حفظ البيانات؟ هل نسيت كلمة المرور؟ تسجيل عضوية جديدة

رحلتي لأغادير الغندوره

مـراكش · 2013-12-02T05:59:04+00:00

بعد سنين طويله من التفكير العميق للسفر الى المغرب حان وقت زيارة المغرب لأول مره .. البدايه كانت أكشن من قبل السفر [COLOR="black"][CENTER]- الخطوط السعوديه[/CENTER][/COLOR] عندما تنوي السفر فأنك تدخل في دوامات عديده بدايتها البحث عن الخطوط الجويه المناسبه والسعر يكون طيب [COLOR="black"][CENTER]- الخطوط المغربيه[/CENTER][/COLOR] تنتهي من من الطيران الدولي حان وقت الطيران الداخلي سعرهم غالي ويبدو بأنهم يتعاطوو المروانا سعرهم غريب ومرتفع جداً ومن وصف الشباب للطائره كأنك راكب بسكليت [COLOR="black"][CENTER]- حجز السكن[/CENTER][/COLOR] هنا مرحلة الصداع المعويه ستتعب جداً لازم تجد ضالتك بالسكن من حيث الراحه فالسفر يحتاج راحه وليس ازعاج وشوشره لم اترك شارده ولا وارده بخصوص السكن حجزت أكثر من مكان لتفعيل خطه برازيليه فقبل أن يتغدو فيا اتعشى فيهم صرفت النظر عن المارينا من خلال تعاملهم مع النزلاء صرفت النظر عن المارينا بسبب الجواز يكون بالأستقبال صرفت النظر عن المارينا بسبب يتبلوك بشي ماسويته صرفت النظر عن المارينا بسبب سعره الغالي بحثت عن اماديل فكان سعره طيب وتعاملهم جيد ولكن يقال سيكون بفترة صيانه [COLOR="black"][CENTER]- بوكينق[/CENTER][/COLOR] توجهت على بوكينق بحثت بجميع الفنادق مع قراءة جميع التعليقات من العرب والعنقلوز كانت الأسعار طيبه ومتفاوته ولكن تختلف الخدمه من فندق لفندق وتختلف جودة الأثاث عن الصور الموجوده عالواقع لقيت فندق ثلاثه نجوم حلييييل ومن التعليقات باين عليه طيب اخترت الغرفه واضفت التواريخ وكان السعر كأنك داخل بقاله تشتري وعند تأكيد الحجز طلب بطاقة الفيزا ولا امتلكها تم الألغاء [COLOR="black"][CENTER]- البنك بطاقة الفيزا[/CENTER][/COLOR] افتح الانترنت ابحث عن افضلهم ناس تقول الراجحي ناس تقول سامبا ناس تقول الاهلي توجهت لسامبا قال عليها رسوم ٣٠٠ ريال قلت خليها عندك تتربى بعزك دخلت عالراجحي اون لاين وعبيت ابليكيشن فتح الحساب وبعد عناء من موظفين البنك تم استلام البطاقه ببلاش نظرت بالبطاقه مكتوب عليها فيزا من الامام ومن الخلف موجود الرقم الثلاثي هذه البطاقه تكفي بالغرض ولا نحتاج لبطاقة أئتمانيه اخذت البطاقه اودعت فيها الف ريال حجزت بالبدايه على الطيران المغربي فتحت موقع بوكينق وحجزت الفندق من جديد وتمت الامور [COLOR="black"][CENTER]- معلومات عن اغادير[/CENTER][/COLOR] ماذا افعل وفين اروح وفين اجي افضل مطاعم افضل مكان للمساج متى انام ومتى اصحى افضل الأسعار للتكاسي [COLOR="black"][CENTER]- حان وقت السفر[/CENTER][/COLOR] رجعت من الدوام قلت انام وارتاح ورايا سفر مرهق ومتعب اتقلب يمين يسار مافي نوم انطلقت للمطار قبل موعد الرحله بثلاث ساعات تحسباً لأي فلم هندي طارت الطائره الى جده وانتظار ثلاث ساعات لفلفان بالمطار وفطور ونظرات بالجالسين وتوزيع ابتسامات انت فلان ادمي اللي بالمنتدى تبع المزاعيط هاهاهاهاها ايه انا شوف ذاك فلان بعد تعرفه نياهاهاهاهاها لا ماعرفه [COLOR="black"][CENTER]- النداء الأخير لرحلة المغرب[/CENTER][/COLOR] واصعد على سلم الطائره كما قال طلال مداح مدري عبد الكريم عبد القادر وكل واحد بمقعده واحلى تحيه لمزاعيط المغرب بصوت عالي حتى نعرف بقية الاشخاص على متن الطائره [COLOR="black"][CENTER]- الوصول لمطار محمد الخامس[/CENTER][/COLOR] توزيع ابتسامات مع هم كبير لطائرة المغرب لا تفوتنا مع حافز قوي وجميل لكل ردة فعل لطلب الاكراميه من قبل اي شخص وقفت بطابور تختيم الجوازات ومسوي نفسي