نواصل بعد توقف في فاصل
المهم ، وصلت للماكدونالد و اتصلت بطيري الا هو يقول لي انا وصلت و جالس بالدور الثاني ، وتبتدي ضربات القلب تدق انواع الأيقاعات و بكل السرعات ، يا هل بشوف شي يسر ولا يكدر الخاطر !!
ما عليكم بالطويلة ، صعدت للدور الثاني الا اشوف صويحبي اللي ذكرته لكم جالساً على طاولة لحاله و تشتغل فيني كل انواع الانفعالات و الحركات الحديث منها و البدائية ، اثاريه طلع شي مو طبيعي ، طير يغرد خارج السرب ، شهاب ما يمر الا كل 5 سنين مرة ، جلست معه و انا عيني ما فارقت عينه وخذ يا انواع السواليف ، اكتشفت من خلالها انه طير بيتوتي لا راعي سهرات و لا مراقص ، قلت له جلسة ماكونالد بصراحة بايخة وشرايك نروح على كافيه لوبو و رد علي انت تامر و اللي تشوفه يريحني قلت له سرينا
وكنت خليت السائق ينتظرني عند باب الماكدونالد فخرجنا و رحنا للوبو و جلست حذى الطير و اصب في اذنه كل انواع الهمس و الغمز و شوية لمس و تواعدنا على اللقاء ثاني يوم .
ملاحظة : كافي لوبو جلسته حلوة و راقية و الطيور اللي تحط به طيور زوينة و راقية المستوى و اسعار الكافيه مناسبة
وصلت الطير الى مكان ما يسكن و رجعت انا و السائق و هو يكلمني و انا بعالم ثاني و الله مدري به ايش يقول
طبعا الوقت لا زال بدري حوا ال 11 بالليل وانا جاي برحلة خطافية لمراكش وكنت ما ابغي اضيع وقت، جلست اطقطق بالعصير الى الساعة 2 الفجر وقلت ما ابي افوت هالليله واتجهز و اقول للسائق ياخذني ورحنا للنرجس , دخلت و كان الوضع شي خيالي ، اصارحكم انا ما همني الطرب ترانا لاحقين عليه، انا اللي قطع قلبي الصغير الطيور، يا اخي اشكال و الوان و من كل صنف يداوي القلب الجريح ، بالأول جلست عند البار و اقعد اطقطق لي بشوية عصاير و عيوني تقول رادار طيارة تفحص كل الأتجاهات. شوي و الا اناظر قدامي طير ما هو مثل باقي الطيور ، طير يوجع القلب من حق و حقيق، و تجيني الحالة و اعطيه بسمة و هو يرد علي بأحسن منها ( قام حظك يا ولد ) و أاشر له و يجي يا لبي قلبه ، انا : هلا والله بالزين ، هي : هلا و غلا ، انا : شسميتك ، هي : ضحى من طنجة ، انا : اموت بطنجة و بريحة اهل طنجة ، هي : تسلم لي ، ما لكم بالطويلة ، تغريدة منها و تغريدة مني و ناخذ طاولة و هات يا ضرب فناجيل القهوة و هات يا شطح و يا ليل ما احلاك، خلصنا السهرة و رجعنا للشقة و الأمور طيبة و سهالات كملنا السهرة بالبيت و بصراحة الطير طلع جوه شي فوق الخيااااال اتعب و انا اقول فووووووق الخيال ، يعطيط على جوك و يزود ، عملت لي جو ولا النرجس و الياسمين و البلاك هاوس مجتمعين، وهات يا انواع الرقص و الشطح و التنكس. ااااااااه قلبتوا لي المواجع
صحينا اليوم اللي بعده على الساعه 2 وبعد الفطور ودعته و ودعني و اتفقنا على اللقاء مرة ثانية بكازا ، و اتصلت بالطير الحر صاحبي تبع ماكدونالد و قلت له يمر علي بالشقة و ارسلت له السائق يجيبه ، و جلست ارشف العصير لما وصل ، و انا قلبي صارت له جوانح و لا جوانح الرد بول لأنه بصراحة طير من كوكب ثاني كفاية بس تناظره تلعن ابو الزمن اللي مر من دونه . المهم ، جلسنا في حب و وئام و قضينا الوقت في غرام الى ان حانت ساعة رجعته قلت له انا ماشي على كازا بكرة و القاك هناك ودعته و قلبي ما مطاوعني بس هذي تصاريف القدر.
باقي اليوم قضيته في تماشي بساحة غيليز و الفناء و رجعت للشقة اطقطق بعدها طلعنا للديوان و لاني حاس باللي حولي ، كان كل تفكيري و مشاعري متجهة اتجاه واحد بس ( لمعشوقتي كازا ) مدينة العشق و الجنون كازا الحب و رجعنا للشقة و انا سابقني الحنين لك يا كازا لما جاني النوم.
اليوم اللي بعده صحيت من النوم من الصبح و طلبت من السائق ياخذني لشلالات اوريكا ،وصلنا و الجو كان عليل صعدنا الجبل و مطاعم الطاجين من يمين و يسار تفتح النفس قلت له قبل لا نوصل خلنا نخمس بطاجن لحم و بعد ما اكلنا و حمدنا ربنا وصلنا للشلال جلسنا شوي و رجعنا و بالطريق اشترينا الفواكه الطازجة ، وصلنا للشقة و خذت شناطي و قلت للسائق على كازا الحب و القلب داعي لك .
ملحوظات مراكش :
مراكش حلوة و لكن ماني من اهلها و السموحة من مزاعيط مراكش و هذا مش ذم بمراكش الحمراء و لكن وجهة نظر شخصية و ذوق خاص بي له اسبابه اولا لان مراكش جوها سهر بس و انا انسان احب التماشي النهارية و الاختلاط و التعرف و ثانيا جوها حار شوي و ثالثاً هي وجهة للطيور المهاجرة و انا هذا النوع ما يستهويني كثير
2013-10-03, 10:10 PM
.gif "Maroc (964)")
.gif "Maroc (1049)")
المواضيع المتشابهه للموضوع: عدت من المغرب و العود احمد
العرض المتطور
الدرهم المغربي مقابل عملات الخليج