نداء عاجل الى خبراء مزاعيط كازا

تبي العلم من واحد سافر وجرب وعاشر ناس بالمغرب ولف وتدقدق على قوله الحجازين خذ العلم

تبي ترتاح بكازا لازم توفر 3 اشياء اساسيه وبعدها تنام وانت مطمن زي ما سويت انا

1- شقه امان وحط تحتها مليون خط
2- سياره عشان تبعد عن المتسلطين اصحاب التكاسي الى لسانهم يطول اذونهم
3- الصحبه الطيبه الى تتكلم عنك وتدافع عنك وتتناقش بالسعر وانت حاط رجل على رجل

لو توفرت كل هذي الاشياء اقولك اسكن بكازا وانت مطمن


انا سافرت للمغرب فوق 5 مرات وتبهدلت بكازا بهدله ما يعلم فيها الا ربي لا من نصب ولا من مضاربات ولا من هواش مع الدرك

بس باخر سفريه قبل سنه طبقت القاعده الى فوق وجلست حلو اسبوعين متهني بشقتي مرتاح وقت ما ابي اخرج انزل الكراج ادق سلف وامشي وعلى الطريق امر على صاحبي مغربي دندون كان عايش بجده وخذلك لفلفه وسعه صدر ومطاعم واول ما احد يطول لسانه او يحاول يضحك علي ادفله خوي يتكلم معاه

هذي نصايحي الى على البال كل التفاصيل على البال واحلى التفاصيل على البال والحلم والترحال هههههههههه اشوفني مسكت جو مع الاغنيه

يلا شباب تهلو براسكم وموعدنا بعد شهر بالمغرب

__________________

الله يسهل اموركم

مشكور اخوي فهودي ع نصائحك وبعد عودتي بأذن الله ساخصك بتقرير عن الرحلة وقد يكون فيها تغيير لنظرتك او تأييد لها اما بالنسبه لما ذكر بعض الشباب في مداخلاتهم عن كازا والتشجيع بالسكن فيها سواءً في عدة مشاركات لمن يطلب المساعده او عما ذكر في تقارير سابقة لاخوان زاروا كازا اما فيما يتعلق بما ذكره الاخ فهد الفي اي بي فانا اشيد بما ذكره من نصائح طيبه وكلامه في محله خاصه السكن فهو اهم شي لكل سائح في كازا او غيرها واذا كان يخدمنا بعنوان الشقة اللي سكن فيها نكون له من الشاكرين .......

بالتوفيق للجميع

صبااااااح الخير يا مزاعيط كازا ومحبينها باااااقي (6) اياااام على السفره واخصم يومين علشان تاكيد حجز الشقة يعني بالعربي الصافي (4) اياااام متبقيه الفزعه الفزعه يا الربع الحقوني بعنوان شقة للسيدة امينه في كازا او شقة تكون ممتازه لشخصين وتحياتي للجميع....

سامحني يا الغالي انا هنا ابدي نصايحي واجاوب بالاسئله والاستفسارات بس اني ادل على شقه والله اعتذر اولا لتلافي الاحراج مع المالك اذا حصل شي راح يزعل مني

ولا تخاف الشقق على قفا من يشيل بس اسئل وراح تلاقي الى يدلك خصوصا المزاعيط القداما ... العفو منك وعلى راسي من فوق

__________________

صباح الخيرررر والورد المعطر بالياسمين لادارة المنتدى واعضاءها والمشاركين والمشاهدين..... ومشكور اخوي اميري على تواصلك معي بالخاص ,,, وساحتفظ بجميلك هذا لي ,,, ومساعدتك للجميع عند تلبية استفساراتهم اثناء سفرهم لان ذلك جزء اساسي مكمل لانجاح الرحله وتيسيرها بكل مرونة وسهولة.... مع شكري الجزيل لك....... باقي احتاج فقط الى شقة لشخصين في كازا تكون نظيفة وثقة ومجربة تكفووووون بسرعة...

انحش عن كازا

للمرة الثانية اشكر اخوي اميري على تواصله معي واهتمامه البالغ بمشاركتة لي ولا اقول سوى كلمة واحدة فقط فعلاً (((مشكووووور))))

احترم كل الجميع في وجهة نظرهم من شارك او شاهد... وادعو على كل من يعيب شي معين في موقف حدث له سواءً في موضوعي هذا او موضوع اخر في هذا المنتدى العريق لاي شخص اخر يطلب المساعدة.. ان يوضح للجميع ما هي المشكلة واسبابها التي حصلت له ويمكن ان يختصرها دون الاكتفاء فقط بالسلبية في الموقف الذي حدث له يعني ان يقول هذه المدينه لا تصلح للسكن او الزيارة او التمشيات فيها او الكفيهات او المقاهي او المطاعم او التكاسي او الطيور وغيرها... فالواجب عليه ذكر الاسباب التي جعلته يقول ذلك ونعرف انه لم يقلها من فراغ انما حدثت له مشكلة ما.... وعليه نتمنى من الاخوان جميعاً بمطالبتهم التوضيح حتى يستفيد الجميع من تلك الاحداث والمواقف التي حصلت لهم حتى يتجنبها الاخرين وعدم الوقوع فيها... وبهذا نكون عالجنا المشكلة بتفاديها وكذلك تعم الفائدة على الجميع فنحنا هنا للاستفادة من تجارب الاخرين في مزعوطتي المغرب عامه وكازا خاصة... كما انك تدع الاخرين غيرك يقييم المشكلة التي حصلت لك فالكل حسب طبيعة وجهة نظرة قد يرى البعض ان طريقتك مع الاخرين غير طريقته او ان اصلاً طريقك غير طريقه هو في تجاه معين وانت في تجاه اخر.... فكل انسان يختلف عن الاخر..... ولولا اختلاف الاذواق لبارت السلع..... مع شكري الجزيل للجميع وشكري الخاص للمشاركين في وجهة نظرئهم بالسلبية او الايجابية فهي تبقى محل اهتمام.... تحياتي