ياغريب خلك اديب

السلام عليكم ورحمة الله
اخواني الاعزاء هذا اول موضوع لي بالمنتدى وحبيت يكون موضوعي هادف ما اطول عليكم
في بعض الاخوان يشتكون من الاستغلال في الدول العربيه كلها مو بس المغرب وصدقوني احنا سبب هالامور الي تصير واسباب كثير وكل واحد فينا صار له موقف.
اذكر لكم موقف اقسم بالله تمنيت الارض اخفت فيني ولا شف هالمنظر ..........
كنت بالمغرب قبل سنتين ونزلت على مراكش اتفقت انا والشباب نسهر بالديوان اول يوم
دخلنا الديوان وطاولتنا محجوزه وامورنا مرتبه بعد تقريباً ساعه دخلو علينا ثلاث شباب كلهم لابسين غتر وثياب وريحة العوده والزكرته بيني وبينكم انا اسحقرت هالمنظر بالمررررررره وكنت حاس انو هالشباب راح تجيهم مشكله جلسو بطاولتهم وبدا الليل معهم بالشرب وبعدها بدؤ ينقطون شوي صارو يتنقلون من طاوله لطاوله ويضايقون البنات السكيرتي كل شوي يرجعونهم لطاولتهم طبعاً انا قمت وكلمت واحد من هالشباب وقلتلهم هدو شوي ترا بيطردونكم وماتسوا عليكم وين راحت الشخصيات والثقل الي باول الليل المهم قالي احنا مصحصحين ولا تخاف علينا والي فيه خير يقرب مننا قلت الله يقويكم اخذت اقل من نص ساعه الاوالسكيرتي ماخذين غترهم على رقابهم ومطلعينهم برا يسحبهم زي الخرفان اقسم بالله انا حسيت باحراج مع اني ما اعرفهم ولا لي اي علاقه فيهم لكن مثلو بلدهم باسوء منظر واهانه ما بعدها اهانه والناس بيضحكو عليهم يعني الله لا يبتلينا.
الهدف من كلامي هذا ( ياغريب خلك اديب )
اسف جداً ع الاطاله واتمنى يكون عندنا ثقافه سياحيه مشرفه في بلاد العالم كله.

والله كلامك صح انا شفت هالمنظر كمان في احد البلاد للاسف ان مجموعه صغيره من بعض الناس الغير مثقفين يعطون انطباع سيئ وللاسف ان الناس تظن ان كل اهل ذلك البلد هم على نفس المستوى وهذا خطأ يعني مجموعه صغيره تشوه سمعة بلد كامل

مع الأسف بعض الإخوة والعرب عامة يفتقدون للثقافة السياحية وعدم الإكتراث للحقوق والواجبات وهذا راجع سواء للمستوى التربوي وعدم بدل الدول العربية مجهود لتكوين ثقافة سياحية لدى المواطنين خاصة الشباب كما معمول به في الدول الغربية. فالحكومات الغربية تضع رهن إشارة مواطنيها ما يسمى ب"جريدة السفر" تحتوي على كل المعلومات حول كل دول العالم مثلا كالمستوى الأمني لكل دولة والأماكن التي يجب تفاذي زيارتها وكذلك معلومات دقيقة حول ثقافة وعادات الدول وكيف يجب إحترامها، وتحمل المسولية على عاتق كل من لا يحترم ثقافة الدول المضيفة أو في حالة إرتكاب مخالفات مما يجبر السائح على الإحترام ومعرفة ما له من حقوق وما عليه من واجبات وهذا ما يفتقده للأسف السائح العربي يجهل حقوقه كتوزيع ماله بدون خدمة ويجهل واجباته ضنا كذلك أنه بالمال له حرية مطلقة لفعل ما يشاء وهذا ما يؤدي لعواقب وخيمة كتشويه سمعة أبناء وطنه إلى غير ذلك

اشكركم اخواني على تفاعلكم معي بالموضوع

تصدق لقيت سعودي طاردينه اخوياها وهو سكران مع تكسي وكان بوضع مايسمح له اني اساعده يعني معميها مررررره والتكسي بلشان فيه بالله كيف النوعيات هذي الله لا يبلانا


ما قدرت الا اني اوصي صاحب التاكسي انه يسكنه بفندق حتى يفيق ويتدبر امره

..

الحرية هي اللي تكشف اخلاق الشخص

البعض يكون محترم في حدود بلده خوفا على سمعته وبرستيجه
واول ما تعطى له مساحة حرية تبدا الهمجية فالتعامل والكبث
وفالاخير يجي يلعن ويسب فردود فعل اهل البلد , لو ماحط نفسه فمواقف استغلال واهانة مستحيل ينهان

في مثل عكس ( يا غريب خلك اديب ) يمشي عليه البعض فيما معناه ( ديرتن مافيها خوالك .... دير اللي بغيتي فيها )

تقبل مروري , ورغم ان كل واحد يمثل نفسه لكن لما تشوف ولد بلادك او منطقتك هكا اكيد تحس بخيبة

__________________
.


الوقت الذي تستمتع باضاعته ، ليس وقتا ضائعا

والله شئ مؤسف وشكراً على مرورك اخوي الحقيقه

كلامك صيحيح ولكن المحترم في بلده وبيخاف على برستيجه صدقيني راح يحترم نفسو باي بلد بالعالم لانو التربيه لها دور كبير في هالشي....
وشكراً كتير على مرورك

شئ مؤسف ... المشكلة باختصار نقص عقل لان هذي الاشكال اذا طلعت خارج وطنها تحسب انها خرجت من للحرية واذا سالتها عن تصرفاتها التي تسئ لنا جميعا رد عليك { ديرة غير ديرتك.... فيها !!! } قمة التخلف والانحطاط!!!!!

فعلاً هذا الشي نقص في العقل
اشكر مرورك و تفاعلك معي