الرحلة الشعلانية إلى المملكة المغربية - اكتوبر 2013

الله يخليك وشكراً على اهتمامك ..

والله كلامك عن اهل اغادير سليم جدا

والله العظيم اطيب ناس تعاملت معاهم في المغرب من سائقي تكاسي وموظفين ديسكوهات ومطاعم واستقبال

هم اللي في اغادير

حتي سيمو اللي في مخيطو والله سهرت عنده اول ليلة بطاولة وليلتين بعدها علي البار

وجيت الليلة الرابعة والله جلسني علي طاولة بالطلب لاني اجي للمخيطو علي الساعة اثنين لاني اكون قبلها بديسكو ثاني

وبصراحة والله حبيت سيمو اصلا يوم عرف اني من مكة يجلس يمسح علي صدري ويمزح يقول ناخذ منك البركة

ههههههههههههه

وانا بطلب من الاداره يغيرون اسمي الي محامي سيمو ههههههههه
اخوي يزيد مبدع وتقريرك اكثر من رائع

ريحت قلبي الله يسعدك يوم تقول انك تصرف بمعدل 2000ريال يوميا

انا اصرف تقريبا 2500بس بلعب وخنبقة ع الفاضي

استمر وسجلني اشد متابع لك

يا هلا والله بالحجازي ...

بس من هو سيمو؟

اسمع عنه كثير ولا أدري وش حكايته ..

يا ليت أحد يفيدني لو بالخاص ..

ايه صح نييت اقولكم عن سيمو

تعلم كلمة اصلي عليك

صار كل ما اقوله شي يقول لي اصلي عليك

هههههههههه

ننتظر مراكش يالشعلاني

أبشر بعزك ، وشكراً لاهتمامك.

تقرير ممتع وليته ما يخلص !!

بانتظار تفاصيل مراكش وماادراك مامراكش ( طاريها يفزز القلب !!)


جاري الانتظار حبيبي

الله يسلمك يا قلبي ، وأبشر ..

و منكم نستفيد، باقي على رحلتي ١٩ يوم ورايح مراكش ان شاء الله

بعد خمسة أيام في أقادير ..
أزف الرحيل إلى مراكش .. وكان يوم عيد الأضحى عندنا في السعودية ..
جاني حزن عميق وضيقة صدر والله إني الى الآن مستغرب منها .. !
بعد ما صليت الظهر ، جلست أقرأ على نفسي شيء من سورة البقرة لعل هذا الحزن العميق أن ينجلي ..

قفلت معي لدرجة إن صاحبي شك إن فيه مصيبة صارت ، يقول لي : وش في فيك؟ صاير شيء ؟؟ بذمتك قل لي !
وأنا أحلف له إنه ما فيه إلا كل خير ...

المهم أستاجرنا سيارة بسواقها من الفندق بـ 1300 درهم ..

وعلى طول جهزوا السيارة , وركبناها وغادرنا أقادير ، وفي آخر مشهد عمراني همست لنفسي : وداعا أقادير ..
لقطها مني السواق النابه واستدرك علي بسرعة البرق : بل إلى لقاء قريب إن شاء الله ..
التفت إليه بلخمة : إيه إن شاء الله .. إن شاء الله مع العفو والعافية ..









في منتصف الطريق ، وقفنا عند محطة أفريقيا ، والجوع عامل عمايله فينا ...

طلبنا صحن مشكل مشاوي ، وخبز أمازيغي يحطونه على حجر ومدري ايش ، المهم كانت غدوة عالمية ، في منتهى اللذة ..
بدأ يزين جوي ، وسحابة الحزن بدت تنقشع عن صدري ..

واصلنا الطريق ، ونمت ، حتى استيقظت ونحن على مشارف أقادير ...

هل قلت أقادير؟

آسف أقصد مراكش ..



استغرقت الرحلة بين أقادير ومراكش ما يقارب الثلاث ساعات ..

ثم توجهنا إلى فندق السعدي القديم ..

سعر الغرفة الواحدة ما يقارب 500 ريال لليلة من البوكنج ..

تمت اجرائات الدخول بسلاسة ..

الفندق قديم جداً .. وهذه بعض الصور :

























والغرفة يوجد بها بلكونة كبيرة تطل على حديقة الفندق ، وفيها طاولة وكرسي مريح ..

وتعامل طاقم الفندق جداً راقي ، ومتساهل جداً بخصوص دخول الضيوف والطلبات من المطاعم الخارجية ..

ولكن أكثر ما يعيب الفندق هو الروم سيرفس ، بعد الساعة 11 ليلاً تكون الخيارات محدودة ، لك ثلاث أو أربع خيارات تقدر تطلبها ..

أيضاً أنا شاك أنهم متلاعبين بخصوص السحب من بطاقتي الائتمانية ، لكن النتيحة بتظهر بوم الأحد القادم إن شاء الله ، لذلك ما أبي أظلمهم ، ويوم الاحد سأوافيكم بالنتيجة ...

إلى لقاء قريب ..