خريف شمـالي , تقرير مختصر عن ( طنجة , شفشاون , أصيلآ )

ماعجبتني فكرة البلدية وهما دابا مساليين للسي وطني الحبيب المفضي حتى يجي فخامتو يصور جوج تلجات ويمشي
لكن من خلال الرؤية بالعين المجردة اليوم من فاس كيبان ليا واحد الجبل بعيد وعااامر تبارك الله بالتلج >>> عجبتني البساطه
المهم غدا نقطع الشك باليقين الصباح غندير جولة تفقديه وبلا مانضر البلديه في راسها
بالصحه التومه لا مقليه ولا مشويه لاوالو
أما فكرة ساره اتفق معاك غ حيدي سلاويه أو ديري ساره سلاويه خصوصا اسمك قليل في المغرب
شكرا على سؤالك عالكاميرا ديالي وانتي تهلي في الكاميرا ديالك وفي صحتك ،،، >>>> أحسن منك

هي وصلتي لفاس ، مزيان على سلامتك وسير صور داك المول الجديد اللي داروه عنداك تنساه
و البلدية راها في خدمه المواطنين غ عيط ليهم ههههههه
شوقتينا نشوفو هاذ الابداع غ الله يستر نقوس عليك ويطيرولك الكامرا ونشوفةو النجوم هههههه

مستحيل نتنازل على الخاطر ونخلي غي سلاوية بوحدها ، كلشي عالخاطر الى مكانش مكاين والو وخلاص

انا معندي كامرا تنصور بالتلفون ونهدر منو ونلعب فيه ونرد عليك منو وصافي ، الله يحفظولي ويحفظلنا صحتنا كاملين ツ هاني مبقيتش مسمومه

__________________
.


الوقت الذي تستمتع باضاعته ، ليس وقتا ضائعا

الله يسلمك وصلت وكاين البرد واليوم كنت في برج فاس المول الجديد عادي جدا وصغير وموروكو مول أفضل منو بكثير لكن للأسف ماصورت لكن دام انك طلبتيها ضروري امشي ليه مره اخرى
وعرفت البلديه حتى عندنا في خدمة المواطنين وشحال من جهه أخرى حتى هما في خدمة الشعب لكن عمرني مافكرت عيط عليهم بش ماننصدم ولاتنسي أنا هنا ماشي مواطن
ساره سلاويه الخاطر ،،، طويل صافي غ بقي كيما عرفناك
تبارك الله عليكي أ للا كل هاد التصاور من التليفون الله يحفظو ليكي ولينا ضروري تتهلي فيه مزيان حتى ماتنقطعي عنا وعن التصوير
أهم شي الاعتراف انك كنتي مسمومه ،، الله يديم المعروف

هاذ الايام البرد بزاف حيت كاع ما جات الشتا , الله يرحمنا وصافي
اكيد مغيكون بحال مروكو مول حيت هذاك اكبر واحد فالمغرب لكن غصور نشوفو , حتى الاعلانات اللي فالطريق صورهم
بلا متوصي تنخاف على تلفوني اكثر من راسي نتلف انا وميتفلش هو

مسمومة غ منين عايرتي الفيديو ديالي ولكن منين رجعتي تصبغ وتشكر فتصاوري حسيت بك خفتي وقلت ندير معاه مزيان

__________________
.


الوقت الذي تستمتع باضاعته ، ليس وقتا ضائعا

هههههه
ربي يخليك ساراويه أهم شي انك عرفتي اني خفت

كيف جاتك ساراويه
مشيت افران اليوم وصورت لكي واحد الصوره مخصوووص لكن ماعرفت كيفاش انقلها من الكاميرا للنوت ماعندي الكيبل

ساراوية بحال فاراوية وانا معزيزاش عليا الكاراوية , هذا دلع ولا طنيز لا لا معجباتنيش غ خليها عندك ههههههه
حتى تسمي بنتك هكاك باش تولي مشهور بحال داك اللي سماها المتصدره
ايوا على سلامتك كاين شي ثلج ؟ مشيتي لميشلفن او غ فالمدينة بقيتي
اذا الكامرا فيها بلوتوث ارسلها للنوت هههههههههه باش تعرف باللي انا محترفة فالتصوير
صافي غ خليها حتى تحط التقرير ودير عليها علامه حمرا ولا خضرا

__________________
.


الوقت الذي تستمتع باضاعته ، ليس وقتا ضائعا

هههههههه وصافي تاانتي غير كان اقتراح وغلطه وندمان عليها
خليكي من الهبيل أبو المتصدره أنا بنتي غادي نسميها ساره وهيا اوطوماتيك غادي تتصدر بوحدها
ماكاين تلج لا نم ماوالووو حتى السبع لقيتو ناعس مسكين جاني الاحباط
مشيت المدينة وعين فيتال وصورت ورجعت فاس
والصوره اللي ليكي غادي تعرفيها ديريكت بلا علامات لكن بغيتها دابا قبل التقرير
ههههه غادي ندير ليك خاطرك ،،، الكاميرا مافيها البلوتوث
ان شاء الله السي مرجان يكون عندو الحل