موقف في فندق صحارى!!

NASER · 2014-01-11T21:45:43+00:00

صبحكم الله بالخير جميع ،،، انا توني راحع من المغرب وقضيت فيها 14 يوم 5 ايام كانت من نصيب اقادير واللي فعلا لو كنت ادري كان خليت كل اجازتي باقادير الجميله !! الموقف اللي ابغى احكيكم عنه هو موقف صار في فندق صحارى ...كنا جالسين في الخيمه عالساعه 9 .. وقالوا الشباب يالله نسهر اليوم في صحارى بما اننا قريب قلت تم .. انا بروح احجز بعد ما نخلص الشيشه قالوا زين .. عالساعه 11 رحت للديسكو و دخلت ونزلت عند اللي يسوي حجوزات الطاوله الا في واحد خليجي الشيب خط في راسه يقول تكفى يابن الحلال قال له روح عني ما تجيني بفلوسك وتسوي مشاكل وتجيني تقول تكفي والله اجيب لك 7 مغاربه يضربونك ويكسرون راسك قام هالخليجي قال والله الضرب اهون من انكم تمنعونا !! انا قفلت معي صراحه .. انا ما عندي مشكله في تصرف المغربي .. انا مشكلتي في تصرف الخليجي .. اقسم بالله ما راح احد يحترمك لو ما احترمت نفسك لو انت اغنى اهل الارض !! المهم جيت اتكلم مع المغربي قلت له ابغى طاوله قال فل .. ماعدا الطاوله الرقم الفلاني والرفم الفلاني او تاخذ طاولتين ،، قلت طيب وريني الكروكي قال ماكاينش .. قلت طيب ويعني ادفع لك فلوس علي ايش قال من الاخر مافي الا هذي الطاولتين .. قلت سلام عليكم ومشيت !! وانا خارج جاني اتصال مع احد الزملاء المغاربه .. وقلت له بالموقف قال ولا يهمك راح تسهر اليوم على طاوله انا اختارها لك و بنفس السعر ،، ولا تدفع لين تجلس .. وفعلا جابها لي ... طيب يابن اللذينا دام الطاولات عندك مفتوحه تتغلى ليه ومسوي فيها انا اللي ماسك توزيع النفط بين الحلف الثلاثي ودول الوفاق ؟؟ المهم قلت للشباب صحيح جو صحارى حلو .. وصحيح ان السوق مليان لكن ان عزمتوا تسهرون هناك انا معاكم بالدراهم لكن ما بروح لمكان يعطيني وناستي مفابل كرامتي !! والشباب انا افداهم من ذاك اليوم والله ما احد جاب سيرة صحارى !!

NASER

مزعوط جديد

المشاركات: 11

تاريخ التسجيل: Nov 2013

2014-01-13, 02:22 AM

المشاركه #1

اقتباس:

هههه ضحكتني كرامه وانت متكي بصحارا ههههه

يلبى سكاي بس ..

ع العموم شكرا ع السالفه الي ماتنفع بشي ههههه

كون اني اسهر .. او اسوي اشياء سيئه لا تجعلني مسخ بلا كرامه .. فالكرامه غريزه لم ترتبط بالانسان فقط ولم ترتبط حتى بالتدين يا صديقي !!

اما المنفعه من السالفه فاعتقد اني ما اعطيت تلميحه في البدايه ان الموقف راح يفيد .. فقط مشاركه موقف قد يجد فيه بعض الشباب شي لن تجده انت ولو بعد زمن !!

اخيرا اشكر لك خفة دمك ههههه

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: موقف في فندق صحارى!!
الموضوع	آخر مشاركة
فندق صحارى أكادير	2019-07-10 11:32 AM
إستفسار عن فندق صحارى	2016-10-08 09:21 PM
من فندق صحارى	2015-01-13 02:39 PM
غرف فندق صحارى بعد الترميم	2011-10-13 07:13 PM

الساعة الآن 01:43 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

موقف في فندق صحارى!!

روابط سريعه