صارلي موقف .. ولا ادري هل تعامليه معه بصح .؟

سلام عليكم



شباب أنا في صدري علم يتمرقص فيه كل ما أتذكره وأسئل نفسي هل أنا مذنب أم لا


سافرت للمغرب وأتفقت مع شوفير يتعامل معي باليومي وكان حسابه 500 درهم في اليوم لمده عشر أيام

لمن يجي وقت السهر ويصلنا ولمن يجي الصبح يسحب علينا ندق عليه ما يرد أو مغلق

عمل الشي هذا ثلاث مرات لدرجه أني أقتنعت كل ما أسهر لازم أرجع مع تكسي

وكان حجته أنه مره نايم ومره في دوريه ومره ما أدري ايش لاكن يعلم الله اذا بغينا اي مشوار في الأوقات الثانيه يودينا

المهم اخر يوم وأحنا رايحين لكازا على اساس ناخذ يوم وبعده رحلتنا على طول قلت له بسعت صدر ورحمه وتقدير على الأيام الي فاتت معنا

قلت له اذا سهرتنا اليوم في كازا ولا سحبت علينا راح اعفو عنك عن الي صار ولا اخصم على اجرتك { طبعآ متفقين على أن الأجره اخر يومين اسحبه له لمن نروح المطار من الصراف


قال أوكيه من عيوني قلت عفى الله عما سلف .. ابو الشباب نزلنا في شقه وسحب علينا لا ودانا ولا جابنا ههههههههه ليتك على الأولى كان يودينا الحين الثنتين

طبعآ كل عاده الجوال مغلق شرينا روسنا أنا وخوي واشرنا تاكسي وسهرنا ورجعنا الصبح ونمنا وكان رحلت خوي الضهر وانا المغرب

المهم مادرينا الي صحانا الضهر سواقنا العزيز كويس انه ما سحب على توديت المطار ودا خوي وقلت له من تودي خوي وترجع ونتغدى سوا توديني المطار لان رحلتي بعد خوي باربع ساعات

وقال لي ترى حساب توديت المطار غير عن الأجره اليوميه قلت أيه طيب صبرك علي اهم شي ودي خوي ولمن توديني اعطيك الحساب كامل انا ابي انام الحين قال طيب

وراح وصل خوي وأول ما طلعو اخذت عشر دقايق والله اسلم الشقه واخذ عفشي واقرب تاكسي على عين ذياب واتغدى واعين من الله خير وادز للمطار واسكر شريحتي المغربيه

وعملت هذا عقاب له لأنه سحب فينا وتعبنا وكان الباقي من حسابه 2000 درهم وهوخمس مرات سحب علينا المهم رحت للمطار وقصيت البوردنق وافقع لصاله المسافرين ههههه

بعدين تواصلت مع الخدامه الي كانت تشتغل عندنا لان طبخها كان كويس وابي انسق معها سفرتي الجايه تكون هي خدامتنا فاقلتلي ان سواقكم كان يتععامل مع اين غيركم ههههه اثره كان يشتغل على الحبلين يسحب فيني ويسحب في الناس الثانيه


ابي رايكم في أتخاذ قراري

لا والله غلط اللي سويته اخصم من فلوسه بس تسحب عليه مره وحده غلط وانا اخوك

اخوي ما راح اعلق على الموقف

ولكن لماذا تتحملون هالاشياء وتفتح باب غلى نفسك بالمشاكل ..

علشام تتفادى انك تظلم احد .. ولا احد يظلمك ..

يفترض تعطيه بأول مره سحب عليك تعهد تقوله ان تكرر هالشي بجيب سواق غيرك ..

واذا فعلا تكرر قله يا فلان تعال هذا حسابك والمرتين الي ما جيتني فيها حسابها كذا وهذا حسابك والله يستر علييك مع السلامه ..

وابحث عن سائق اخر او تاكسي او اي طريقه ثانيه ..

لانك تعطيه فلوس مقابل خدمه يجب عليه انه يوفرلك هالخدمه ..

نصيحه / يا اخوان لا تسكتون لاحد عن الغلط .. ولا تغلطون على احد



تحياتي لك

__________________
ياعرب ترى المكارم والمروّه

سـيف عـز فاللـقـا ما هو بحـاكل

والسمو الى جهـل قيمة سموّه

ما عرف فرق التوكل والتواكل

انا مع السمو

عطو الاجير حقه قبل ان يجف عرقه ...

ياناس لو أبي أحسب الي رحت فيها تاكسي والأشياء الي نصب علي فيها مثل طلبات والمستلزمات

أكثر من الي باقيله عندي من حقه اليومي

وانا كنت أبي اعمل الي قالوه الأخوان أخصم من حقه لاكن حبيت اعطيه فرصه وما أكون قاسي يمكن الرجل كان عنده ضروف قاسيه

وأنا من باب التقدير أستحملت لاكن وصل مرحله قويه وأخر يوم مافي مجال لنقاش

انا برضه مع الاخ العزيز السمو ,,,

انا برضه مع الاخ العزيز السمو ,,,

و هذا الصح و اعقل اصلا . وش لك وبوجع الراس جا ما جاء , وين راح , جواله مقفل .

من اول حركه منه علمه العلم او حاسبه و جيب غيره .

و ترا اغلب السواقين اللي كذا , يشتغل مع اكثر من ون في نفس الوقت .

و السلام ختام

__________________

اخوي الغالي ...صحيح انك تاخرت في حسم الموقف من اول مره ...ولكن انا معك في قرارك الاخير ...يا اخوان السواق صار عنده تبلد لانه يعرف الخليجيين طيبين ..ومايعاملونه بدقه وعلى الاتفاق وصار يسوي الحركه ذي مع الجميع ....اشهد انك يالغالي فريت مخه ويادار مادخلك شر ..وخله يحسب الف حساب لغيرك ....وبصراحه اذا بغيت سواق الافضل تطليهم من مكتب التاجير على مسوليتهم اريح لك

__________________