|
اقتباس:
مشكور على تواجدك الغالي |
الحلقة السابعة
حياكم الله أحبتي الكرام .. اليوم راح نتكلم عن برنامجنا لليوم السادس في مراكش ولكنه السابع في السفرة ككل. وبصراحة كان يوم خاص بأغادير ولا يوجد له تفاصيل كثيرة .. صحينا هذاك اليوم من بدري تقريبا الساعة الثانية عشر تقريبا ، بصراحة ما عرفنا وين نروح ، كل الأماكن رحنا لها ، شوي وحنا نفطر قال لنا واحد من العيال وش رايكم نروح نتمشى في أغادير ، بصراحة شبكت الفكرة معنا بقوة ، وإحنا نقوم بسرعة ونلبس ونتجهز ، والطير قلت له روح لبيتكم وموعدنا لما نجي قال طيب ، خرجنا من الشقة تقريبا الساعة الواحدة ظهرا ، تم. التزود بكمية لا بأس بها من العصيرات ، مسكنا الطريق السيار وعلى أغادير ، كان الطريق خرافة بصراحة أنفاق وخضار ورذاذ وشيء يرد الروح ، محمد عبده يدق العود وأغاني تبعث الدفء في نفس العاشق ، كنا نمشي على أقل من مهلنا ، فهدفنا كله نشم هواء نقي فقط ، أحبتي استغرق الطريق حوالي الساعتين ونصف ، ولكن والله ما تحس بيها ، وصلنا أغادير مدينة حلوة وجميلة وبصراحة وصلنا وجونا مرة رااااايق ، على طول لمطعم شواية النهضة وأحلى طواجن وأحلى أتاي بالنعناع ، وبعدها لفة على على الكورنيش الجميل وهي أول مرة بصراحة أزور أغادير وأشوف الجبل المضاء بكلمة الله الوطن الملك ، البرد كان قارس جدا جدا ، قررنا نروح لروتانا كافيه ريحنا فيه ودفينا شوي ، كانت الجلسة فيه ممتعة جدا تقريبا يمكن ساعتين ونص على ما أظن ، بعدها رحنا يم المارينا بس نشوفها ، شفنا سكاي كلوب ، المهم بيني وبينكم حنا مقررين بس نشوف أغادير ونسهر فيها بس ، اتفقنا ما نثقل في السهرة ، جاء موعد السهرة وكنا قد حجزنا في أطلنتس اللي بفندق رويال أطلس ، كان جميل ورايق بس اتأخرت بداية السهرة ما بدؤوا إلا تقريبا الساعة الواحدة والنصف ، جوهم حلو وأعجبنا وخدمتهم رايقة بعد ، ما أكذب عليكم الشباب خربوها بقوة وكثروا وأنا لي الله أتفرج فيهم ، شوي وأصيح فيهم وجو يتأسفون لي قلت اسمعوا خربوا أبوها ولا يهمكم أنا اللي بسوق ، وخذ لك بوسات وخذ لك عناق مبسوطين حليلهم ، خليهتم ينبسطون لين ما خلصت السهرة على الساعة تقريبا أربعة فجرا ... طلعنا وركبنا سيارتنا وين الخط السريع وين ، وأحلى ضحك وأحلى أغاني وأحلى نسمات باردة مع سيجارة ، يا ربااااااه عليك يالمغرب ، وما أحلاها من مغامرة ، مشينا في الخط والشباب ما ودهم نوصل ، وصلنا تقريبا على الساعة ٦ ونص أو سبعة صباحا .. وصلنا للشقة ولقينا طاجين جاهز بس دفيته شوي ، وأحلى صباحية واتفقنا ننام ونصحى بدري ، على طلب الشباب على قولهم يبغون يعوضوني بسبب ليلة أغادير بخروف يجيبونه ونشويه مع عصافيرنا اللي وخاصة العصفور الكناري اللي وحش الكل .. طبعا أنا قلت بنام ولا لي شغل أنا ضيف فقط ، واتفقنا نكلم العصفور الحلو ويجيب كل اللي يعرفهم ولا مانع من أن يكونوا كثير ، لزوم هارون الرشيد الليلة ... وبكذا انتهى يوم السابع في مراكش والثامن في السفرة كاملة وباقي لنا يومين ليلة الشواء الجاية وليلة في كازا الغزالة ... ألقاكم قريبا وأعتذر عن التقصير فالعيد على الأبواب من جهة وسفرتي في نفس يوم العيد من جهة أخرى .. كل عام وأنتم بخير |
اهلين بك يامعلمنا الفاضل كتبت فأبدعت واصل تألقك يالحبيب .. تحياتي لك .. |
اقتباس:
:maroc (1065)::maroc (1065)::maroc (1065): |
عزيزي الأمن الوطني تقرير مزيان ي معلمنا :maroc (1199): وبانتظار البقية :morocco_5 (161): |
الامن الوطني سرد ممتع واحدات عسل يا عسل بس اللي جالس يصوركم الظاهر من قوت الجوووو الي هو فيه الظاهر قام يتخيله انه جالس في متحف هههههههههه .... في الانتظاااااااار يا بطل...... تحيــــــاتي لك ..
