فُيَ أُلِمِغّـــرٌبُ كأٌنٌ مٌعٌأُيِأً ,, عِشٌنِــأٌ بِأَلًحّــبً حكـــايه
السلامعليكم والرحمه وبركاته
اولاًابدأ موضوعي بالشكر الجزيل لجميع اعضاء هذا المنتدى الرائع واخص بالذكر كل منساعدني في استفساراتي واللي لهم الفضل بعد الله سبحانه وتعالى بنجاح رحلتي الاولللمغرب
ثانيا:كتبت الموضوع ونسقته وحملت الروابط وحطيتها على الوورد واستغرق مني هالشي 6 ساعات, وبعد ما خلصت كنت بلصقها فقط في المنتدى وللاسف كافة الروابط لا تعمل مع انيمسويه تجربه قبل البدء في كتابه التقرير, صابني احباط كبير, وعليه بيتم انزالالجزء الاول على عده حلقات
╰♡╮ من إمـــارات العــز إلى مراكش العشــق ╰♡╮
الحلقةالاولى:
ابتدتالفكره قبل سنتين تقريبا, وكان عن طريق المزحه, شرايك نروح المغرب !!!
قلبتالفكره في بالي.. ولاقت استحسان كبير في خاطري, بس ما بديت البحث عن المغرب فكانتكل خططنا في الصيف او الشتات توجهه نحو اوربا, وفي العطلات الصغيره كنا نقضيها فيمصر او لبنان حيث ان المغرب بعيده جداً.
شهرديسمبر 2013 انفتح الموضوع مره ثانيه لزياره المغرب, ورتبنا امورنا مع العمل باخذإجازه لمدة اسبوع في نهاية شهر مارس,ولكن بسبب ضغط العمل في هذه المرحله وكثرهالمشاريع واللي من الممكن انهم يلغون إجازتنا بدون سابق انذار, تم تغير الاجازهلبدايه شهر مارس ولمده اسبوع.
بعداخذ الموافقات واطمنا, بدأ التفكير في التخطيط للمغرب ( طبعا التخطيط كله عليه )وبديت بالتخطيط قبل 3 اشهر.
عددالمسافرين شخصين , انا وصديقتي اللي ترافقني في جميع سفراتي
تمشراء تذاكر الطيران من الناقل الوطني للامارات وهو طيران الاتحاد قيمة التذكره 3105درهم إماراتي, كما سيتم التطرق للسكن واسعاره في التقرير.
التقريربيكون عباره عن يومياتي في المغرب الحبيبه
اليومالاول: يوم الجمعه الموافق 28/2/2014
موعدانطلاق الطياره الساعه 2:05 فجرا والوصول للدار البيضاء الساعه 7:05 صباحا في نفساليوم ولكن تاخرت الطياره نصف ساعه.
توجهنالمطار ابوظبي الدولي الساعه 11 مساء لعمل التشيك ان وتسليم الشنط والعفش واستلامالبوردينغ باس , الوزن المسموح به لكل مسافر 30 كجم.
واليكمبعض الصور
مبنى طيران الاتحاد ( هذا المبنى خاص فقط لطيران الاتحاد )
منخارج المبنى
طبعاعملنا التشيك ان من مبنى رقم 1 وهو لجميع شركات الطيران
الموظف كارهه حياته في هالمبنى بسبب الضغط الكبير عكس مبنى رقم 3
وزناشنطنا
صورةشنطنا
جانب من المطار
بعدالانتهاء ردينا البيت للراحه قليلا ( فيني طبع احب اخلص موضوع التشيك ان بدري عشانارتاح من الزحمه وما اتوتر اذا تاخرت وفي زحمه, واللي معناه انهم يصكون البوردينغوبالتالي ما اقدر اسافر )
طلعنا من البيت الساعه 12:45 صباحا للتوجهه الى مبنى SkyPark وهو عباره عن مبنى متعدد الطوابقلايقاف السيارات, وفي عرض من طيران الاتحاد ايقاف السياره مده اسبوع مجاني فيالموقف طبعا لازم تكون مسافر على طيران الاتحاد وبعد الاسبوع يحسبون عليك اليومالاول 20 درهم والثاني 60 درهم وهكذا, وممكن استلام هذه القسيمه من مكتب الاتحادللعطلات في دبي او العين وذلك عن طريق اعطائهم رقم الرحله فقط.
صوره عن تذكره البارك واللي لازم ارفق معاها قسيمهالبارك والبودينق باس لاحتساب الموقف مجاني.
