هام جدا بخصوص السكن في اغادير !!!!

ههههههههههههههههههههههه صرنا شريطيه عقار

__________________

والله حجزت بالمارينا 6 ايام واماديل 5 بس ابعد عن صحارى وازعاجهم

السلام عليكم إخواني الكرام عساكم بخير.
معكم حسن من أغادير من وكالة أسفار علامة الجنوب ، لأي استفسار بخصوص السكن بأغادير المرجو مراسلتي على الواتساب على الرقم ٠٠٢١٢٦٠٠٣٦٦٨٧٢
إنشاألله راح أفيدكم.
تقبلو مروري ولكم مني أحلى تحية. والسلام عليكم

السلام عليكم ورحمة الله وبركاته

مساكم الله بالخير يا حلوين

اسمحولي بدخل في الموضوع على طول (((( والله على ما اقول شهييييد))))

هذا اللي حصل مع الأخ (((حسن أغادير))) بخصوص السكن ...

6 من اصحابي كانو مسافرين للمغرب 15 يوم .، 10 ايام مراكش و5 ايام اغادير .،.

الموضوع بخصوص ال 5 ايام اللي بأغادير وكانت من تاريخ 30 نوفمبر الى 5 ديسمبر وكان مضمون الحجز في شقق المارينا عبارة عن ثلاث شقق وكل شقه غرفتين وصاله وكنت مشترط انه الشقق تكون في عماره وحدة.،.

وتم التواصل مع الأخ حسن ورد علي وقالي حجزك اوكي وطلبت منه صورة الفوتشر وارسلي إياها وقالي لما توصل اغادير كلمني عشان اقابلك عند الفندق قلت له طيب الله يعطيك الخير .،.،

تواصلت معاه اليوم اللي قبل الحجز وأكدت معاه الحجز وقلتله اصحابي بكرة راح يجون اغادير للمعلومية قالي صافي وخليهم يكلموني .،. المهم اصحابي بلغوه اول ما حركو من مراكش وكلموه اول ما دخلو اغادير وقالهم روحو للاستقبال عند وحده اسمها مريم واعطوها الفوتشر مع العلم انه قال راح يقابلهم هناك عند الاستقبال ما هي مشكله .،. المهم قالت الحين ما فيه الا غرف لحالها بس وكل ثلاث غرف بعماره وبعد مناقشه في الموضوع قالت الشقق اللي طلبتوها موجودة ولكن دخلها مويه مع المطر وقلنا ما هي مشكله نبغاها كمان مع العلم انه الموضوع ما يدخل العقل لانه الشقق مصنفه خمسه نجوم ولكن والله اعلم انه الموضوع فيه .....،،. قلت لها طيب الأخ حسن عارف هالشي انه حجزنا مو موجود قالت ايوا قبل ساعه ونص عنده خبر مع العلم انهم اصحابي لما دخلو اغادير وكلموه ما قالهم اي حاجة .،. اتصلو على الأخ حسن وقالو له تعال للفندق عشان تشوف المشكله قال بكل سهوله ما اقدر أجي انا مشغول ولكن اليوم مشو أموركم وغدا راح يتوفر حجزكم مع انه الاستقبال يقول ما فيه طلبكم حتى بكره يعني كان فيه تناقض بالكلام واستهبال بالعقول لدرجه الله المستعان وصااافي.،. ومع هذا كله اصحابي اخذو سته غرف كل ثلاث غرف بعمارة وبعد السهرة رجعو للاستقبال قالو لهم ايش الوضع وردو عليهم لحد الان ما ندري واصلا على طول اصحابي اخذو الشنط وشيك أوت وعلى مراكش مره ثانيه وكرهو اغادير بسبب ناس تتعامل معاهم بكل برودة دم .،. مع العلم اني من رواد أكادير من زمااااااان ولكن والله حسيت بالمعاناة اللي صارت مع اصحابي وبالذاااات مع الأخ حسن اغادير (( حسن عاطي )) الله يسامحه دنيا وآخره هذا اللي اقدر أقوله وصااافي .،.



وسامحوني طولت عليكم بالموضوع ولكن عشان تأخذون حذركم من هالامور والمشاكل اللي تخرب المزاااج من بدري .


تحياتي لكل أعضاء المنتدى والزوار،

أبوهم وأولاده

مراحب ..الحمدلله على السلامه..
وماقصرت على نقل الصوره..
ونضع الموضوع بين اراء المزاعيط..
واحسن مافي القروب المزعوطي انه مااستسلم لرغبات السماسره وكنسل الحجز ولقنهم درس في التعامل ..
تحياتي

سلام عليكم
حمدالله علي سلامتكم وشكرا علي نقل الحقيقه
هذا الشي للأسف متواجد في المغرب وكثير من هذه سمعنا لاكن للأسف البعض لايتعض يجب مقاطعه مثل هذه الإمكان للسكن
بس حبيت اعرف هو نفس الشخص الي واضع إعلان حسن اغادير
ومثل ماقال اخوي البطل square
نضع الموضوع بين آراء المزاعيط
والله يعوظكم خير انشالله

تقبل مروري

اسمحلي اخوي انا الوم اصحابك معقوله يكنسلوا حجزهم عشان سمسار نصاب
اغادير مليانه سكن بارك الله فيك ويا كثر الفنادق وحي المحمدية مليان شقق فخمة وامان وكلاس
لكن بسيطه اتمنى هذا يكون درس للمزاعيط وما يحطوا ثقتهم في اي سمسار وعندنا مثل يقول اذا صرت جمّال واعد عشره
تحياتي لكم

اخوي فهد ايد كلامك وفعلا مليان حي المحمدية وعلي 600 درهم أخذت شقه بس فيه شوي بعد
تقبل مروري

الله يسلمك يا غالي من كل شر .،


نعم هوا نفس العضو حسن أغادير