الأخ الحبيب روداني
انا معاك في الكلام هذا انه أسوء فندق من ناحية الراحه وخدمة نازلينه.....
بس لاننسى ان كل سبل السهر والبنات كله حولك هذا الي يميزه بعض الجدد قاصد هذا المكان يقول مابي أجرب مكان اخر واجد مضايقات وتعقيد ، بعضهم يقول ليش أخسر فلوس واسكن في فندق يطلب مني كل ضيف افتح غرفه او اتوسل من الرسيبشن عشان يدخلون ضيفي.
انا ما سكنت في صحارى إلا العام الماضي اول مره وليست عن قناعه بسبب صاحبي وكان عندي وكلام الناس أسوء فندق لكن صاحبي طلبني طلبه انه يومين يسكن في صحارى عجبه وضع صحارى الخيمه وشهرزاد والعنبره قال خلنا نشوف الغرف شاف الغرفه عجبه السرير يقول مريح :)
فال نبي نسكنه قلت خايس وإزعاج قال والله ماشوف شي قلت ممنوع ادخل اكل وشرب قال يا رجال المطاعم قريبه الرجال معزم قلت ولا تزعل حجزنا يومين
سكان صحارى غريبين العصر والمغرب ماتشوفهم يصحون الساعه ١٢ او ١ الفجر عشان يسهرون في شهرزاد ويبدء الإزعاج بالغرف من الساعه ٥ الديسكو تسمع هز السماعات الغرف حدث ولا حرج كل واحد مشغل لك استريوا وفاتح دريشته في الغرفه او باب الغرفه مادري بيسمعنا انه مستانس حتى اني ادق تلفون على غرفة صاحبي اقول ترى انت مزعج صوت الأغاني واصلني يقول والله مو انا :)
بس توصل الساعه ٨ صباح يبدء سباق الهجن في ممرات الفندق الشلل مع البنات يلعبون ويصارخون في الممرات انا طلعت اشوف شنو الهوشه مايمدي افتح باب الغرفه الا واحد يطارد وحده قلت والله فوضى وغنم
الغريب يوم سوينا خروج دخلوا المنظفات يشيكون انصدموا من غرفتي انا وصاحبي قالوا ماشاء الله الغرفه نظيفه السرير نظيف الأرض ما عليها شي !!
كان يعتقدون كل شي مكسر ومتغير مكانه الظاهر متعودين على مخربين .
هو مزعج صباحا اغاني وأبواب تفتح وتغلق بقوه وصراخ في الممرات وركض في الممر وانت تعرف الممر حديد كانك فس معسكر للجيش كل خطوه فوقه المكان يهتز
__________________
G I N
! ! . . . ♥ . . . ! !