نايم وماسمع لا ارى لا اتكلم حان دوري جالس الاخ يقلب بالجواز انتم شعب لطيف انا اطأطأ براسي انتم شعب كريم انا افعل براسي يمين يسار يعني لا غلطان قال مافي اكراميه ! هنا اشتغل المغربي اللي بداخلي ماكاين ولووووو ناوي تهذر مدري تعيط لرئيسك نشوف لنعطيه اكراميات الرجال انفجع وبدأ يقول سير سير خلصت تختيم وانظر لحال بقية المزاعيط يبحثون عن شنطهم وهذا حامل الأمتعه يحاول ان يبتزهم بالأكراميه ولكن الغلط ليس عليه وأنما على مدير المطار مدري نائبه وأنفلت جري على ثاني بنك وألقى سعره طيب وأحول للدرهم المغربي ورجعت لبنك وفاء طلبه وفتحت حساب واودعت نص المبلغ ربع المبلغ الباقي حيكون للفندق وتمشية حال كم يوم مع مشاوير التكاسي وانظر على يميني واشوف ذاك الزين اويلي ويلاه اخذه ولا ماخذه وافعل الانترنت ولا كفايه انترنت الفندق قلت خلاص ماحاخذ شريحه اتصالات لأن ماجبت غير الايفون وشغال عليه موبايلي في نفس اللحظه قلت ياريت بجيبي جهاز نوكيا وادخل يدي بجيبي والقى جهاز النوكيا وارجع اخذ شريحة انيوي مدري كذا اسمها صح او لا [COLOR="black"][CENTER]- النداء الاخير لأغادير[/CENTER][/COLOR] كنت شايل هم هذه الطائره لا تفوتني وامص حمممر وقتها وصعدت سلم الطائره هلا بالرعب هلا بالبسكليت مطبات هوائيه وانا والمرتفعات مانتفق وبجنبي وحده جالسه اشبيك اخويا اشبيك عيني اعطيك اعطيك شي وانا افتكر مقولة الوالد الله يعطيه الصحه والعافيه وطولة العمر برضاه انتبه احد يعطيك شي انتبه احد يعطيك ببسي مفتوح وصلنا اغادير وأفصخ نظارتي الشمسيه وبالهواء العليل اللي يرد الروح تشتمه اشتمام جميل واخرج من المطار واذا باصحاب الطاكسيات يجتمعون وانا اللذي انظر لهم نظرة مايكل سكوفيلد بمعنى ابتعدو عني بعد الهدوء وسويت نفسي اتكلم اسباني لقيت واحد شايب لو سمحت الشارع الفلاني ( للتنويه لا تعطيه اسم الفندق عشان لا يزيد التسعيره اعطيه اسم شارع ) هاااااه بكم بـ 300 لا لا لا لا لا لا لا لا انا قبل اسبوعين هنا ورحت بـ 190 درهم اتفقنا على 225 درهم [COLOR="black"][CENTER]- الوصول للفندق[/CENTER][/COLOR] طبعاً لازم قبلها باسبوع تكون على تواصل بالفندق بشكل يومي امتحن جدهم وفي حالة وصولك وتأخيرك أجلدهم لأنك مكلمهم يرتبون لك الوضع من بدري لو سمحت بصعد اشوف الغرفه شوفها وقلبها مضبوط جرب كل شي افتح المكيف افتح التلفزيون افتح المويا شوف بارد حار شغال ولا لا اذا ناسبتك ارجع وكمل اجرائات الدخول اذا ماناسبتك هنا مربط الفرس وتسوي خطتك البرازيليه وتروح للسكن الثاني وتشوف وضعه وانا اللذي اصعد من جديد واسترخي لمدة ربع ساعه وأقوم أتروش وألبس وعلى فين ياليل ياعين عالماكالدونالدز واتعشى والأمور طيبه وبعد ماخلصت على مخيطو لنرى ماذا يفعلون ورأيتهم يفعلون يقال مخيطو نظام طاولات وانا اتفاهمت مع السيكيورتي بأنني لست من هواة الطاولات مجرد مشاهده وسرررت بحالي ونشوف اوضاع الربع ومن داخلي اقول ايش اللي جابني هنا هذا ليس بجوي وانما مجرد مشاهده فقط وافكر وافكر اروح صحاري ولا ارجع انام ومن اصبح افلح ! قلت انام نصبح ونفلح يأيها الطاكسي وقف ولا اقلك سسسير سير نروح مشي ونشوف وضع البلد بالليل كيف مع نسمة الهواء العليل وصلت للفندق وحق الاستقبال يطالع فيني يحسب اموري مو طيبه قال اشبيك << مدري اتحولت اللهجه عراقيه قلت اشبيني اصحى منك ولا متعود الناس تكون مقلعه قام يضحك وانا اضحك له بتلك الضحكه الصفراء [COLOR="black"][CENTER]- اول ايام اغادير[/CENTER][/COLOR] ونووووم صحيت الصباح على تسعه وقلت افا يابو انطوني جاي تنام واصحى واخذ دش واحترت البس ملابسي الرياضيه واروح اتمرن واهرول عالكورنيش ولا اروح اشوف وضعهم صباحاً كيف قلت خليني استكشف اغادير صباحاً مشياً عالأقدام اتروشت ولبست ونزلت افتكرت وجبة الفطور حلل فلوسك ياعممممي وفطورهم جيد جيت خارج من الفندق متوجه للكورنيش مع نسمة الهواء العليله كان الجو جميل مدري بارد الناس صاحيه والكورنيش عامر بززززاف بعد الجلوس عالكورنيش لمدة ثلاث ساعات حان وقت الغداء وين تتغدا يابو راميسيس وين واطلع الورقه اللي بجيبي مكتوب النهضه او القلعه قلت لا نهضه ولا قلعه ولا شعله نسسسير عالأكلات البحريه مطعم سي عمر سمك مشوي مع طبق ربيان مقلي خلصت غدا ورجعت الفندق ريحت والعصريه احترت ارجع للكورنيش وامارس تماريني الرياضيه ولا اروح اسوي حمام مغربي ومساج قلت اضرب عصفورين بحجر تمرين العصر والمغرب حمام مغربي ومساج وبعد الحمام المغربي والمساج رجعت الفندق ونمت ابو ثلاث ساعات وصحيت مع اني ماكان لي نيه اصحى وعلى فين يابو لواحظ على فين على سكاي لونق جلسه ومشاهده وجا اخر الليل نروح الكازار ولا نرجع ننام شكلي ارجع انام اصرف بلا كازار بلا بهارات ووقت مارجعت استقبال الفندق يطالعني ياخي انت شخص غريب ايش اللي مرجعك هذا الوقت بدري ولا ما معاك احد واعطيه بيت شعر ويتفاجئ المسكين بموهبتي [COLOR="black"][CENTER]- اليوم الثاني[/CENTER][/COLOR] نوووم وصحيت شبه متأخر على 11 قلت انزل جهة المارينا اقضيها لفلفه الى موعد الغداء وحان وقت الغداء هااااه قلعه ولا نهضه وبداخلي اقول كلهم معاديم بس نجرب واروح عالنهضه اول مادخلت طلبت المنيوو وصورته بالجوال تحسباً لأي تلاعب واتغديت والامور طيبه وبعد الغدا قلت الفلف مشي اشوف وين اوصل بأغادير ومشيت مدري وين وصلت الا المرجان قدامي ودخلت المرجان قلت خلني اشتري فواكه وببسي ومن هذه الامور وخرجت عالفندق وانسداح عالواتساب الى بعد المغرب وبعد المغرب على روتانا كافيه جلسه ومشاهده واتعشيت في مطعم الهندي اوشيانا وبعدها رحلت على العنبره ومشاهده ممتعه وجلسه الى الساعه الثالثه تقريباً رحلت على الكازار مدري صحاري عند الباب وانا داخل مية درهم شو تقول مية ايش ؟ قال مية درهم قلت اعطيني التكت مدري تذكرة الدخول نظر فيني نظره وقال سير سير جلست بصحاري ساعتين ورجعت الفندق بتاكسي بخمسين درهم ونووم [COLOR="black"][CENTER]- اليوم الثالث واليوم الرابع واليوم الخامس واليوم السادس[/CENTER][/COLOR] تقريباً نظامهم نفس اليوم الأول والثاني مع اختلاف الأماكن [COLOR="Black"][CENTER]- اليوم السابع العوده للوطن المجيد[/CENTER][/COLOR] طيب يأخوان هذا التقرير من وحي الخيال إن شاء الله يكون نفس المكتوب هنا بالواقع برحلتي اللي حتكون بعد شهر وقد ما سافرت تقريباً هذا نظامي بالسفر رأيك يهمني ماذا تلاحظ وماذا ترى وماذا تنصحني علماً لست من هواة العصيرات والضيوف والطيور والعصافير والبغبغان

bujassim

مزعوط برونزي

المشاركات: 605

تاريخ التسجيل: Jan 2011

2013-12-02, 08:44 PM

المشاركه #1

اقتباس:

المشاركة الأصلية كتبت بواسطة خبير أغادير

بوجاسم أنت ليش زعلان
تري هم النوم بأغادير له طعم ...
خل الرجال على راحة

ههههههههههههه ادري له طعم وكل واحد ينام على الجنب اللي يريحه

ولله انا 6 ساعات بالسفر تكفيني عشان مايطوفني شي

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: رحلتي لأغادير الغندوره
الموضوع	آخر مشاركة
بداية الزعطة,, رحلتي لأغادير + الرباط	2021-02-01 02:33 PM
رحلتي لأغادير يناير 2013	2021-01-29 10:49 PM
رحلتي لأغادير 2017	2018-06-09 11:39 AM
بعض الصور لأغادير	2014-12-05 05:55 AM
رايح لأغادير لأول مره	2013-12-08 03:11 PM

الساعة الآن 09:58 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رحلتي لأغادير الغندوره

روابط سريعه