المغرب بلد التناقض والعجائب امي داعيالي مراكش

السلام عليكم ورحمة الله بعد صولات وجولات في هذا المنتدى الجبار واعني الجبار بكل ماتحملة الكلمه من معنى الجبار في المحتوى والمضمون حبيت اكتب لكم عن تجربتي في المغرب لعل وعسى احد يستفيد منها وخاصه العالم النكدية الي تقول امن ومدري ايش وخرابيط والعالم المترددة (السفر مغامرة للشجعان ويحتاج مخاطرة ) مخاطرة بعقل وحط تحت هادي الكلمة مية خط. نخش في الموضوع بنبذه عني اولاً انا. (حمار مكده) طول الوقت في العمل ما عندي وقت للطلعات والزيارات والسرمحه مع الاصدقاء من البيت للعمل ولا احضر مناسبات وعزابي ماعندي الا كم اسبوع في السنه اقظيهم في السفر يعني نظام خواجات جمع فلوس وسافر انبسط وسافرت لدول كثير من شرق اسيا واوروبا والوطن العربي بس زي المغرب ما شفت باذكر لكم تجربتي في المغرب بتفاصيل لأني احب التفاصيل. والموضوع بدون تفاصيل زي سلق البيض ما فيه اسهل منه. اولأ باديت التفكير للاجازه مع زميل في العمل واول مره يفكر يطلع برا السعوديه وكان يبغى دبي ههههههه اقنعته في المغرب. وهاتك كل يوم هاه يا فلان متي نشتري التذاكر. وهو بكره بعده طلع من ربعنا النكديين والخوافين. وانا وراه وراه الين ما بقي عن الاجازه الا يومين وهوه يتهرب. رحت شريت التذكره و جهزة اموري. ادق علي الرجال قلي كل شي تمام وبيسافر معي الوعد في المطار. ورحت المطار الرحلة كانت علي طيران الاتحاد. دحين انا انتظر خويي ادق عليه ما يرد وانا اغني اغنية ذكري الين اليوم وانا عندي امل فيهم والرحلة باقي لها ساعه. الرجال ارسل يعتذر ويقول ما شرى تذاكر ولا هم يحزنون كان يكذب علي وبعدها قفل جواله. اقلعت الرحل ووصلت لكازا. اول ما نزلت من الطياره علي طول رحت ادور علي منطقه التدخين محرقه مو ادمي حتى موضف الجمرك يقول الدخان اكثر من ملابسي واغراضي ما لقيت منطقت تدخين يا لليل رحت الحمامات لقيت لوحه غرامه ٥٠٠٠درهم للتدخين سالت عاملة النظافة قالت دخن فيه عالم تدخن في الحمام انا شميت ريحت الدخان فر راسي عاملة النظافة شكلها غلبانة عطيتها ٢٠درهم رفضت هنا بدا التناقض قالت هدا عملي (غريبة ) دخنة ورحت علي سري الجوازات. زحمة موت وصلت للموضف الموضف فين ورقة الشرطه في العاده اعبيها في بعض الدول وشفت الاجانب عبوها. بس قت الخليجيين اكثر من المغاربه وما حد حولك ولا احد خليجي عبا الورقه. الموضف تروح تعبي الورق ولا اكتبها لك انا وتكرمني طليت في السرى خلفي قلت مافيه امل حاضر نكرمك. قالي حطها في الجواز قلت اذا هاذي اولها الله يستر من تاليها عطيتة ١٠٠دهم قال زيدها ١٠٠ وعطيته ومشية ( فرق بينه وبين عاملة النظافه). دحين جاى دور البحث عن الشنطه جاك الولد حق الشنط خطف الورقه من يدي وانا اقله ياهوه لا وهوه مصر انه يطلع الشنطه قلت امكن هذا كرم الضيافه عندهم. طلع الشنطه وبدا يسحبها وانا احاول معه يا اخوي سيب الشنطه لا اقل سيب الشنطه ما احب احد يخدمني لا. قلت مو مهم وبدية اطارده من محلات الصرافة الي محلات تاجير السيارات ومن محل في محل وانا سالته وين محطة القطار قالي مافية من هبالتي صدقتة يقول مافيه الا تكاسي (مهم لا تعتمد علي احد غير نفسك ). وانا اصرفة اقوال هات الكرت حق المحلات اذا احتجت سياره عندي الكرت الولد هدا نصاب كان يدور علي عمولة من وراي جينا عند التكاسي طلعو العن من الكدادين عندنا اولا مره طلبو ٦٠٠ويوم طنشت قالو ٣٠٠ هادي تسعيرة المطار اتفقت معاه انه يوصلني وما يسيبني الا في فندق ممتاز ههه. قال ممتاز قال في العاده احجز من البوكنق ما اسيب شي لظروف ليش المرة دي لا لا احد يسالني حطيت الشنطه في السياره دحين الولد حق الشنط واقف يقول اكرمني رديت عليه انا ما طلبتك تخدمني على ايش الاكراميه وحق التاكسي يقول اعطيه فقير فقير مين ياعم. هدا نصاب. قلت نعطيه الي كنت بعطية عاملة النظافه ٢٠ الولد قال لا يبي١٠٠ قلتله انقلع تبغي دي ولا لا قال لا ركبت السيارة رجع اخذ المبلغ ومشي وحق التاكسي يقولي هذا حقة ٢٠ ما تزيد كنت فاكر المطار قريب من المدينة طلع ابعد من مطار الدمام ووصلت للمدينة هنا بداية فصول قصه جديده هاه اكمل ولا لا اذا ايه انشاء الله في الحلقه القادمه من المسلسل التركي اوه القصد المغربي خطوات حائرة هههههههه
تشويقية الحلقه القادمه (عنصرية ،الشرطة في خدمة الشعب ،عين ذياب ، سهرة مع شخص غرب الاطوار قطار مجنون )

