والله مخي بينفجرررر ..ساعدوني يا محاربين

مساكم الله بالخير …انا الصراحة تعبت وانا ادور معلومات …صارلي الضاهر ٣ ايام اون لاين

كل ما قررت على سكن او اجار سيارة الخخخ….. ادخل موضوع واقرى تعليقااات وابطل …..الصراحة اب نصيحة الناس الخبرة الي من دون الله ثم هم نضيع …احس اني قريت كل شي في المنتدى ولا قدرت احدد


المهم انا بقعد اسبوع في مراكش في شهر ٣ ومعي واحد يعني احنا اثنين …… ابي مكان يكون نظيف ، اثاثة نظيف ، اماااان ، وحرية ، ولا مشاكل مع الضيوف .

لك رسالة على الخاص

ههههه سلامت راسك انا اقلك من واقع تجربه سكنت النخيل الدرقاوي ست مرات وسكنت في قليز وسكنت في جنة النخيل وسكنت قاردن ستي وسكنت جاد سكن خمس مرات كل مكان له موميزات وعيوب والناس تختلف انت لا تحمس كثير وتقرا وتردد صدقني اذا رحت هناك راح تحسف علي الوقت الي اخذته في البحث الاماكن المشهوره والمعروفه الحين محدوده روز قاردن وانا ماسكنت فيه والنخيل وجاد سكن هذي الي في منطقت الخيل وفيه الي داخل البلد مثل البابليون وغيره انا افضل المنتجعات الي في النخيل وخاصه النخيل الدرقاوي صحيح فيه عيوب كثيره بس اعتبره احسن الموجد مع العلم اني ماسكنت الروز قاردن وفيه ناس يمدحونه بس احس انه غالي شوي ارجو اني خففت شوي من وجع راسك

اخوي سبيد شكرا وصلني ردك …اقتراح جميل …وانشالله امرك عليك

اخوي عبوش الله يسلم عمرك …..والله اول مرة اتعب في القرار ….مشالله عليك على الخط شغال …الله لا يغير عليك انشالله

الصراحة النخيل هذا ما فهمته ؟ هو النخيل ولا الدرقاوي ولا ايدن ولا مادري ايش؟ هو كم واحد ؟

جاد وش تقيمك له ؟ وكيف النظافة والاثاث ؟ والمكان من ناحية الامان والحرية.

الصراحة كنت اشوف الروز قاردن …بس الي مرددني عنهم ان الصور توضح ان الغرف تعبانة من ناحية الاثاث وملحقاتها ، وغير كذا ان تحس حاطين العفش اي كلام ان اهم شي يكون في ثلاجة وحاطينها في نص الصالة ….التلفزين صغير تحس انه اي باد ههههه ….ومعلق بطريقة غربية ….يعني منظر الغرفة العام يجيب الهم .

وش رايك ؟

انا الصراحة ادور مكان نظيف يكون كانك في فندق …….المنتجعات في الصور الي اشوفها تحس انك في عزبة …..ارجو التوضيح اذا كنت غلطان

واذا في اقتراحات اخرى لا تبخل علي

اخوي النخيل منطقه اسمها النخيل عشان كلها نخل وفيها منتجعات كثيره والدرقاوي واحد منها من ناحيت النضافه نضيف الاثاث قديم شوي زينته امان وحريه والشقه وسيعه مره والصاله مجلس مغربي وسيعه مره الروز قاردن احسن اثاث بس يقولون الصاله صغيره مره والصاله مهمه اكثر جلستك فيها يميز النخيل الشغالاة تكون ساكنه عندك عندها غرفه في وسط المطبخ ويعرفون لطبخ الخليجي الكبسات وغيرها ومراكش جوها جو شقق مو فنادق تاخذ راحتك اكثر خاصه بسهراة داخل البيت

ياخي احس بديت افهم شوي ههههههه بدا يريح المخ

النخيل الدرقاوي كيف احجز فيه ؟

هل فيه منتجع مثالي يعني يكون خمس نجوم ونظيف ، وحرية وامان ، واثاثه نظيف ؟


معلومات جميلة اخوي عبوششش

الحجز باالدرقاوي فيه لهم عرض في المنتدي المنتجع الي اسمع عنه وشفته بس مادخلت فيه مقابل النخيل الدرقاوي اسمه القولف بلاس يمدحنه بس والله ماعندي معلومات عنه تقدر تبحث عنه باالاسم وميزته فيه ملعب قولف

الحين النخيل غير والدرقاوي غير والا وش العلم

النخيل
الدرقاوى
النخيل
الدرقاوى

ههههههههههه