أشياء للقيام بها في السعودية Things to do in Saudi

عبدالله فهد · 2013-09-11T05:55:56+00:00

[RIGHT]مساء/صباح الخير.. ودي وزارة السياحة تسمح بالفيزا السياحية لشباب و شابات العالم علشان يجون يكملون التجربة عن سواليفنا عن دولتنا.. محروم اللي ما يجي للسعودية السعوديين يحببون الأجانب فيهم دون تكلف و إضافات.. أبكتب أماكن و أشياء للقيام فيها عند الزيارة للسعودية غير قوائم الأجانب لأن أشوف يحطون لهم مدائن صالح :d الأرز و أنواع الطبخ: - فيه أنواع كثيرة غير كبسة اللحم و الدجاج الكلاسيكية.. لازم المطبخ الخليجي و من ضمنه اليمني يفند لأنه متنوع جداً: المدفون مثل الطنجية.. عندنا مدفون، حنيذ، مندي، مضغوط(بالكاتم)، مثلوثة - لازم تجربون: المعصوب - العصيدة - المنتو - اليغمش - الفرموزا - السليق الطائفي - الجريش - المرقوق - المطازيز - الكليجا - البقل - القرصان - المراصيع - الفقع - طبخة حمام - القشد و الحنيني بالشتاء فيه أكلات جنوبية يوكلوني اياها أصحابي بس ما أعرف اسماها.. يحبون السمن و الأكل الدسم ماشاء الله(أجدادهم راعي عمل من الفجر بس هم راعين اكل) - مياة: زمزم - نوفا - نستلة - حليب النياق(تجربة جديدة) - لبن بعد وجبة دسمة و تكبسها بنومة. - الشاهي: لازم تخلي واحد راعي شاهي يسوي لك شاهي تلقيمة - شاهي على الفحم - شاهي المغربي بطريقة سعودية(نعناه و سكره زايدات) - شاهي زنجبيل - شاهي حليب و زنجبيل بالشتاء - شاهي عدني - شاهي حبق - شاهي بالنعناع - شاهي بنبات نسيت اسمه بس لو تذوقونه تعافون النعناع و الحبق و تقدر تزرع عند بيتك.. - القهوة: قهوة عربية - قهوة بارنيز و عندهم قهوة عربي - قهوة تركية - قهوة سوداء لا سكر فيها: الخطوط السعودية - دانكن - كودو بالكيلو: - قهوة تركية عند الرفاعي كويسة - قهوة عربي هرري.. الخير طحن وسط درجة وسط - قهوة محسنين بتوريدها.. قهوة دار القهوة ممتاز بالرياض: - حضور مبارة الهلال و النصر.. إذا كان جمهور الهلال مروق و جاي ينبسط و يقود نفسه بنفسه.. - مطعم الرومانسية - بجدة: - حضور مبارة الأتحاد و الأهلي.. بس اختار لك قريب من رابطة احد الأفرقة(الشباب اختاروا رابطة الإتحاد و انتهت المبارة و طلعوا طربانين مااحد منهم يعرف كم انتهت المبارة) - مطعم البيك(أزين من كنتاكي و إن كانه ما به ذاك الزود بس ضظروري باللهجة المغربية تجربونه مع خلطتهم الخاصة لونها برتغالي و ثومهم أفضل من كنتاكي بدرجة لا تقارن ابد..) - البلد: يزار في أكثر من يوم و وقت مختلف.. كبير و محافظ على بساطته.. الأكثر ذروة يوم الجمعة من بعد الصلاة.. لصلاة العشاء أعتقد.. - كبدة على الكورنيش بجنب ملاهي عطا الله.. خارجي محل صغير يفتح بعد الفجر لما يخلص اللي عنده ما يطول: قله ربع استواء طبخ و بهارات قليل و يحط لك جبن سائل على الرغيف - فول و معصوب: ابو زيد - فيه ثاني نسيت اسمه - المطعي المكسيكي: على الحدود.. تشيلز - فيه مطاعم بالتحلية كويسة.. ناحية تشيلز: فيه مطعم هندي نسيت اسمه حاجة اكسبرس الاثاث لك عليه بس الاكل ممتاز جداً - فيه بجنبه مطعم بيتزا على