الرحلة الشعلانية إلى المملكة المغربية - اكتوبر 2013

مساكم سعيد ، وأيامكم فرح وعيد ..
هذا تقرير متواضع لرحلتي الميمونة من 9 إلى 21 اكتوبر 2013 ، ولا زلت متواجداً في المغرب حتى تاريخ كتابتي لهذه السطور ..
لا أعد بتقديم الجديد ، فقد سبقني الزملاء بالكفاية والوفاء بكل ما يلزم من معلومات وتفاصيل استفدت منها كثيراً فلهم الشكر والتقدير كما للمنتدى ولإدارته الكريمة ومشرفيه الأفاضل جزيل العرفان وعظيم الامتنان أن جعلوا لنا ملتقى نتبادل فيه المعلومات ونزيد فيه رصيدنا من الخبرات ..
ثم أما بعد :
بدت فكرة زيارة المغرب عندي قبل شهرين ، شاورت اخوياي ، ما عزم منهم على السفر إلا واحد ..
وبالفعل بدأت ارتب للرحلة ، واقرأ في المنتدى .. ثم حجزت تذكرتين " قبل موعد السفر بشهر " على الخطوط السعودية درجة سياحية ..
كل واحد ب 2900 ريال .. ذهاب وعودة طبعاً ..
واجازتي ما سمحت لي إلا ب 12 يوم ..
فسمتها على النحو التالي :
يوم في كازا ..
خمسة أيام في أقادير ..
خمسة أيام في مراكش
يوم في كازا ..
جاء موعد الرحلة ..
وركبنا الطائرة ..
واكتشفت أنني راكب باص خط البلدة وليس طائرة تابعة للخطوط السعودية !!




الكراسي ضيقة ومتلاصقة ، خدمة مضيفي الطائرة بطيئة ، سماعات الهدفون خربانة ، خيارات الموسيقى والأفلام محدودة ..
هذا غير إننا وقفنا في جدة ساعتين ..
كان المجموع تسع ساعات من العذاب والتعب ..

وعليه فنصيحة لوجه الله ، إذا كنت مصر على اختيار الخطوط السعودية فاركب درجة أولى أو على الأقل رجال أعمال ..
أما السياحية انحش ..
ولا يغرك رخصها ..

أقول هذا مع إنها ليست التجربة الأولى لي مع هذه الخطوط البائسة ، فلقد قطاعتها على ما يربو من الخمس سنوات .. لكن صاحبي أصر علي لرخصها ، فقلت يالله لعل وعسى إنهم تطوروا ... لكن شفت إنهم ازدادوا تدهوراً ...

يتبع ..

حاولت أضيف صور وما قدرت ، يا ليت مشرف يتواصل معي على الخاص ويشرح لي الكيفية ولكم الشكر.

__________________
i am a very private person, yet i am an open book
if you dont ask... i won't tell

ممتاز ، الآن مضبوط ، ما قصرت يا أوسكر ..

وتلك الصورة للمقاعد التي حجزناها ، وهي بخلف الطائرة ، وهي عبارة عن ثلاثة ، ثلاثة ، إلا في آخر الطائرة عند المصلى ، تكون مقعدين مقعدين ، وهي أريح نسبياً ، لكن خويك تشعر بأنه في حضنك من شدة قربه منك !

وصلنا الدار البيضاء في عصر اليوم ..
المطار صغير ، وصفوف المسافرين أمام كاونترات الجوازات كثيرة ..

شاهدت مجموعة أفارقة متبطحين في أرجاء المطار ..

كثير من الشباب السعودين أتوا فرادى ، وكثير منهم لأول مرة يزور المغرب ..

أثناء وقوفي في الصف جائني رجل أمن مغربي وطلب مني ومن صديقي وشخص ثالث الذهاب إلى الكاونتر الخاص بالدلبلوماسيين ..

قلت له أنا مو دبلوماسي ..

قال أعرف بس عشان الزحمة ..

قلت أوكي ومشيت معه ..

ومسكنا السرة ، ويوم جا دور الشخص الي أمامي ، سمعت رجل الأمن الي يختم الجواز يطلب منه اكرامية وخروف العيد ..

ومع الأسف هالفديغ - الله يهديه - فتح شنطته وعطاه مبلغ وقدره .. ومشى ..

جا دوري ..

وابتسم لي وقام يسولف لي عن خروف العيد وطلب اكرامية ..

بادلته الابتسامة ، وقلت احسن اكرامية اني ادعي لك ، وعيد سعيد عليك وعلى العائلة الكريمة ..

