شطحة،،،
بصراحة أعجبني وقلت أجيبة لكم نضحكم شوي,,,ولايفوتكم القطو المتهور اللي تحرش بالغزال,,,والكلب المسكين اللي ماله ذنب وتصفق,,,
نكمل,,,
يوم الخميس 24/6/2010 م
صباح الخميس كنت نائماً,,,وابتداء من الساعه التاسعه صباحاً شعبولا وصل مطار محمد الخامس على متن الخطوط القطرية,,,هو وصل والا ماوصل,,,والا أنواع الازعجات بالاتصالات من شعبولا ((وين أروح!!!وين الاخت بنكي كلوز!!! وين السيارة!!!وين شقتك فية!!!وشلون أجيك!!!)) ومحسبوكم منهد حيلة وغرقاً في النوم,,,وأرد علية وأقولة ((رقم بنكي كلوز معاك كلمها وهي تدبرك وبتعلمك كل شي!!!والشي الثاني اذا اخذت السيارة حاسبهم وتصرف معهم واذا دخلت كازا ووصلت لمحلبة البستان دق علي علشان اوصف لك الشقة!!!وخلني أرقد))
المهم شعبولا فهم اللي قلت له,,,وأنا كملت نومتي,,,الرجال خذ السيارة ودخل كازا,,,وتفاجئت انه دق علي ويقول لي ((أنا عند الباب ومعي الاخت بنكي كلوز!!))
واللمبي قام من النوم وشكله متبهذل ورايح فيها,,,وأطلع وأفتح لهم الباب وكنت لابس لبس نوم وشبشب كلاس,,,سلمت عليهم وجلست الاخت بنكي قلوز معنا شوي ثم راحت,,,وشعبولا دخل عفشة وشناطة الشقة وكان عفشة وخرابيطة واجد من ضمنها السماعات حقت الدي جي مع انه امحق دي جي,,,المهم شعبولا إستئجر سيارة رينو سيمبل موديل 2009 لون أسود بسعر 400 درهم في اليوم بدون أي تأمين أو ضمانات على بطاقة الكريدت كارد,,, وكانت عن طريق بنكي كلوز الله يجزاها بالخير,,,وكان في السيارة ضربة خفيفة عند باب السائق,,,وهذي صور من السيارة واعذرونا على قلة الصور
بعدا ماجاء شعبولا وجلسنا شوي نسولف وندردش بالشقة,,,جتنا الخدامة وسلمت علينا,,,وكان الوقت يشير الى 2 الظهر,,,واتفقت انا وشعبولا نتطلع نتغدى برى في طماريس ونجيب بعض الاغراض اللي نحتاجها,,,وقبل مانطلع كلمت الشغالة بخصوص اللي نبيه منها,,,وهنا بدت الامور تتعكر!!! الشغالة طال عمرها تبي تمشي من الساعة 7 المغرب الى بيتها!!! مع العلم انه كان الاتفاق مع بنكي كلوز وصاحبة الشقة انها تجلس عندنا 24 ساعة,,,وقامت تتعذر الشغالة بان عندها طفل رضيع عمره 7 شهور ولازم ترجع بدري على الاقل قبل العشاء ترضعه وتنام معاه من بدري!!! مع العلم ان شكل الشغالة يوحي انها مستحيل تجيب عيال صغار!!!مبين عليها مطوف عليها القطار ومستحيل تخلف!!! المهم هنا اللمبي بداء يغضب ويعصب!!!ويجري اتصالته ببنكي كلوز وصاحبة الشقة,,,وردت عليه صاحبة الشقة وقال لها الموضوع,,,وقالت لنا ((طيب عادي شنو تبغو فيها علشان تبات عندكم!!!)) قلت لها ((أختي!!! حنا ماتفقنا على كذا!!! حنا نبيها 24 ساعة معنا تضبط لنا العشاء متاخر!!!وتضبط لنا المزة!!!وأشياء كثيرة وكل شي بحقة)) ,,, ردت وقالت (( خويا العشاء تتديره لكم على الثمانية المساء وانتم متى مابغيتو تتعشو تحموة باي وقت وتاكله!!)) ,,, قلت لها (( أقول أختي مو أنا اللي أكل أكل بايت ومحمى!!!ياتجلس زي العالم والناس والا لاتجي ابد ولا أشوف وجهها!!! وش أبي فيها وهي بتروح من نص الليل!!! وحنا ماتفقنا على كذا!!!)) ,,, ردت وقالت (( والله أخويا هذي الموجودة الحين ولازم تجيكم على الاقل علشان تنظف,,,وإذا بغيتم شغالة على طول معاكم في شقة ثانية بالدور الخامس الخدامه فيها ممكن تبات واكلمها لكم)) ,,, قلت لها (( لاتكلمينها ولا شي!!! أصلا أنا اليوم بحدد اني اكمل عندك او لا!!! والسلام)) ,,,