الفحم كويس - شاهي على الفحم من الكورنيش - التحلية >> فيه منطقة شبابية حيت قبل كم سنة.. ناحية سوليدر السعودية.. بنفس مربع رزق جميل.. جنوب الميريديان - عصير فرنسي.. من العصيرات الفرنسية.. قله يخليه ثقيل(برتقال و موز و نعناع و ثلج و حاجة خامسة نسيتها.. عمتي قالتي المكونات يوم ذوقته إياها)، بيجيك ثالج بس عن وجبة.. - التمشية على الكورنيش، فيه ممشى قريب من الكورنيش جميل للمشي.. خلف الهيلتون.. فيه ممشى جديد بالتحلية.. - إذا الأجواء جميلة و راعي معسل الشراع قبل الغروب.. الطائف: - طريق النور (الكرا > الهدا) أثناء الليل - التلفريك - المسابح المائية بالكرا - الهدا(يصلح مجموعة كبيرة و بساطة و فترة طويلة بالصيف تعادله كشته بالبر بالشتاء) - الشفاء(تطلعون تطبخون هناك و تتغدون و تغيرون جو.. وسيع صدره الشفا) بالقصيم: - حضور مبارة التعاون و الرائد - من الطيارة شاهد محاور الزرع من الأعلى، مشهد جميل جداً و مريح دائم يظهر في تقارير BBC عن السعودية. - نخيل القصيم - أسواق التمور بمدن القصيم - مزارع القصيم - متحف العقيلات ببريدة - منطقة الغضا بعنيزة(محمية) - حديقة الملك عبدالله ببريدة تعطيك أفضل مشهد للمدينة و فيها محمية لبيئة المملكة مستحدثة. - قصر بن عقيل في مدينة الرس - مكان ما أخذت أذن أصحابه بين بريدة و عنيزة: النخل هناك عمره أكثر من 300سنة.. هواء جميل بالليل بعز الصيف تفتح النوافذ و تتنفس رطوبة النخل على قول صاحبي.. الهواء هناك أنقى من حديقة ماجوريل - سوق الجردة ببريدة بالشتاء و الربيع: البر و البران.. الخيام و المخيمات.. تنشرح الناس مثل إنشراح سمائهم شاركت الأماكن اللي قدرت أتذكرها.. شاركنا أماكن/صور/أكلات/رحلات مقترحة.. ودي يكون الموضوع مرجع كبير لكن البيانات المدخلة بسيطة و ما تتعب القارئ بالتفاصيل و بنفس الوقت ما تحرمه من الإستمتاع بالتجربة.. ودنا نرحب فيكم بس من التنوع اللي عندنا، بكل منطقة/مدينة تزورها بتسمع ترحيب مختلف..[/RIGHT]

عبدالله فهد

مزعوط مميز

المشاركات: 347

تاريخ التسجيل: Jan 2012

2013-09-14, 01:59 PM

المشاركه #11

لها اسم البناية؟ مقابل سوق العرب..

من يوم بدايته بشارع صاري و انا اجيهم ٢-٣ اسبوعيا و بعض الأوقات اكثر، بس ما اطب عليهم لما يرجعون سعر الشاهي لريال، بيطلع قيمة توسعه قبل سنة من ظهورنا.. دبل السعر الطماع.. قلت عط صاحب المحل: الايصال، قال اكتب بالنموذج.. إذا رحتوا هناك طلعوا عيونهم على سعر الشاي..

__________________

السعودية+

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: أشياء للقيام بها في السعودية Things to do in Saudi
الموضوع	آخر مشاركة
Motaded – Your Trusted Partner for Digital Marketing in Saudi Arabia	2025-07-31 12:28 AM
لو كنت مكاني مالذي تقترح للقيام به!؟	2015-11-24 12:28 AM
Saudi Gangnam Style ابو سروال وفنيلة	2012-11-05 05:51 PM

الساعة الآن 05:56 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

أشياء للقيام بها في السعودية Things to do in Saudi

روابط سريعه