بخصوص المارينا

يأخوان سؤال عجيب

كيف ترضون للأستقبال بالمارينا وغير المارينا يكون الجواز عنده ؟

هل انتم بوعيكم ياخي افرض صارت لك مشكله اتشاكلت مع احد والوضع كان صعب وباكراميات ومن غير اكراميات الوضع يحتاج وجود جوازك حتقوله الجواز عند الاستقبال !

بخصوص حركات النصب حرقت الفرشه وكسرت الشاشه وجدار البويا وادفع عند الشيك اوت هذا دليل انهم ناوين من بدري يدفعونك شي ماسويته

لو كان الجواز عندك مايقدر يفتح فمه ويقلك ادفع حق الفرشه والجدار والكلام الفاضي

وحقون النظافه يدخلون عليك سواء انت نايم او صاحي

طيب اكيد وانت مو موجود الناس يقلبوها فله بغرفتك وانت ماتدري

كيف ساكتين على هذا الوضع وراضين وفوق هذا كله تنصحون بالمارينا

قاطعوهم عشان يتربون والخلل فيكم وليس فيهم

ان شاء الله توصل الرساله ,,

والجميع على اطلاع من المارينا وغيرهم ,,

وفعلا يجب عدم التساهل بجواز السفر ,, وإذا غلبت الروم صوره من الجواز كافيه ليتصوروا معها ,,

لاهنت على التنويه وحرصك على الجميــع وهذا مانطمع إليه أن يكون المنتدى الشمعه التي يـُـستنار بها في غيابة الجب ,,

فالنصب على أشدّه والدلوخ كثر شعر الراس ,,

فالحل يبقى بأيدي المارينا وغيرهم ..


فإما طريق للنعيم ..

أو


مقاطعه .... وطريق الجحيم !!!


خالص التحايا والتقدير لقلمك ,,

كلّه كوم .. وتعامل الرسبشن كوم في إدخال الضيوف !

يقلب الرسبشن بعد 8 الليل حوش غنم الله يعزكم !!

هلا بالشباب

صادقين بكل كلمه قلتوها

وعسى الناس تفهم

كل الشكر

هذا اللي مكرهني في اغادير ... السكن فيه محدود ومعاملتهم مع الزبائن الكل يشتكي منهم ..

لا يوجد حل الا ان نبحث عن بديل ولا مقاطعتهم ..

ولله يا هالبعض الفنادق أعبيه يعاملون الزباين وبالذات الخليجيين بالمعاملة السيئة ويستغلونهم استغلال واضح

والفندق اهم شي سمعته ولا بجذيه بيخسر زباين

ولله المغرب تغيرت من بداية 2011

ماكانت جذيه

اخوي مراكش بالنسبه لموضوع الجواز وكيف نرضى نخليه عند الرسبشن

المسئله مايبيلها شي انا حصلت معي مشكله في مطار المسيره كنت رايح

استقبل واحد توه جاي وبرجع للفندق وسببولي الدرك مشكله من لا شي

وين الجواز عليك غرامه ومن هالكلام ... الي اخرته عطنا فلوس . وماعطيته ولا درهم واحد

قلتله الجواز محجوز بالفندق الحين اتصل فيه ويجيبه وهذا النظام معروف من زمان وسكت ولا قال

ولا كلمه ومشيت من عنده
...( يعني اهم شي اول ما تاصل ويحجز جوازك بالرسبشن خذ رقم الارضي

عشان تتصل اذا حصل اي شي)
والنقطه هاذي يغفل عنها الكثير وحبيت ابينها لجميع الاعضاء والزوار لتعم الفائده ...

واشكرك اخوي مراكش على موضوعك المهم ,,,

مساء الخير بصراحه أول مره اسمع ان المارينا تحجز جواز السفر لاكثر من 6مرات احجز بالمارينا ماعمرهم قالوا نحجز جواز السفر فقط اعطيهم فوتشر الحجز ويصوروا الجواز واخذ الجواز معي احجز الجواز بالسويت بعد الساعه 8 الليل ههههههههههه اطلع مجهول أهون من ضياعه في ردهات سكاي وما شابهه ههههههه


عموما جواز السفر حاولوا الحفاظ عليه وعدم رهنه بأي حال من الأحوال ادفع مقدم كامل الاقامه ولا يحجزون جواز السفر عندهم نصيحه مع العلم بأن غالبية فنادق المغرب تستخدم نفس الاسلوب ليس المارينا أو اغادير فقط رأيت ذلك في أكثر من فندق .

تحياتي وقاااادمون ياأغادير

الصراحه انا سكتت بالمارينا في 2013/11/24 اخدوا مني الجواز بس صراحه كنت مرتاح لانه كان بجيبي وكنت اضرب همه كل شوي واشيك بجيبي

السلام بالنسبه لي يا اخوان ما اعطيهم الجواز ولا اطلبوا الجواز انا ادفع فلوس اقامتي كامله علشان بنفس الوقت لا يقولي اطلع في ناس حاجزه وانت حاجز ليله والا ليلتين و لو في شي بالغرفه طبيعي اللي يبي ينزل الشنط يبي يشوف الغرفه والا الشقه شنو فيها من ضرر والجواز موجود safty box اللي داخل الغرفه
فدييت انا غرف أغادير