ياليت يصير خط دايركت من الكويت على اﻻقل لكازا بدل الترنزيت اللي دبحنا في دبي او الدوحة او اسطنبول

أفضل طيران من الكويت الى اغادير
 

خمس شركات طيران عربيه ومنهم ثنتين اماراتيه تذهب للمغرب وهم الاتحاد وطيران الامارات وبعدها قطر ومصر والسعوديه فقط وطيران المغرب ما انصح بالسفر عليها الا لطيران الداخلي الضرورات تبيح المحضورات
وبعدها من حيث القرب ومسار الرحله التركيه والباقي اوروبي ترانزيتك بدوله شركه الطيران ومن حيث القرب وليس الافضل اسبانيا والبرتغال وهذي ماتفيدك الميزه الوحيده بلاوروبي تستطيع الذهاب دايركت الي اكادير او مراكش من الطيران الاوروبي وسلامتك

بنسبه لطيران الكويت يذهب الي كازا دايركت بالشهور القادمه كلام فارغ وغير صحيح من ضعاف العقول وصغار القلوب

الله يسامحك يالسعدي

بس المعروف بالسنوات الماضيه ان الكويتيه تفتح خط مباشر من الكويت لكازا بالصيف يمكن لقلة الطائرات حاليا
صار بس بالصيف.
كان في خط مباشر طول السنه لكازا .بعد خصخصة الكويتيه الان التفكير تجاري بحت
خط كويت-كازا من انشط الخطوط خصوصا بعد الربيع العربي.
الايام الجايه راح تثبت كلامي وصحته لان كل مره اسافر لللمغرب اشوف الكويتيين هم اغلبيه في الرحلات
الي انا رحتها .

صحيح الكويتيه كانت تذهب الي كازا دايركت الي نهايه الثمانينات وتوقفت الي اليوم
وكلامك مبني علي اعتقادك ومافي شي مؤكد
اعرف ناس بالطيران المدني والمطار ماسمعو بالكلام هذا وهذي طبيعه عملهم
لاكن انتمني يحصل ومافي شي يمنع

اذا كان تفكير المؤسسة بعد الخصخصه تجاري

صدقني راح يشغلون الخط طول السنه مو بس بالصيف

لو تعرف عدد الكويتيين الي يسافرون للمغرب شهريا

جان عرفت قصدي انا اعرف صاحب مكتب سفريات يقول

ان الي يجون من زباينه وانا واحد منهم يبون تذاكر وسكن للمغرب

شهريا اكثر من 300 شخص هذا بس مكتب طايح حظه شلون

باجي المكاتب ؟؟
وغير الي يحجزون من الانترنت

على الاقل دهنا في مكبتنا

اتوقع قريبا جدا خط الكويتية راح يشتغل.

وين يا زقمبي .. مازال الكويتي يتشقلب في مطارات الدول ومحطات الترانزيت للوصول للمغرب!!
واحق الله هرمنا !! مكاينش بحال لكويتي في الخليج .. اكثر الدول عندها دايركت للمغرب .. شي غرييييب من الكويتية عدم تخصيص رحلة مباشرة او من المغرب نفسها بعد!!

افتحوا وسهلوا على العالم.. والله الناس رايحه رايحه حتى لو زمن الرحلة ١٦ ساعة .. خلوها ٨ ساعات وانتوا الربحانين من التذاكر اولاً وأخيراً...

الله ياخذهم تكسرت ظهورنا من طول الرحلات والترانزيت هرمنااااا فعلا بس ربعنا ما يبون الكويتيه تربح يبونها تطيح عشان التجار ياخذونها وحنا نقول خل ياخذونها بس يفتحون خط لمزاعيط الكويت والاخوه السعوديين اللي مناطقهم قريبه من الكويت خصوصا اهل الحفر واهل الخفجي اغلب رحلاتهم من الكويت عسي ربك يسهلها بس

ياجماعه انا سويت فيزا لندن ب٥٠ دينار لمدة سنتين ..

عقبها كل مابغيت اطير لمراكش دايركت اطير ع البريطانيه ..

كويت - لندن - مراكش ..
بسعر ١٨٠ دينار ..

كويت - لندن - كويت ( ١٦٠ دينار )
لندن - مراكش - لندن ( ٢٢ دينار )

حجزين منفصلين مايصير تحجزهم مره وحده ..
و لازم فيزا لانك بتركب قطار نص ساعه للمطار الثاني تطير لمراكش ..

ياجماعه رحله مريحه و حلوه و خدمات روعه ع البريطانيه ..
و لما توصل مراكش على بالهم بريطاني محد يكلمك رحلتك جايه من لندن ..

توبه اطير على غير البريطانيه .. منها راحه و منها وناسه

والله ياخوك فكرة حلوه

بس متعبه وتضيع عليك وقت

وراح تنشق شق من مطار الى مطار الى مطار الى مطار

وآخر شي يبيلك مساج وحمام مغربي وراحة ثلاث ايام :)

انا اشوفها افضل من مرمطة ترانزيت بدوله خليجيه و عقبه ضاعت الشناط و ماتدري توصل بكره ولالا ..

و عقبه توصل كازا و تاخذ سياره ولا طياره لمراكش ..

انا اشوف اركب من الكويت الى لندن عقبه قطار و طياره لمراكش دايركت و ع البريطانيه شناطك واصله باذن الله مافيها كلام و انت مرتاح