مساكم الله بالخير جميعاً
الجزء الثالث
بعد ما طلبتني صاحبتي للغرفه وهي منفعله طبعا وهي قايمة اعطت نظرة خطافية لضيفي الجديد, أنا طبعا متصور كل السينايرو اللي بيصير ومتجهز له بالرد المناسب.
دخلت الغرفه وتركت الباب مفتوح وراي متعمد وقامت وراحت هي وصكت الباب بقوة وانا اطلعها بذيك النظره
أنا : خير وش فيه علاش كل هدا؟
هي: يعني ما تعرف علاش؟
أنا : لا والله ومش عارف علاش انتي معصبه اصلا فشلتيني مع ضيفتنا.
هي : يا سلام انا فشلتك انت وانا بقريح <<< لا عاد شدراها عن هالكلمه شكلي مصختها ههههه المهم قالت كلمه بنفس المعنى.
أنا : انا فاهم علاش كل هذا وانا متفق معاك قبل اجي للمغرب على كل شي يعني المفروض ما تزعلي لاني ما خدعتك.
(بصراحه أنا خربتها في شي واحد من الاتفاق ان النهار احتكار وبالليل فري لكن وش اسوي شاءت الظروف اني اكون بالوضع هذا بالعصر ومن ثاني يوم, ادري انا غلطان لكن هي مشت كذا عاد انتوا مشوها معاي ^_^)
هي : أنا صحيح متفقه معاك على هاد الشي لكن أنا بصراحه من بعد البارح ومن اول ما شفتك تعلقت فيك ويوم دخلت وشفت ضيوفك طلع فيا الدم وما عرفت كيف اعمل.
أنا : (في داخلي طوم كروز متشقق محطم قلوب العذارى ههههههه) ولا يهمك أصلا هادي ضيفة وصديقه قديمه وما بينا الا كل خير.
هي : اه خلاص وانا اسفه اني تصرفت كدا والان بخرج للصالة وبيكون تصرفي معاها مزيان صافي.
أنا : صافي
مشت السالفة على ما يرام وانتهينا بتنوال وجبة العشاء من يد الشغالة فاطمة اللي الى يومك هذا وانا اتذكر نكهة طبخها .
كان جدولنا اليومي انا وخويي نصحى قريب العصر وناكل نواشف ونخرج نتمشى في شارع انفا لين نوصل للمونتي كريستو ناخذ شيشتين عنب واتاي ونكحل عيوننا بالداخلات والخارجات وبعد المغرب نتوجه للشقه ويكون عشانا جاهز وندب لين يطلع الاكل من الاذان ونخطط كل يوم على مكان نسهر فيه اول يوم كان البلاك وثاني يوم سهرنا بالديوان وبعدها نتوجه للبلاك.
ثالث يوم جانا اتصال من المطار يقولون ان شنطة خويي وصلت بالسلامة ومن فرحته مسكين قام يدق ويرقص طبعا هو راح واشترى له بعض الملابس حق اليومين اللي فاتوا تمشية حال وتمشية الحال هذي كلفته 1000 ريال تقريباً لكن لاجل عين تكرم مدينه.
كلمنا راعي تاكسي من اصحاب المرسيدسات البيضا يودينا المطار ويرجعنا بـ 500 درهم, بعدها رجعنا للشقه وخويي حاضن شنطته من الفرحه, شوي الا يجيني اتصال على جوالي السعودي والرقم مغربي :
أنا : الو
بنت : اهلين شحالك ؟
أنا : بخير يسرك الحال انتي شحالك فديتك؟
البنت : بخير , ما عرفتيني
أنا : لا والله
البنت : افاا حشوومه نسيتيني ونسيت هدرتنا بالطياره
أنا : اهااا اهلييين هلا وغلا ومليون كرتون حلا << ناسي انها مرقمها
البنت : شخبارك توحشت للهدره معاك انا بودي اشوفك وين انت
أنا : انا موجود بكازا وانتي وين ؟
البنت : انا بالرباط واذا ودك الحين احجز بالقطار واجيك
أنا : اوك اهلا وسهلا وهذا رقمي المغربي
البنت : اوك صافي راح اعيط عليك لما اوصل, بالسلامه
انا مبسوط اني بقابلها خصوصا انها عايشه في دبي ودبي قريبه من عندنا يعني لو حبيت اشوفها مره ثانيه حذفة حصى, كالعاده الذهاب للمونتي كريستو بالعصرية اصبح واجب وطني والجلسة هناك تفتح النفس, رحت انا لوحدي لان خويي كان يضبط اغراضه, وصلت وطلبت معسل العنب وذاك الاتاي شوي الا يجيني اتصال من ضيفي السابق وينك؟ أنا بالمونتي كريستو وشوي رايح للشقه قالت جايتك الشقه, قلت اوك
شوي الا وجوالي تررن تررن
أنا : الو
صاحبتي الاولى : هلا شخبارك شعلومك, فينك انا بالشقه انتظرك يالله اجي بسرعه
أنا: اوك
جلسا لمدة خمس دقايق شوي واشهق واقول في خاطري انا وش هببت, وش اللي اوك وش بتسوي فيهم كلهم اذا اجتمعوا, واكلم خويي واقوووله على اللي صار, وهو اللي يطنقر علي , ويسب ويتوعد فيني : يخرب بيتك انت ما تبطل حركاتك تبي بس مشاكل وبس, وانا مو قصدي اعمل مشاكل بس نيتي طيبه وما احب ارد احد.
