مسافر ولا عندي دليل

السلام عليكم ورحمة الله وبركاته

أخوكم جديد على المنتدى والسفريات بعد بإختصار أنا رايح للمغرب ولا اعرف هناك اي شي لكن أعرف شي واحد أني أبي أفل أم أم أم أم أمها

واتمنى منكم ان تجيبون على هذي الاسئله كلن بحسب مايعلم وأتمنى ما اكون ثقيل ظل عليكم

-وين تنصحون أروح
-كم تتوقعون يكفيني لمدة 5 أيام ما أشرب الحمدلله ولا عندي نيه بس مافي مشكله اروح أسهر
-في أخطأ تنصحوني اتجنبها
-هل المغرب امنه
-اي شي بخاطركم تقولونه لي انا اتقبل لأني جديد على السفر

اشكركم وعذرا على ركاكة الاسلوب والاطاله

اذا وحداني يالغلا

روح اكادير مدينه صغيره وجوها حلوو وفيها شاطئ وكافيهات حلوه مثل روتانا كافيه

ويفضل تاخذ طيران داخلي على الملكيه المغربيه من الدار البيضا لاكادير اذا عزمت عليها

اما اذا معك زكرت لاتطب اكادير وانصحك في مراكش ..


بالنسبه للسكن عندك اماكن كثيره مثل فندق اماديل والمرينا

واذا تبغى تحجز روح للمويد اذا انت من الرياض وحجز انا حاجز منه وسعره ارخص الموجود


هذا بالنسبه للسكن


السهر انصحك في سكااي قريب من المرينا حلوو جووه خصوصا للي مايشرب فيه طاوله وفيه اكل وفيه شيشه وفنانين على الساعه 12 يبدون

واماكن كثيره غيره مثل الخيمه والعنبره في فندق صحارا ومخيطو والكزار في اماديل ..



بالنسبه للامان امنه اكادير جداً

ابرز الاخطاء الي لازم تنتبه منها هي التعامل مع التكاسي اذا مامعك سياره اشترط عليهم العداد في النهار واذا في الليل ضببط لك تاكسي واحد وخذ رقمه وخله يوديك ويجيبك بالليل بسعر لايتجاوز 50 درهم

وعند الاكل في اي مطعم اطلب الفاتوره وعرف كم حسابك لانهم عادي يرفعون الاسعار ..


هذا الي بالي حاليا وتروح وترجع بالسلامه .. : )

بالنسبه للمارينا اغادير احجز من خلال الموضوع هذا تلاقي الارقام فيه

https://www.mza3et.com/morocco19769.html

الله لايهينكم وتسلمون حقيقة ودي لو تعرفت عليكم هناك شكلكم أبطااااااال

لكن في امور:
الاول:كم تتوقعون تكاليف الرحله كاملة سهر ودشره مع التذكره إذا كنت راح احجز بدري يعني قبلها ب3اسابيع

الثاني:ياشباب انتم فهمتوني خطأ أنا صدق ماني راعي شراب أعوذ بالله منه لكني عندي مشكله شخصيه مع الجنس الاخر

(يعني مافي سهرات بها مرشدات سياحية )

:)
الثالث: أنا وحداني وكثر سمعتهم يمدهون أقادير
بس اخوي تياترو واضح انه قارمن ماشاء الله

ماقصروا الشباب فيهم الخير و البركة جوابهم كافي ووافي

__________________

ياهلا خويا انا رحت اغادير قبل 4 اشهر وكنت لحالي من ناحية اغادير امنه وجوها حلو اذا انت مانت راعي عصير تكلفتك اليومية 1300ريال بدون السكن المطاعم اسعارها طيبة واهم شئ التاكسي وبالذات في الليل اتفق معاه قبل لاتركب اما السهر عندك مخيطو من 12-3 وعندك جنبه الكازار من 3-6 هذي بفندق اماديل وعندك سكاي بالمارينا وعندك الحان بفندق اطلنتك بالاس من الساعة 3-7 وعندك خيمة صحارا تقفل الساعة 12 اما من ناحية مراكش ماجيتها لكن التخطيط عليها مستقبلا اتمنى اكون افدتك

أنصحك بمراكش ...ورد اخوي تياترو شافي وكافي وماقصر معك ..

وخمسة ايام تراها غير كافيه بالمغرب ...لكن ان شاء الله تنبسط

__________________
إدارة منتديات مزاعيط المغرب

^

لاكادير كافيه جداً ..

اذا شلنا يومين الطيران اما 5 ايام مع الطيران صحيح قلق كذا ..

وعليكم السلام

يالرررربع وش فيكم العالم دائماً السؤال الأمان الأمان الأمان

الدعوة بسيطة والأمور طيبة انتبه لعمرك وخلك ذيب ولاتشيل هم شي

الواحد لو يعميها باي مكان راحت عليه

حسستوني انها حواري المكسيك