كنت أتكلم بصوت جهوري وأبتسم ..

ختم لي الجواز وقال تفضل ..

نزلنا السلم الكهربائي وأول ما واجهنا محلات صرف العملة ، صرفت لي 11 ألف ريال دفعة واخدة ..
وسعر الريال السعودي درهمين وكسور ..

بعد ما عدينا الصرافة ، دخلت السوق وألقى مظاهرة ..وترديد شعارات ..
تلفقت ورحت لهم وصورتهم ..
سألت الي بجانبي وش قصتهم هذولي؟
قال لي هذولي يبون يحجون والحكومة رفضت تعطيهم فيزة .. أو حاجة زي كذا ..

تركتناهم ومضينا لشأننا ..

رحت أدور تكسي ، ونشبوا لي أمة الصمد ، تبي تكسي ؟ والي يبي ياخذ شنطتي ..
وحنا مطنشين ..

الين وصلت الشارع ، واسال كذا واحد ، ولقيت سعرهم واحد ,,
300 درهم قيمة توصلينا للفندق ..

طبعاً كنا حاجزين مسبقاً في فندق الشرتون..
غرفتين بألف ريال ..

كنت حاط في بالي مسبقاً بأن الفندق مش ولا بد بناءً على التقييم في البوكنج ، وكمان بناءً على كلام بعض الأخوان في المنتدى الي يذمون كازا بكبرها ويقولون انحش في أقرب فرصة ..!

وصلنا الفندق ..

كان استقبالهم لنا رائع ، والخدمة أكثر من رائعة ..

سهرت الليل في النادي تبع الفندق سيزر ..

وكانت السهرة جنان ..

ما لقيت الجفاسة أو محاولة الاستغلال الي تكلموا عنها بعض الأخوان ، بالعكس كان كل شي مثالي تقريباً ..

قبل السهرة فيه مطعم مغربي في نفس الفندق تعشينا فيه ..

وديكور المطعم على الطراز المغربي ، وفيه فرقة مغربية تغني أغاني عربية ...

طلبت منهم يغنون لي قصائد ولادة بنت المستكفي ..

ما كان في المطعم إلا أنا وصاحبي ..

المغني ما عرف ولادة ولا يعرف بن زيدون ، ولحسن الحظ كان معي آيباد ، وفيه قصيدة ، ولحنتها له ..

وغناها لي الأجودي باللحن الي أبيه وكان مبدعاً طروباً في غنائه :)

أعطيته ميتين درهم ، ومشينا بعد ما تعشينا ..

وللحديث بقية ..

اذكرك يا يزيد بمشاركاتك واخلاقك الطيبه بالمنتدى وكنت تسئل وتساعد وما تقصر وفعلا كفيت ووفيت برد الجميل بكتابه تقريرك

الله يسعد قلبك كنا منتظرين مزعوطي خطير زيك يكتب تقرير حلو والحمد الله ما خذلتنا اتمنى انك استمتعت بالرحله وما عكر صفوك شي

بدايه موفقه خصوصا من عند الجمارك واصل يا بطل بدون فواصل واذكر كل شي مر عليك من السلبيات والايجابيات وما راح نقصر معاك بالنصيحه

دربك خضر واصل انا حتابعك لين ما ينتهي تقريرك يا يزيد

موفق اخوي

__________________

ماشاءالله تقرير مزيان بالزاف... وبصراحه عجبني مدحك لفندق شيرتون لان ناوي اسكن فيه لما اكون في كازا.. واصل تقرير يابطل والله يوفقك ويسعدك.

باين ان التقرير رائع من البدايه

سجلني متابع

__________________
You may have my Number You can take my Name But you'll never have my Heart

ممتاز جداً وانا متابع لهذا التقرير ..

وبخصوص الخطوط اشوف الواحد يزود 500 ريال ويركب القطرية او الامارتية افضل

وثانيا احس ان سعر الصرف كان قليل خصوصا في هالوقت لان في موسم الحج يكون الطلب على الريال السعودي عالي جدا جدا جدا مما يخلية في عالي في مقابل اي عملة حتى اليورو

واستمر يا اخ يزيد

تجي بالسلامه اخوي

غريبة طائرة الخطوط السعودية اللي تروح المغرب بوينق 777/300

وهي من افضل الطائرات ومن اجددها عند الخطوط ومتوفر بها شاشات عرض ووو

ولعلمك طيران الامارات وغيره كلها نفس الطائرة تقريبا

وايضا لا يتوفر بهذه الطائرة درجة اولى فقط درجة سياحية ورجال الاعمال