|
اقتباس:
شكرا أستاذي على كلامك الجميل وهذا من ذوقك مشكور على تواجد المستمر نورت التقرير وربي تسلم يا غالي |
اقتباس:
تااااا أنا توحشتك الغزال تسلم على المرور يا غالي |
اقتباس:
مرحبا بيك الكازاوي ومشكور على المرور يا ذوق وش نسوي ما نقدر نحكم البشر هذي مفكرة السفر دمار تحياتي لك |
الحلقة الثامنة
يسعد أوقاتكم حبايبي بكل خير .. وعواشر مبروكة نكمل لكم حكاية برنامج اليوم الثامن بمراكش والتاسع في السفرة ككل .. كعادة الأيام الأخيرة ودك تسوي كل شيء , ودك تزور كل الأماكن وكأنها حبيب خاص ويعز عليك فراقه .. أيام المغرب تجري بسرعة وما نحس إلا وموعد الرجوع قدامنا .. ومهما عملت ومددت وتاخرت مصيرك ترجع للمغرب الحبيب .. أحبتي ما أطول عليكم , كما قلت لكم كانت هذي الليلة تعتبر تعويض لي عما سبباه لي من مشاكل في ليلة أغادير , وعلى شرفي كمان , المهم صحيت الساعة يمكن خمس للعصر , وأحلى دش وأحلى فطور , وما كان فيه أحد من العيال .. سألت الشغالة قالت طلعوا برا .. قالت جابوا اللحم ومشوا , وأنا أروح يم المطبخ أشوف وألقى هذا الحولي الصغير على طول عصافير بطني تصيح و تقول صيدنا إحنا وخل عصافير مراكش في خير .. كلمت الشباب وقلت وينكم قالوا رحنا نتمشى شوي , قلت خذوا راحتكم .. الشغالة جابت وحدة صاحبتها تساعدها في تجهيز العشاء وتقطيع اللحم وتتبيله .. وأنا لبست سبورت وطلعت أعمل شوية رياضة من شان أصحصح وأحرك دمي .. بعد يمكن ساعة من المشيء ونا راجع للشقة إلا السيارة حقتنا واقفة جنبي وفيها العيال وعصفورين خيال خيال .. أثاري الملاعين راحوا يقنصون .. بصحتهم .. كلمت عصفوري وقلت له متى بتجي قال الساعة يمكن ثمان أو تسع قلت لا تتأخر أو بتزلق على فكرة .. قال لا ما رح اتأخر ودي نحتفل سوا الليلة .. قلت المهم أنا قلت لك .. وقفلنا .. رجعت للشقة وأحلى دش بارد وسخون , وأحلى شياكة وأحلى جلسة ضبطوها الشباب .. الموسيقى خدامة , والجو شاعري وأخاذ , والقلب يرجف ويحزن ويتقلق من مغادرة هذه الأجواء الجميلة .. حاولت ما أشغل نفسي وأعيش هذي اليومين بفرح وسعادة , وخصوصا غيري يتمنى يجي يوم للمغرب وما قدر , الحمد لله .. دق الكناري وقال دقايق أكون عند البوابة لا تتأخر عشان البرد , قلت ما يهمك طالع لك .. قالوا الشباب لا إنت ما تطلع حنا نروح نجيبهم لك , خدمة خمس نجوم , طبعا بطريقة حبية وهدفها الضحك والذكرى الطيبة لا أكثر .. جابوا الحلو وجمعوا كل العاصفير حولي , وأحلى راس شيشة معهم وجنبهم , توني أحس بمعنى هارون الرشيد من جد .. بدأ الاحتفال بشرب عصير عنب بارد جدا .. وتوالت الأغاني بالطلب .. وتصاعد الدخان آذنا بتأجير الدور العلوي كاملا .. أحلى مشويات .. واحلى سلطات .. والأحلى من ذلك كله اللمة والصحبة الطيبة .. ونحمد الله على كل شيء .. قفلنا المشويات .. وطلبنا من الشغالة بأن تعمل لنا طاجن لحم بالبرقوق واللوز ويكون جاهزا عند الساعة السادسة صباحا .. وباقي اللحم طلبنا منها أن تأخذه كله وتوديه لبيتها لها ولعيالها .. استمرت السهرة بشكل جميل ورايق , وأحلى شطح , وأحلى ردح , وأحلى سوالف , وأحلى قصص من الطيور بس باينة كلها كذوب ههههه .. تقريبا جت الساعة السابعة صباحا وختمنا الطاجن .. وبعده جلسنا نشرب ماء ونريح شوي , وبعده كل واحد نام في غرفته واتفقنا نصحى الساعة 12 ظهرا استعدادا للمغادرة لكازا وقضاء الليلة الأخيرة هناك لكي ننعم بالهدوء والراحة في الفندق وتوفيرا للوقت والجهد أيضا .. وبكذا انتهت ليلة الشواء بكل تفاصيلها الجميلة التي انحفت في ذاكرتي ولها ما يقارب 360 يوم أو يزيد .. انتظروني في الحلقة التاسعة والأخيرة الليلة بالكثير تكون نازلة هنا .. ولكم وافر المحبة .. واعذرونا |
| الساعة الآن 05:47 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط