تحذير يا رواد كازا

السلام عليكم ورحمة الله

من زار المغرب لن يبحث عن بديل ولكن قد تواجهك بعض المشاكل ولكي استفيد ويسفيد الكل, لابد من ذكرها

لتلافي وقوعها لي ولك, كنت بالمطار راجع للسعوديه ووجدت رجل في عقده الرابع من العمر يروي لي قصته

يقول كنت بالفندق وحصلت التاكسي امام الفندق وكان رحلته اليوم الثاني, اوقف التاكسي وكان يبي يروح مشوار

اخذه وبشارع مظلم اخرج السكين ووضعه ع رقبته وقال طلع كل اللي في جيبك , اخذ عليه 6000 درهم وفلوس سعوديه

مابقى معه الأ بطاقات الصراف لأنه ماشافها ,, انزله من السيارة وصور السيارة وراح واشتكى عند البوليس ومااستفاد شي

مع العلم انه صور التاكسي ,,,

اخذوا الحيطه والحذر ي جماعه

ياحبيبي جان دار باله شوي


يعني بالعربي ليش شايل مبلغ هالكثر ؟


انا اسحب بالنهار 2000 وبالليل 2000 بس هذا مصروفي اليومي


جم مره حذرناكم ياجماعه !!

وجهة نظري انا ,,,,,

انه تعرف صاحب تاكسي .... او تاخذ سياره وتدور على سايق ممتاز

يمكن انه هالشخص كان المبلغ صاحبه يبي يسدد يا الفندق او الشغاله او اي شي

ياساتر اهم شي الرجال سليم
انا اعرف واحد من اقاربي كان في كازا عام (2012) في فبراير حدث له موقف من (شفاره) يعني حراميه شلحوه في كازا عز الظهر والناس مافزعوا له الناس في المغرب نظام اوربي كلاً في حاله الحاصل الرجال انسرق منه مبلغ 4000 دولار كانت بجيبه وجاه ثلاث طعنات وحدث باليد (الكتف) والثانيه (بالفخذ) والثالثه كان بيمون منها كانت بالظهر قريب للقلب وتنوم بالمستشفى مدة (شهر) والحمدلله الآن سليم لكن يقول شطبت على المغرب والسفر لها نهائياً .
ملاحظه : يا اخوان قريبي هذا من عشاق السفر ويسافر بالسنه اكثر من 5 مرات وسافر كل الدول العربية والأوربيه وشرق اسيا والرجال انا اعرفه زين ذكي وفطين بالحيل وماهو من السهل الضحك عليه .
انا بالنسبة لي بعد هالموقف شطبت على السفر للمغرب بالرغم اني عمري مازرتها ، وانتوا عارفين يا اخوان الواحد رايح ينبسط مو رايح يدور مشاكل وغيره ، للاسف هذا وضع كل الدول العربية نصب وسرقه وخداع واجرام ومداهمات . يالبيه ياشرق اسيا تايلاند اندونيسيا الفلبين ناس تعرف معنى الساحة وتقدرها . واخير الله يحفظنا من كل شر ، واتمنى من كل من يقرا هذا التقرير ، يقراه بعقله قبل عاطفته ويحكم عقله ، وختاماً تقبلوا فائق احترامي وتقديري.......

5 ايام في كازا ولا احلى منها
وراجع بعد يومين اغادير 5 ايام وبعدين الرباط اسبوعين

الله يعين ولد عمك بس ليش يشيل مبلغ كبير 4000 دولار يعني 33200 درهم شي طبيعي بيسرقونه ويطعنونه

ولله انا دايما بالمغرب اسحب يوميتي 4000 درهم فقط لاغير وكل مااحتجت اسحب حتى حساب الفندق اعطياهم بالATM اللي بنفس المكان عشان لا اشيل المبلغ وروح مشي ولاقي عصابه

ياخي الحذر واجب بكل مكان حتى بديرتك تنسرق

احنا جذيه بلبنان ضحكوا علينا بالأسعار وتلاعبوا بالمطاعم والفنادق لان جايين الديره مانعرف فيها شي وشطبنا عليها

ف كل انسان اذا حصل له موقف بمكان معين خلاص يشطب عليه


الله يعينكم ومايشوف شر ان شاء الله

ومثل ماقلنالكم الحذر واجب

اي نعم كلامكم عين الصواب

انا من خلال مااشوف الأجانب وكيف يحاسبون وكيف المبالغ اللي تكون بجيوبهم ولا شي

سوى مصروفه اليومي ,,,, ومااسويت شي من الأحتياطات ماراح تندم ابد ابد

وبكل ديره فيها الناس اللي تنشل وتسرق سواء برضاك او بالقوه

كنت بأحد الدول الأفريقيه وكانت رحله سفاري المهم , كان فيه تاكسي وكنت اسولف وياه

يقول بعد منتصف الليل خلاص اي احد يبي يترزق الله احتمال يجيك اي احد وياخذ فلوسك

وصارت له هو نفسه مواقف وسرقوا فلوسه ,,,,,

انا لاحظت شي حبيت انوه عليه انه لمن تجي تحاسب بكوفي او مطعم اوي مكان

تكون كل النظرات بمحفظتك , عشان كذا خل يكون معك فكه فلوس اذا احد يشوفك

يفكر مامعك فلوس , ,,,,,,, والله ييسر على الجميع

ههههههههههههههه

عشان مااحد يخاف ياجماعه , الحالات اللي تصير حالات نادره

يتم ذكرها وسردها هنا لأخذ الحيطه والحذر


بالتوفيق للكل

صحيح من بعد ٣ سفرات الحمدلله ماحصلت مثل هذه المواقف.. بس بصراحة كازا في الليل تخوف شوي يعني من بعد الساعه ١ بليل لاتطلع الا وتكسيك برا.. ونقطة ثانية .. لاتحطول محافظكم على الطاوله اذا جالس في مقهى او اي مكان ... انتبهوا ياجماعه حركة غبية هذي..

__________________