متجهين لمبنى المغادرين رقم 1
صور من داخل المطار
البوابه
اول ما ركبنا الطياره قرينا دعاء السفر ومن بعدهابريستيجيه مسكت كتيب الترفيه للاطلاع على الافلام والموجود احدث الافلام اللي تمانزالها في السينما واللي ما قدرت بسبب الظروف ان احضرها, عاد استانست وايد رتبتاموري اني بشوف كل الافلام اللي اباها. وبما ان السفر فجراً, فخليت في بالي انالكل بيرقد وبتكون الطياره هدوء ولكن تأتي الرياح بما لا تشتهي السفن .
قدامنا عائله مكونه من اب وام وطفل صغير, الطفي يبكيويصيح باعلى صوته والابو مطنش يسولف مع اللي يمه بالكرسي والام مب مفتكره ولحدراضي يسكته, ازعاج مب طبيعي.
وشوي تصير معركه ثانيه بين مغربيه ( بنوته صغيرونه ) معوحده شكلها يا بريطانيه او استراليه على الكراسي, الاجنبيه متفقه مع المضيفاتوالشاب بعد اقلاع الطياره ياخذ كرسيها وهي تاخذ كرسيه عشان ترقد طول الليل ( نظامالكراسي في الطياره 2-4-2) يعني هي بتاخذ 4 كراسي بتنسدح وترقد, ويات هالبنوتهعشان تاخذ كرسي فاضي ومنه ترقد بعد. وصارت المعركة بين الاجنبيه واهل البنت واحناالجمهور متفرجين ههههه اقول لكم مافي رقاد .. وتراكضوا المضيفين لحل الخلاف واخرشي اتفقوا هي تاخذ كرسين والبنوته تاخذ كرسيين, شلون رقدوا ما اعرف >>>مب سفره افلام اكشن هههه
توترت وايد لاني قادره اتابع فلم ولاني قادره ارقد, معاني ابغي ارقد لان السفره الفجر وكانت متبعه
حبيب الجماهير ما نستغنى عنه
صورة لبزوغ الفجر ..ياسبحانالله , تدرج الالوان سبحان الخالق
تم توزيع بطايق دخول المغرب على المسافرين, وتم تعبئتهباللغه الانجليزيه, عشان ما اعرض عمري لموقف طلب الرشوه من الموظف. واسمع الليقدامي يقول للي معه عادي اكتب عربي وهم بيكتوبه بالانجليزي. انزين اذا تعرف تكتبانجليزي ( والكلمات مب صعبه ) ليش تعرضعمرك لمثل هذي المواقف . امشي على قانونهم عشان ما تعطيهم مجال يطلبون منك
وصلنا بحمد الله إلى الدار البيضاء الساعه 7.30 صباحا..واول ما نزلنا من الدرج كان الجووو باااارد روعه , درجه الحراره 9 درجه مئويةوكان باستقبالنا الباص
إجراءات مطار كازبلنكا
نزلنا من الباص والكل يركض عشان يوصل بسرعه لتختيمالجوازات, وبناء على توصيه الاعضاء فاخترت خط فيه القليل من الخليجين لتفاديالتعطيل.
مشى السيد بيسر وسهوله وكانوا قدامنا 4 خليجين وبداانواع التعطيل وانا بديت امل واتأفف والحمدلله عدوا , ووصل دورنا شافنا بناتفاستغرب, سالنا سؤال غريب في وحده منكم مغربيه وخذت الجواز الخليجي قلنا له لا,قال ابدا , قلنا ابداً خليجيات عن ابد وجد. ختم الجوازات بدون اي تلميح او طلبللرشوه وتمنى لنا رحله سعيده.
وصلنا المحطة الثانيه وهو التشييك على الختم, انا كنت مجهزةالصفحه اللي فيها الختم عشان ما يعطلنا ويطلب شي, والحمد لله عدينا على خير.
نزلنا تحت لاستلام شنطنا.
وبدت الافواج تهل والناس تستلم شنطها واحنا بعدنا, بداالوسواس يشتغل ما وصلت الشنط, يعني بتمون بدون ثياب, واذا وصلت الشنط انتوا بمراكشوبتم الشنط في كازا , تحطمت النفسيه زياده الكل طلع وما تمينا الا احنا, واخيراًطلعت شنطنا, فرحه كبيره بصراحه ( يمكن لانا اول ناس سوينا تشيك ان وطلعت شنطنا اخرناس )
دخلنا الشنط في جهاز X Ray والحمد لله مسينا بدون تعقيد.