سكرت السماعه منها والاخلاق قافلة,,,غيرت ملابسي ولبست للطلعة وشعبولا على نفس ملابس السفر,,,وقبل مانطلع من الشقة عطينا الشغالة فلوس تجيب لنا بعض الاغراض,,,وطلبت منها انها تجيب لنا العصيرات المسائية,,,انا طلبت منها والا ماطلبت!!! على طول قالت ((أنا مأجيب الاشياء هذي!!!وهذي حرام ومستحيل اجيبها!!)) ,,,هنا قفلت الاخلاق وجتني ام العبيد!!! وقلت لها ((خلاص لاتجيبين شي!!! وهاتي الفلوس ولانبي منك شي!!!)) ,,,أخذنا منها الفلوس وطلعنا من الشقة والاخلاق قافلة شوي,,,ركبنا السيارة وكان مافيها بنزين,,, وقلنا خلنا نعبي بنزين,,, وكان شعبولا هو سائق الرحلة الفنان,,,
وهذي لصور وحنا طالعين من الشقة واخذنا لنا نزهة بسيطة بوسط المدينة قبل الاتجاة الى طماريس
وهنا وقفنا نعبي بنزين والمحطة هذي على شارع الزيراوي تتقاطع مع اشارة
هذا مقهى صورتة واعجبني اسمه ((مونديال)) إضاهر فاتحينة علشان كاس العالم
وهنا شعبولا داعس في احد الزنقات
وهذا حنا في طريقنا الى طماريس مروراً بشواطىء عين ذياب
وهنا الحمار قالب أسد
وصلنا لطماريس وللمعلومية طماريس تبعد عن كازا مايقارب 30 كلم واغلبها مقاهي ومطاعم على الشارع وتتميز بالجلسات العائلية ووجود الجزارين حقين لحم الغنم والعجل,,,وأغلب الناس عوائل وشباب يجون من الدار البيضاء للغداء هناك من المشويات والطواجن وشرب الاتاي,,, وأكثر أوقات الزحمة يوم السبت والاحد,,,لانها تكون اجازة عندهم وتجي وتلقى المقهى عامر بالعوائل,,,وبصراحة مأنصح أبداً بالجية في أيام إجازت الاسبوع زحمة وعالم ويصير التعامل من القروسنات مو ذاك الزود لانهم مشغولين مع العوائل اكثر من العزاب ويالة يجيك طلبك,,, وهنا وصلنا للمطعم اللي في طماريس واسمة (( مقهى عين كديد )) ,,,وللمعلومية المقهى هذا جيتة عام 2007 اه بس الله يرحم ذيك السفرة,,,كان المقهى صغير والحين كبر وتوسع,,,
طبعا كان فية فوق 10 جزارين,,,وطاح الاختيار على الجزار رقم 6
وهذا الشاب صاحب محل المجزرة
وهذي قائمة بأسعار كيلو اللحم لكل نوع
طبعا هالجزار حبيب وتعودنا علية وصرنا نجية أكثر من مرة,,, أخذنا من عندة نصف كيلو كفتة غنم,,, ونصف كيلو ريش غنم,,,وبصراحة طيبها مضبوط فرم الكفتة مع شوية بقدونس وبصل وصكها بهارات يحبها قلبكم,,,وحتى الريش طيبها مضبوط وعلى كيف كيفك,,,وطلع حسابة 90 درهم الله يديم الرخص,,,طبعا وحنا نصورة الولد كان يحسب اللي معي جوال مو كاميرا,,,وسئلني كان في الجوال مقاطع...!!!,,,قلت له هذي كاميرا ومافيها الا صور عادية,,,والولد شكلة شفقان وعمرة ماقد شاف شي من زمان وتوقع ان معنا شي بيرد له الروح,,,
وهنا دخلنا المطعم وبصراحة كبير جدا وفيها ساحة كبيرة وهو عبارة عن دورين
وحنا اخترنا بان تكون الجلسة في الدور الثاني ومطلة على الشارع