قال تصرف انا مالي شغل, وانا اجلس احاتي اللي بتجي من الرباط والا الثنتين اللي موجوده بالشقه واللي بتجي للشقه يعني بصريح العبارة بتصير حفله واكشن ما بعده اكشن بالشقه, جلست افكر وافكر شوي الا ابليس عطاني جميع الحلول والاحداثيات وامسك جوالي واتصل على اللي الرباط, هلا كيفك فينك ؟ قالت انا بالسكة دابا وصلت ومعاي صاحبتي, خلاص لا تجين اتفقت انا وصاحبي نجي للرباط بكره, قالت بس انا خلاص بحجز قلت حتى لو حجزتي كنسلي الحجز, وتضايقت شوي وسوت نفسها زعلانه لكن بالاخير راضيتها بكلمتين حلوين ومشت الامور زي الحلاوة.
هذي وحلينا موضوعها, شوي وادق على اللي بتجيني الشقه : الو وينك قالت بالبيت شوي وبطلع اجيك للشقه, قلت لا تجين بالصدفه التقيت بولد عمي جاي في رحلة عمل للمغرب وعزمته عندي بالشقه وهو انسان كبير وما يعرف خرابيط كذا او كذا فلا تجين الا لما اعيط عليك ونفس الموال اهئ اهئ لين انحل الامر ودي.
الحين انا تنفست الصعداء وارتحت وفي نفس الوقت متحسر على اللي جاي من الرباط ومتعني عشاني لكن يالله كل شي خيره من عند الله.
رحت للشقه وخويي يطالعني بنظرة الشمتان على اللي بيصير معاي وانا اجلس ومرتز ولا همني وقلت لهم يالله نروح عين دياب, وهو اللي يبلق عيونه, ويقول من جدك قلت ايه يالله الحين, وصيت صاحبتي تسبقنا بتاكسي واحنا لبسنا سبورت واخذنا تاكسي ورحنا لعين دياب واول ما نزلنا عند ماك ولفحنا الهواء المنعش نسيت اكشن ما بعد الظهر كله, تمشينا في الكورنيش ونزلنا عند البحر وركض وحذف بالرمل وماي البحر انا وخويي وصاحبتي وشوي تلقفنا على ناس يلعبون كوره الا نلعب معكم وهم ما صدقوا خبر طلعوا ناقصين واحد ومرقوعين 3 -0 ومن اول لمسة جاكم رونالدو وجاب هدف, رونالدو طبعا حضرتنا وخويتي تشجع وانا اللي اتحمس وركض بدون لياقة لين قرب المغرب ومشينا كلنا بتاكسي واحد ركبت هي قدام وانا وخويي ورا واتفقنا اننا ما نتكلم وهي اللي تتصرف, التاكسي وين قالت له شارع انفا بناية سامسونج, المشكلة البناية مشبوهه ان اغلب سكانها خليجيين وهو شك بأشكالنا شلون خليجيين واشكالهم مبهدلة تقول عمال بناء مخلص دوامهم واحنا صن ولا كلمه, يكلمنا ونرد عليه بالاشاره ابه ابه, فكرنا طرمان الله يشفي كل ابكم بإذن الله لكن من له حيلة فليحتال هههههه وصلنا الشقه وكنت معطي صاحبتي فلوس معاها للامور الصغيره عشان هي تيك كير في كل الحسابات نزل خويي ونزلت هي وواقفين عند باب العماره انا كنت ادور جوالي وما نزلت الا اخر واحد نزلت وقبل اقفل الباب قلت للسواق لا شعوريا شكرا خويا وهو اللي يبلق عيونه وبدا يتحلطم وانا اللي اصك الباب وجري لباب العماره واسكره وادخل بسرعه, وهم يقولون لي شفيك قلت لا ما في شي ها ووصل اللفت او بعد وانا كاتم الضحكه خخخخخخخ.
صعدنا الشقه ودخلت انا واحم احم واخدنا شاور وخويي ملطووع بره بالصاله ينتظر لان الشقه مافيها الا تكرمون حمام واحد, خلصنا وتعشينا وتهندمنا وقبلها صاحبتي قالت الليلة بسهر معاكم لان بكره اجازه وبروح البيت اجهز نفسي وبجيكم وين ما بتسهرون, بيني وبينكم تكدر خاطري لاني كنت مخطط على مغامرة جديده كنت مجهز لها من يومين لكن ماعاد ينفع بخليها ليوم ثاني ....
يتبع