة وتضحك مع الاهل وتستانس بيومك وعشان تقدر تجمع كم قرش لسفرتك الجايه بس خلها بوقت طويل وانساها الان موقت عشان لا تجي على نفسيتك والمحيط الى حولك يشكو ويقولو هاااا شوفوه مسحور ومن هذي الخزعبلات هههههههه خلك طبيعي
وترا صارلي نفس ما صارلك باول سفريه انواع المقالب لا من المغرب ولا من الاهل بس عرفت اسلك نفسي وانواع الهدايا والجلابيات لان معروف بهالدنيا الحريم تغريهم بالهدايا عموما عوافي عوافي لي بعض النصايح لك بس نخليها المره الجايه انا طبقتها ومشت تمام وجلست نفسيتي حلوه حول السنتين وبعدها سافرت مرة ثانيه لمن جمعت ومخمخت صح من معلومات وخلافه
اطلسي صدقني كسبناك اخ وصديق بالمنتدى عموما لا تغيب علينا والله يوفقك ويسعد قلبك ودربك خضر يا صاحبي عاد لا اوصيك شغلك واهلك اهم شي الان والباقي يهون
صافي خويا صااافي ههههه
__________________
ما ينلام الشاعر اللي مدري وش اسمه يوم قال:
نسيت دائي حين جاء دوائي..........من ذا يقاوم نظرة السمراء!!!!
غسل المحيط جبينها وعيونها.........بسلاسل من فضة بيضاء
الشمس تشرق كي تقبل ثغرها.....وتذوب بالكفين كالحناء
هي مغرب الاحباب او فردوسهم.....جبل على بحر على صحراء