تجربتي في الروز قاردن

السلام عليكم ... اسعد الله اوقاتكم بكل خير .

بالبداية احب اشكر المزاعيط إدارة و أعضاء ..


سافرت للمغرب في تاريخ ١٣ أكتوبر الى ٢١ أكتوبر كانت اول زياره لي للمغرب لكن مع هالمنتدى خلاني اروح وكاني خبير في المغرب من المواضيع اللي قريتها قبل اروح الصراحه ما قصروا تعلمت الأشياء الصغيرة قبل الكبيره فشكراً لهم مره اخرى .


السكن كان في الروز قاردن جميع مدة إقامتي في المغرب كانت فيه .


واحب اشكر إدارة الروز ممثله بالأستاذ الفاضل ابو آدم اللي ما شفته لكن كان معي بالواتس اب والصراحة ماقصر فكان حسن خلق وتعامل وسهل علينا الأمور كلها وأعطاني رقم حنان موظفه في الرسيبشن كانت هي بعد تعاملها حسن حصل معنا خلاف في الحجز لكن تم تعديله وقت وصولنا واشكرهم على ذالك ..

كان السكن عباره عن فله من غرفتين نوم مع مطبخ وشغالتها فيها كانت شغالتنا اسمها غيتا طبخها حلو ونفسها حيه فهي تبادر بالسؤال قبل لا نطلب منها اي شي ..

كل شي في الروز جميل الا مكانه كان بعيد قليل لكن كنا مستاجرين سياره عشان كذا ما عانينا من هالمشكله ..

اما بالنسبه للبوابين والعاملين جميعا سوا كانو في المطعم حق المنتجع او موظفين الاستقبال كانوا بشوشين ويخدمونك بكل شي

صرررراحه كل شي في حلو يكفي اذا دخلت المنتجع احس كأني داخل بيتنا

الموضوع كتبته عن طريق تطبيق الخاص للمزاعيط في الايفون لكن ما نزل الموضوع كامل ..

راح اكمل بعض النقاط لانها مهمه سوا للي يبي يسكن بالروز ولادارة الروز ممثله بالاخ ابو ادم .

وقت الخروج (الشيك اوت ) تم تغريمنا 1000 درهم سعر الفرشه الارضيه طبعا هذا بعد الخصم قالوا السعر المفروض 2000 درهم ! بسبب وجود حرق فيها وقالوا ان الحرق مننا صحيح حنا كنا نشيش بالفله لكن لا اتذكر ان حرقنا شي عموما دفعنا الغرامه وبعدها قالوا فيه حرق اخر في فرشة الكنب والسعر هو 500 وكان الحرق بسيط قالوا من السجاير قلت خلاص بدفع الغرامه واخذ الفرشه معي ولا بعطيكم 300 واخليها عندكم قالو خلاص عطنا 300 وتم دفع 300 انا صراحه دفعت وانا شبه راضي لاني ما شيكت وهذا الغلط مني

لكن اتمنى من ابو ادم يضع اسعار الغرامات وتكون ثابته ومعقوله وليسى فيها نوع من المبالغه مو معقوله من 2000 الى 1000 ومن 500 الى 300 حتى لا يظن احد ان فيه استغلال .. وايضا يتم التنويه لساكن قبل الدخول في كل الامور ..

وسؤالي هل الفرشه راح تتغير وقت خروجنا ولا اللي يسكن ورانا راح يستخدم نفس الفرشه وهل راح يدفع غرامه ايضا ..؟

عموما هذي ملاحظاتي على الروز وطبعا ما تاثر على الروز فكل شي فيه جميل واذا رجعت ان شاء الله للمغرب راح يكون سكني فيه..



... واشكر ادارة الروز على اقامتهم سهره لجميع سكان المنتجع في وقت العيد بحكم ان جميع اماكن السهر مغلقه لكن مع الروز لم يغلق شي :)


اتمنى تجربتي تفيدكم كما انا استفدت من تجاربكم واي سوال منا ولا منا انا حاظر ..

وكل عام والمزاعيط بخيرررر

الله يسلمك يا روح المزاعيط انت


اخوي مصطي فعلا كلامك معقول ممكن من الضيوف ...

والافضل الواحد يشيك كل شي قبل السكن حتى يعرف اللي له واللي عليه ...

عموما هي ملاحظه بسيطه لا تاثر على الروز ................. من اجل حسن تعاملهم يهون كل شي فهم يستاهلون والله .

اخوي زيدان شكرا للمرورك واحترم رأيك رغم اني ما لاحظت اي شي من هالنو

لو صورت لنا مكان الحرق بالكنبه والفرش عشان نعرف المره الجايه اهم شي انبسط وريحت نفسك ورجعت لبلدك بالف صحه وخير هذا الاهم



لي بغيت تشيش لا تشيش على الفرش شيش بمكان بلاط اروخام حتي لو طاح الجمر عادي خليك حريص اكبر قدر ممكن

للأسف اخوي مجنون ما صورت لان كان ورأي رحله وكنت مستعجل ..

وصدقت مفروض اللي يشيش يكون جالس في مكان بعيد عن الفرش عموما هذا غلط مني والواحد يتعلم من غلطاته ..

تحياتي لك

__________________

الله يسلمك يالسمبتيك

نعم اخوي فيه نقطة تفتيش ثابته قبل الدوار حق النخيل وانت جاي من كازا ... والأفضل انك ما تأخذ معك احد لأنهم متشددين ..


السعر حسب علي ٢٤٠٠ لانه مع مطبخ وبدون مطبخ أتوقع ١٨٠٠ وتقدر تطبخ في مطبخ الفندق هذا اللي فهمته