منتجع ( الرزو قاردن )

أي مكان سئ اتركوه الروز قاردن من زمان عندي في البلاك لست تحس أنك في شمال الجابون

اني قااااادم زحفاً

عن نفسي احب الروز قاردن رغم بعض الملاحظات

انا حجزت عندهم مرتين و بتوثيق احداها بالمنتدى مع ذالك واجهت نفس الموقف مرتين الي هو يقول مالك حجز ولا لك دراهم ولازم تتفاوض و تهاوش و تسوي لجه بنت كلب لين ما يطلعون لك فله و بالغالب مو نفس طلبك و يجيك ابو آدم يقول اسفين ومن هالكلام بعد ما كرهك بالمغرب و يقول بخصم لك ٥٠٠ درهم ولا يقول تقدر تدخل النادي الصحي ببلاش انت وجميع المسافرين معك


حنا نبغى حل الخصم او العروض مو حل ابدا
انا اعطيه ١٠٠٠ درهم ولا ينشف دمي ويرفع ضغطي ويلطعني ٤&٥ ساعات


لكن الحق ينقال ابو آدم ما يقصر اذا بيده شي لكن حنا ما نبغى الشي ذا يحصل

طبعا ع كلامه يقول يجيني زبون حاجز ٧ ايام و بعدها نقوله اطلع و يقول لا بامدد ٧ ايام ثانيه ؟؟؟

العينات هاذي هي تحط ابو ادم و تحطنا في مواقف بايخه

طبعا انا انتقد من دافع محبه عشان يتم تعديل الاخطاء ولا انا الحين ساكن عندهم بعد مرمطه ٣ ساعات

الله يكون في العون بس

تذكرت اول سفره لي للمغرب قلت للتاكسي حق المطار أبغى روح للروز قاردن قال اوك وانا بالطريق كانت تخيالاتي عاليه بالزااااف لان اسمه منتجع وانا متعود على دبي وحجوزات بوكنج ههههههههه والله العظيم والتأكسي ماشي بالطريق للروز قاردن كنت أقوله انت شكلك ما تعرف المنتجع ههههه وهو مسكين يحلف انه رايح للمنتجع قلت مستحيل يكون هذا طريق حتى مقبره مسكين انا على نياتي وادخل المنتجع واسأل هذا منتجع الروز قلت أبغى أشوف غرفتي هههههههه والله جالس اضحك وانا اكتب هههه ويمشيني بين الأشجار اليابسة الله لا يوريك حالتي حاله ههههه وبسم الله يدخلنا الغرفه والله يشغل النور ما فيه نور وجلسنا شوي ويشتغل النور وياليت ما اشتغل والله أني شفت السرير على طول طلعت وانا مستغرب كيف فيه كائنات بشريه تسكن في هذه الاماكن وقلت للتاكسي يرحم أمك أعطيك اللي تبغى لكن أبغى سكن معقول ورحنا البابليون وكان ارحم بألف مره

ههههههههههههه الله يسعدك ياشيخ

انا قبل اسبوع كنت موجود فيه يعني ماتقول انه شيء واو لاكن يمشي الحال والميزه الي أشوفها فيه انه بدون بخشيش وحريه تامه وتاخذ راحتك ع الاخير اما من ناحيه الصيانه والأضاءه انا معك يوم دخلت الصاله مافي الا لمبه صغيره وحده تشتغل تخيل المنظر بس ههههههههه

اذا ع الاناره والكلام ذا عادي

اول من تدخل قله شيك عليها واي شي طافي

صلحه لي وبس دائماً فيه او غيره عشر دقايق

وكل شي مضبووط

الروز مشكلته غير واضح، بعض الأيام يأخذ مبلغ من كل ضيف 200درهم، وبعد يأخذ ضرائب يوميه ع كل شخص، والحجز عادي جدًا تحجز شي وتلاقي شي آخر، واي مبلغ يضيفه يبرر ذلك أنه نظام فندقي!! طيب النظام الفندقي يعالج مشاكل السكان من أعطال مكيفات بالصيف واناره وملاحظات، للأسف الأخ أبو آدم، مجرد كلام بالواتس بعد ماتوصل مافيه لي تواصل، الئ لما تجده بالمرقص وجميع الملاحظات يقولك اكتبها عند الاستقبال، وبدون حلول. صراحه أكثر من مره اكتب ملاحظات هنا وملاحظات بالروز ولكن لاحلول، بس شفط فلوس من غير اي احترام. خاصه بعد توظيف السوريين هناك. تحياتي للجميع

امسكه بحلقه وقل مافيه درهم لين تخلص
كل ملاحظاتي وينتهي كل شي