كنت مصرفه مبلغ يكفيني يومين من الامارات
طلعنا برع وشفنا كشك صغير, شريت منه بطاقة اتصالاتالمغرب ب 50 درهم اذا ما خاب ضني وفيها شحن 20 درهم وكانت كافيه باني اتصل علىالرياض لاستقبالي في محطة قطارات مراكش.
نزلنا تحت للتوجهه الى محطة القطارات لاخذ القطارالمتجهه الى مراكش ( قالي انزلي في اول محطة وهي مختلفه عن محطة الدار البيضاءالمسافرين) اقرب لي , ابدل القطار واخذ القطار المتجهه لمراكش
التذكره
فوتنا القطار للاسف وانتظرنا بحدود الساعه القطار الليبعده
تجربه تصويريه
سكه الحديد والجو كان باردبالزاف
داخل المحطة
كراسي الدرجه الاولى فيالقطار الاول وكان المكان شبه فاضي
ما نستغنى عن حبيب الجماهيروكان غالي بالمحطة بحدود 40 درهم
ساعدنا الموظف يزاه الله الف خير في انزال الشنط وقال ليانزل من هالسلم واركبي الصوب الثاني وانتظري قطار مراكش.
تعبت في سحب الشنط, ذكرى سيئه جدا, ما كان في سلم متحركيساعدنا.
انتظرنا وركبنا القطار والممر كان ضيق جدا يكفي لمرورشخص واحد, فما بالك وانت عندك شنط وفي اشخاص يبون يمرون.
وصلنا لكابينتنا وكانت مليانه بنات , فقلنا لهم بلطف انلنا كرسيين في هالكابينه ثنتين طلعوا من الكابينه وكانت الكابينه حاره جدا مع انهميقولون انها مكيفه, وشوي تجي سيده فاضله مع بنتها واختها وتقول ان هذي هيكابينتها, وتصير المعمعه مره ثانيه, ووصل المسؤول عن القطار, فخبر البنات انهميتحركون للكابينه للقطار الثاني وان هذي الكابينه مب لهم وصار جدال بين البناتوالسيده والمسؤول, واصرت السيده على موقفها وانها تبي تقعد في كابينتها, واحناشنو؟؟ الجمهور المتفرج ههه.
وبما ان الرحله 3 ساعات فلازم نسولف مع هذه السيده عشاننقصر الوقت, واتضح انها سكنت في الامارات بالتحديد في دبي حيث ان زوجها كان يشتغلهناك , وللاسف بسبب الازمه الاقتصاديه الشركة اغلقت ورجعوا للمغرب.
تبادلنا الارقام على امل اللقاء في مراكش وما قصرتعزمتنا على بيتها في كازا بس للاسف وبسبب ضيق وقتنا, ما اتاحت لنا الفرصه بالتواصلمعها, فاتوجهه لها بكل الشكر والتقدير على ذوقها واسلوبها الراقي وهذي جزء بسيط منشعب المغرب المضياف.
صور للطريق:
بنتها تحمل كلب اعزكم الله في شنطه مع ان ممنوع حملالحيوانات على القطار
السنطر او اليوسفي اوالماندرين منتشر بشكل كبير في المغرب
وصلنا محطة مراكش بحمد لله الساعه 2 ظهراً,, وكنت في شدهالتعب والشمس حاره جدا
قبل الوصول بنصف الساعه تم التواصل مع الرياض لارسالالسائق لنا.تم احتساب مبلغ وقدره 15 يورو اي 150 درهم مغربي.
السائق يسحب الشنط
محطة مراكش من الخارج
التاكسي الكبير خارج المحطةمستعد
الصور تلونت باللون الاحمرعلى لون مراكش ههه
وصلنا الى باب القصور
واستلمنا المسؤول عن الرياضالاخ محمد, واخبرنا بان المسافه للرياض مشيا تستغرق 6 دقائق بس ما يدري ان احنانتسحب واخذنا 15 دقيقه لوصولنا
شوفوا هو وين واحنا وين
رياض زوينه ما دخلته بس هوعلى طريقنا
نحاول نوصل له
سكيك ( زنقه ) يفوح منها عبقالماضي
في الحلقه القادم هان شاء الله بتكلم عن السكن وبحاولاخلص على الجزء على الويكند
اتمنى اشوف تفاعلكم وتشجيعكم
2014-03-17, 11:25 PM
.gif "Maroc (940)")
.gif "Morocco 5 (14)")
.gif "Maroc (980)")
العرض المتطور
الدرهم المغربي مقابل عملات الخليج