الحمد لله على سلامتك اخي الاطلسي 000

المغرب يبغاله واحد واثق من نفسه وحمش ولا يتراخا مع الشفاره 000

خويك بوحده قصه تلاقيه خايف من السحر ههههههههههه

كمل يامولى الظرافات

اطلسي يسعد صباحك الصراحه لمن شفت تقرير جديد على طول دخلت ابي اقراه طلعت فله يا ولد هههههه كمل كمل متابعك للنهايه

__________________

واصل واحلى متابع لك بس شكل بدايتها مغامرات الله يعين

الحمدلله على السلامة اخوي

كمل الله يعطيك العافية ولا يكون بيض مسلوق زي ماقلت أبد خلها احلى شكشوكة بالتفاصيل

هههههه واصل في أنتظارك

السلام عليكم ورحمة الله الان مع الفصل الثاني من رحلتي في بلاد العجائب المغرب ونبدأ من حيث انتهينى في الفصل الاول بعد ان توجهت مع التاكسي من المطار الي المدينة طلعت علبة الدخان والسمعات في اذني وبديت ادخن وافكر ايش باحصل في بلاد الواق واق هاذي في دي اللحظة سواق التكسي قاطعني وطلب سجاره عادي جدااًً وفي نفس اللحضه بدا يتكلم في امور غريبة شوي دين شوي سياسة شوية عن الحياة في المغرب. للامانة ما فهمت من اي شي لهجتة كانت صعبة مرره وبدأ يعطيني نصايح اللهم طولك يا روح علي نصائح الشياب يقول لا تثق في اي مغربي هاه كيف هاذا وهو مغربي يقول لا تثق في المغاربه شوي بدأ في موال جديد يعلمني كيف اتعامل مع بعض المواقف الي انتم خابرين وطول مدة الرحلة ما فتحت فمي الي عشان ادخن فقط ههه وصلنا المدينة وبدينا رحلة البحث عن فندق الاول معفن الثاني يرفض استقبال الخليجيين (عنصرية ) ليه خاصة السعوديين الثالث غالي واقصد غالي انه مو تمام ومبالغ في السعر في دي اللحظة قلت ما فية حل الا الخطة B سوي نفسك اجنبي واقصد اجنبي يعني خواجه ولا حرف عربي حتي السلام ما ارد علية. ومشية الخطة في فندق مو قد المامول بس يمشي وما صدقة لقية احد يهرج انجليزي والامور تمام. والرجال يخلص اوراق السكن. مجرد اني اعطيتة الجواز الاخضر تغير ١٨٠درجة التغيير هنا الاسواء وبدا يطلع قوانين من راسة قبل ما يعرف اني عربي كان يقول كل شي free ومسموح ولما عرف تغير للعكس * ( ما فية احد قابلتة في حياتي وقلي انت سعودي من اول مره الي يقول امارتي والي يقول عراقي ومره اردني ومره مصري ومره ايراني ههههه حتي قالو عني مغربي رغم اني قبيلي اباً عن جد حتى في الجوازات كل شوي واحد يسالني انت سعودي ولله ولله اني سعودي وشكلي سعودي بس ليش الضلم هدا ما ادري هههههههههه) المهم نرجع للموضوع الولد حق الفندق بدأ في القوانين وكل شوي ضيوف مافيه قلتلة ياخي كلها ليللة بس وامشي ما يحتاج كل هدا وانا تعبان ابي ارتاح حاسبة راعي التاكسي وكل عادة يبغاي زيادة علي الاتفاق قلتلة سير انقلع انا اتفقة معك. (مهم اسال دايم عن حقوقك في السكن قبل لال تدفع وخذ وصل او صورة من العقد وكرت المكان وعنوانة عشان اذا حبيت تخرج تعرف ترجع مرة تانية ولا تعطي احد زيادة علي الي اتفقة معاه ) دخلة الغرفة وبدية ارتب نفسي من شتات السفر
