تقرير مختصر بعد العودة من المراكش

الله يسلمك , بالنسبة للجواز عندك خيارين يا تستاجر السيارة ويحجزون مبلغ عشره الاف درهم على الماستر كارد او تخلي عندهم الجواز ويعطوك صورة منه مختمه من المكتب وانا افضل الخيار الثاني لان شفت جوازات كثير موجوده بالمكتب فاطمنت ولا واجهت اي مشكله ولما سلمت السياره كان جوازي داخل ظرف محفوظ في ملف السياره وتم التسليم والاستلام بكل سهولة

والسياره كانت من نوع رينو سنمبل 2013 جديده ومكيفة واقتصااااديه كثير عبيتها فل بـ 300 درهم كفتني طول الاسبوع ولا عبيتها الا في طريق العودة , مع العلم سبق استاجرت بالشتاء الماضي هونداي أي 10 بـ 200 درهم بدون مكيف لكن بالصيف تغلى شوي ومالقيت منها حتى بالمكاتب المجاورة انصح اي واحد يحجز مسبقا السياره من مواقع حجز السيارات المعروفه ,,

ودفعت كامل الإيجار عند الاستلام وكاش كنت بأدفع بالفيزا لكن قالت الاخت مريم سياخذون 20 بالميه زيادة ففضلت الكاش
بالنسبة للاثاث كانت غرف النوم ممتازه والمطبخ ممتاز لكن كنبات الصاله لك عليها شوي بالنظافه

اتمنى افدتك

الحمدلله ع السلامة اخوي وتحمل كلامي شوي بالنسبة للجواز لا يوجد قانون بالعالم يحق له حجز اثباتات رسمية كالجواز وما شابه ذلك شف الفنادق يسجل الجواز ويسلمه لك بينما في الماضي العكس مما يدل ع ان الوضع تغير حتى عندك في السعودية وما يحدث اجتهادات شخصية وخارج عن النظام واستغلال ضدنا لكن الله المستعان ما عندنا احد يحمينا من هالاشكال والمفروض اكتفيت بالفيزا ولا يمنع ان يتم حجز المبلغ كامل على المدة المستاجرة اما موضوع نسبة الفيزا هل تقصد ٢٪ او ٢٠٪ وعموماً في كل الحالتين ممنوع منعاً باتاً اخذ نسبة على الفيزا لانها عالمياً حتى بالسعودية ما احد ياخد عليك النسبة الا الاستغلاليين والصراحة انا اروح لهم علشان اشتكيهم واخذ تعويض وطايح فيهم ابي ادبهم وعموما كان بالامكان تستطيع في هالحالة تخليهم ياخذون النسبة ويعطونك فاتورة عليها موضح فيها تفاصيل استئجار السيارة باليوميه كم ومجموعها كم ثم يسجل النسبة في الفاتورة لكن راح يرفضون اعرفهم والمره الجايه جربها معهم وعطنا خبر علشان اذا رجعت للسعودية تشتكي وتطالب بحقك والتعويض من الشركة كمان او تركت المكتب كله ورحت عند غيره مثلنا ...... اعتبر مروري خفيف في التعقيب انما حبيت اوضح الفكرة .... واحترامي لك،،،،،

كلامك صحيح مئه بالمئه لكن انا كنت بحاجه المبلغ الي بيحجزوه وانت وضحتلي امور كنت اجهلها
والنسبة قالت 20 بالمئه استغربت منها فعلا
الف الف شكر على مرورك وتعقيبك ربي يسعدك