رحلتي الى بلاد العم سام 2013

حياك الله اخوي ادمنتك ..

المميز هو متابعتك ومرورك ..

تحياتي لشخصك الكريم .

من جد عالم اخر وكل مدينه لها ميزه مو بس الولايات ..

هههههههه القطار حكاية عشق بيني وبينه كل ملاهي ازورها لازم اركب قطار الموت ..

ميي شكرًا لك على مرورك الرائع ..

تحياتي لك ..

اليوم هو يومنا الاخير في جنوب لوس انجلوس .. ويومنا الاول في الشمال..

فبعد ما عملنا شيك اوت من الفندق مسكنا الخط وتوجهنا الى الشمال .. المشوار قرابت الساعه ونص ...

لكن ما تحس بالطريق لانك داخل المدينه ..

وصلنا الشمال كان حجزنا في فندق حسب تقييم بوكنق 4 نجوم ... حسب تقييمي له نص نجمه واجد عليه .. اسوئ فندق مدري شقق جيتها في امريكا ..

اول صدمه جتنا منهم انهم ارسلوا لنا رساله بالجوال و الايميل كيفية الحصول على مفتاح الغرفه ..

فيه صندوق عند باب العماره تدخل فيه رقم كود مرسلينه ضمن الرساله ويفتح الصندوق وتاخذ مفتاح الغرفه .. لان لايوجد ريسبيشن في الشقق !!

حاولنا في الصندوق ولا عرفنا ناخذ المفتاح اتصلنا فيهم قالوا بيجيكم واحد يفتحه لكم ... استنينا قرابت نص ساعه جانا قصير العمر وعطانا المفتاح ومشى ..

الصدمه الثانيه كان اللفت خربان وشقتنا الدور الرابع .... وراحت نص ساعه بس عشان ننزل اشناطنا لشقه وانواع الشقى ..

لما دخلنا الشقه كانت الصدمه الثالثه حاطين ورقه في الجدار ان مافيه خدمة تنظيف الغرف ( الهاوس كيبنق )

واذا خرجت والشقه تحتاج الى تنظيف سوف يتم خصم مبلغ ٧٥ دولار ..

سود الله وجييهم على هالخدمه ..

هذي صوره للعماره من الخارج ..



صحيح موقع الفندق على شارع المشاهير بس يظل خايس ولا يستاهل ريال ..

بعد ما ريحنا بدلنا ملابسنا وتروشنا وطلعنا لمطعم الوزير مطعم لبناني نعرفه من اول لان هذي زيارتي الثاني للوس انجلوس المطعم صغير بس اكلهم لا باس فيه ..
خصوصا ان الوجبات السريعه ذبحتنا ما ناكل الا هي .. ومشتاقين للمشوي والحمص ..

صوره للمنيو حق المطعم موضح فيه اسعار الاكل ..





بعد ما تغدينا .. كان وقتنا العصر .... توجهنا على طول شارع الماركات الشهير rodeo drive صوره وقت وصولنا لشارع ..




هذي صور منوعه لشارع والمتاجر اللي فيه ..

















تقريبا جميع الماركات العالمية موجوده بهالشارع .. اسعارهم مقاربة لفروعهم الثانيه ..



































طبعا الشارع يتميز ايضاً بالسيارات الفخمه المتواجده فيه ... هذي صور لما آلتقطته كامرتي ..

البوجاتي كانت حاظره







الكبوت مخشب


























بعدين مع غياب الشمس طلعنا وتوجهنا لشقه اللي تسد النفس .. بدلنا وطلعنا الى مكاني المفضل وقت العشاء ..

وهو مطعم


مطعم لبناني عندهم شيشه حلوه وجلسات حلوه وشاهي مغربي على الكيف ..

جلسنا فيه الى ١١ بالليل ..

بعدها توجهنا الى الشقه وقفنا السياره بالمواقف وقعدنا نتمشى بشارع المشاهير ...

لكن التمشيه فيه بعد ١٢ ما تصلح كل اللي فيه تجار مخدرات بياعه عيني عينك وقدام الشرطه ..

يجيك يفتح المرغوان عند خشمك وينشب لك يمشي وراك الا تشتري ..

الشارع خطير جدا بالليل خصوصا منتصف الشارع ..

والشارع فيه نوادي ليليه يعني بعد الساعه 2 و 3 يمتلي سكارى و بياعه ووووو ،،،

فآفضل مكان لسكن في هالشارع هو فندق W على نفس الشارع انا سكنت فيه من قبل فندق رايق وممتاز والشارع اللي قدام الفندق مافيه الا الوجيه الزينه ..

كان هذا هو يومنا الاول فالشمال راح اكمل باقي التقرير في اقرب وقت..

اعذروني ان حصل تقصير

والله ما قصرت وتم حجز تذاكر الطيران الى نيووورك في شهر مارس 2014 واعترفلك ان تقريرك هذا رح يكون دليلي في امريكا ورح يفيدني كثير لك جزيل الشكر

__________________

تروح وتجي بالسلامه ... واي سؤال او استفسار انا حاظر ..

واتمنى لك رحله سعيده ..

هلا اخوي ادمنتك ..

الجميل هو مرورك الرائع الذي يزيدني حماس لأقدم ما يرضيكم ..

دمت بود ..

اليوم الثاني في شمال لوس انجلوس

بالبداية اعتذر عن التاخير بسبب ضغوط العمل ..

في يومنا الثاني كان برنامجنا الذهاب الى اشهر لوحة في لوس انجلوس لاخذ بعض الصور ..

طبعا بعد ما صحينا متاخرين وافطرنا فطور غداء توجهنا الى اللوحه ..

تقريبا وقتنا كان وقت الظهر

صور منوعه لطريقنا ..








مشكلة لوحة هاليوود ليسى لها طريق واضح ..

عشان كذا دخلنا الحواري اللي بجنبها واتجهنا لها ..

فطريقنا مرينا على هذه الحديقة ..




والان بداءت اللوحه تظهر..














وصلنا الى مكان وقوف السيارات ..











صوره للوس انجلوس من مكان لوحة هوليوود ..





بعدها توجهنا الى شارع الثيرد ستريت في السنتا مونيكا ..

هذا الشارع من اشهر الشوارع في لوس انجلوس كله محلات واسواق ومطاعم ،،

صور لشارع ..





جاء الليل وحنا نتسوق .. هذي صوره ليليه ..



بعدها توجهنا الى مطعمنا اللي تعشينا وشيشنا فيه ليلة البارحة حتى وقت النوم ..

بكرا راح يكون يومنا الثالث شمال لوس انجلوس الذي زرنا فيه ستديو هووليود ..

صارت معي مشكله وقت رفع الصور للموقع .. كل ما رفعت عطاني خطاء بالرفع عشان كذا اظطريت ارفع بعض الصور بمواقع اخرى ..

انتظروا بقية التقرير في القريب ان شاء الله ،،