حادثه حصلت لي مع الشرطه بكازا
شباب شخبارك ايش علومكم
مع انه لازم اكمل التقرير حقي لكن ارتب اوراقي واسفطه كامل افضل
المهم بخبركم بحادثه صارت لي وانا بكازا احذروا احذروا احذروا من تكاسي ماروكو مول
المهم صاحبي في هذا اليوم اخذ السياره وراح الرباط قالي تخاويني قلت لا بما انه زياره عائليه يعني رسمي
المهم قلت خليني اروح ماروكو مول المهم جلست بماروكو مول اتمشي واشوف لين حصلت الذبيحه الزينه قلت خليني اتعشا واخذ عشا للشقه مره وحده
المهم طلعت من المجمع تكاسي يعرضون عليك كنت ادور علا شخص كبير بالسن يعني اي شي يصير اقدر عليه ولكن للاسف حصلت شاب ورضيت اركب معه
اتفقنا بالسعر
المهم مشينا واحنا بالطريق من عين ذياب عند الطازح وقف لجوج بنات طريقهم مقهي التوين فيس مقابل التوين سنتر
والله ياشباب ماخذينا 10 دقايق طب علينا الشرطي بالدراجه
بدل لايكلم الشرطي التكسي جاني انا
قال: اشكون اللي معاك ماتعرف انه ممنوع ورافع صوته
وانا كنت رايق قلت له ممكن تفهمني ايش اسالفه
قالي :ممنوع تركب مع بنات بتكسي نعملك قضيه
قلت له : اول شي هذا تكسي هو يتحكم مو انا والبنات ماعرفهم ولايعرفوني
التكسي ابن الحرام قال :هم ركبوا كلهم مع بعض
البنات :قالوا كذاب صاحب التكسي احنا مانعرف هالشخص ابدا
قال : اعملك قضيه هون ومسكني التكسي قالي خلصه 2000 درهم بسرعه وانقذ حالك
قلت له: سكر فمك انت خلني اتفاهم
قلت للشرطي : هل في قانون يمنع اتمشي مع بنات في المغرب انتوا بلد منفتح هل محمد السادس امير المومنين هو اللي اخرج القانون
المهم قلت له: لحظه خليت حالي اكلم السفاره واتكلم بصوت علي الو الخط الساخن السفاره معكم المواطن فلان انا في مشكله
في شرطي كذا رقم دراجته كذا وتكسي كذا رقمه كذا والموضوع كذا بعدين اقول اوكيه اوكيه اروح لمدير شرطه كازا او كيه احصل مين الضابط الفلاني شكر ا
قالي :مع مين تحكي قلت له لسفارتي وتفضلوا معي المركز هنا صارت انا بقوه الجبل وهم مثل الحشرات
قلت :للتكسي ياتروح بحالك يا تجي الشرطه اقسم بالله مايحصلك خير
هنا التكسي قال :للشرطي ياخويا سير لحالك معه انا مالي خص والطكسي قال " ترى مايقدر يعملك شي
وكان يبغي ياخذ منك فلوس يعني متفق معه
قال: ايوا قال وان اسف اخويا بس خليني اتلاح من هالمصيبه
وانا كنت اسجل الصوت
وبعدها سمعته للشرطي الكلام اقسم بالله انه خاف
وقال شوف انته شكلك واصل بالبلد وهالشي ممنوع وانا راح اسامحك وانته سامحني وصافي
قلت لا حتي لو سامحتني ماسامحك قال علاش قلت له هكاك
قال انتوا طيبين الخليجين
قلت له بس مو دايما
المهم اخر شي راح الشرطي وركب دراجته وهو في قمه الخوف
والله اني وصلت لباب مركز الشرطه وكنت ناوي اشتكي قلت ويش لك بالوجع والنكد
بس ندمت اني مابلغت الشرطه عشان يتعلم درس لاينساه هم مع التكسي لانهم يتفقون مع بعض
اخواني احذروا هذا اللي يكرهني بالمغرب ياتخلون الدعوه مفتوحه
او انكم تسكرون كل شي
احذروا واسف اطلت عليكم
2014-02-13, 12:08 PM
المواضيع المتشابهه للموضوع: حادثه حصلت لي مع الشرطه بكازا
العرض الشجري
الدرهم المغربي مقابل عملات الخليج