اول مشكلة واجهتني كل التوصيلات والمحولت الي دايم اخدها معي في السفر ولال وحدة تنفع في الغرب حتي المقبس الامريكي الي هو اغرب واحد في كل الدول ما ينف في المغرب. وفي بالي اقول مو مهم بكره اشتري واحد دحين جى وقت الشور استعداد لنوم عندي طقوس غريبة في السفر والنوم شغلة مسيقى وحلقة دقني وابشركم اعرف اضبط العوارض احسن من الحلاق وخلصة من الشور ودحين وقت النوم ( خذ معك بجامة او ثوب نوم عشان ترتاح في النومة هههههههه) المشكلة التانيه الغرفه ما فيها مكيف شغال منحوس من يومي ما عرفة انام فتحت الدريشه (الشباك). دحين موال الجوع يا لليل تذكرة ان عندي كيك في شنطة الضهر الحمد لله فورجة. طبعن الفندق كأيب ما تسمع فية غير صوت صرصور اللليل مو زي باقي الفنادق فيها بار ولا نايت ودجه تحت يا رجل حتي انه مقفل الباب الرئيسى تحت ذكرني في فندق في لندن يقفلون بسلاسل عشان العصابات طبعن الفندق كايب زي ما قلت وما حولك احد والدنيا حول الفندق ظلام بعد ما اكلت المفطح الي كان في الشنطه. طار النوم. شوي اسمع صوت بنت تصارخ في الشارع الخلفي تحت طليت من البلكونه الا فيه ولد يحاول يسرق البنت مادري يحاول يغتصبها المهم زعقة عليه خاف وهرب البنت مادري ايش تقول المهم شكلها تدعيلي انا قررت اني انزل اسهر وهادا الشي الي حصل لا يمكن انه يردعني اني انبسط حطيت جوازي والماستر كارد حقتي واشياىي المهم تحت في خزنة الفندق وطلعت نقطة مهم ركز عليها مشيت شوي حتي حطلت تاكسي قلتله وديني اقرب مكان اسهر فيه وداني علي مكان كله مغاربه بار مغربي ما فيه احد اجنبي الا انا. دخلة وطلبة عصيري المفضل قالو مافيه طلعو زي ربعنا ما عندهم الا نوعين رسميه بيره موسي وشمبانيا سعودي هههههه انتم فاهمين ايش اقصد خذة العصير المعتاد. شوي المغربي الي جنبي بدأ يسولف معي وكل ما خلص عصيري طلبلي علي حسابة وتجاذبنا اطراف الحديث وجلس ينصحني في الاماكن الي اروحها ويعرفني علي الناس الموجوده في المكان. الا الان الوضع طبيعي شوي قالو خلاص حيقفل المكان. شكرة الرجال وكنت بامشي قال فين السهرة ما انتهة السهرة الحقيقيه تحت في الكزينو اعتذرة منه وقلة الفلوس الي معي يدوب ترجعني الفندق طلع محفظتة وعطاني ٥٠٠ درهم رفضة. قلت هذا اتسطل وما يدري ايش يسوي وكانة قراء افكاري وقلي تفكرني س*ر*ن انا اصحى منك وبلقوة عطاني المبلغ ونزلنا تحت وهو يقلي انا تاجر خشب والمبلغ هذا مو مهم وهاتك كل شوي يفتح علبك عصير جديدة واشرب يا وحش وقام يسوي حكات غريبة يضحك مع هدا ويحقر هدا ويعطي الولد حق العصير بخشيش عالي وياشر بالفلوس لهذا وذاك وكل شوي اروح بري الجو تحت كتمة وما فيه مكيف وهو يقول لال تمشي باقي نكمل السهرة في عين ذياب انسان غريب الاطوار. واصرارة الغريب اني ما امشي خوفني منه وبصراحة انا كمان استوية قلت ما عاد فيها الفندق الفندق طلعت عاد هنا القارد حق المكان يطلب اكراميه علي ايش ما ادري عطيتة ١٠دراهم وركبت التاكسي ومشيت بدون ما اكلم هذاك الشخص ورحت نمت zzzzzzz صحيت اليوم الثاني وانا في بالي اروح عين ذياب ورحت بترين علي المكان وبديت الجولة في المكان الا الان الوضع تمام والدنيا زحمة وفجئة خبطة في شباب مغاربة راعين مشاكل وبدأو يزعقو علي التم الناس وكل الي حولي لابسين ازرق حلو المشكله وفالو احنا من الشرطة وشايفن كل شي والشرطي يلمح للاكرامية بس سويت نفسي مش فاهم وهوه يقول احنا في خدمتك قلتله شكراً ومشيت الشرطه في خدمة الجميع. ههههههه انا في دي الحظة بديت اكرة البلد من الصداع الي سببته لي غريبه يا دنيا بس قررة اني اغادر المدينه دي واروح لمكان تاني وشلة من بالي افكار العالم النكدية والمترددين طلعة درهم من جيبي اذا كان الملك باتجه جنوب واذا كتابة باتجة شمال وطلع ملك ورحت علي الفندق ولميت اغراضي وسألة علي محطة القطار الي متجه علي مراكش وحولة فلوس وطبعاً وزعت المبلغ شوي في الجكت وشوي في الشنطة وجزى معي وجزى خبيتة (مهم لا تشيل كل المبلغ الي معك في مكان واحد هذا غير الي في البطاقة ) ورحت علي المحطه انشاء الله اكمل في الملحمة القادمة من ملحمة خطوات حأئرة.
تشويقة الحلقة القادمة ( بطة في القطار ، عكس النصائح ، وقعت في المصيدة ، حظ ام استدراج ام نحس )

الحمد لله على سلامتك

الله يكون بعونك فعلا ذكرتني باول سفريه كانو يسموني المتسابق من كثر ما اجري بالشوارع ههههههههه يا شحاته ملاحقتني او حرامي او راعي بلاوي هههه ايام اتذكرها اضحك

عادي وسع صدرك تلاقي من ذي الاشكال كثير حتى ببلدك خصوصا بالاماكن المشبوهه

كمل كمل والله حمستني لتقريرك كل يوم بتابعك لا تتاخر

موفق اخوي ولا تزعل ابد ولا تاخذ بخاطرك من المغرب اهم شي عيشها صح ورتب نفسك بعدين

__________________

الله يعينك باقي مراكش نسمع قصتك هناك

اهنيك علي سردك الجميل يشد الواحد