لعيونك اواااصل ..جالس بالدوام الحين يارجال وقرفان وانتظر رحلتي الثانية بعد اسبوعين !!
نزلنا من الطيارة ..طابور طويل الين طلعنا كلنا ..معي شنطتي وجمبي صديقي الجديد المغربي ..سألته وين اروح!! قال رح الحق على رحلة اغادير ...اسرعت بمشيتي وشنطتي وري تسحب ,..قالي اتبع خط لونه اظن اصفر نسيت لونهالحين!! بس كنت حريص ما اتعداه واضيع
وقفت لقيت الخليجين والمسافرين عموماً متجمعين ..مدري وش السالفة بس سويت نفسي ثقة ومشيت قالوا لازم تعبي استمارة !! اوكي اخذت الاستمارة ومالقيت قلم ..وبدت مرحلة البحث عن قلم الين طحت بشايب مغربي شكيته له حالي وعطاني قلم
كان كويتيين يناظروني مدري ليش ..بديت انا وكنت الظاهر المسافر الوحيد اللي جاي بلحاله ..كلمتهم بحسن نيه سولفو معي ضحكنا ثم قالوا نشوفك في اكادير قلت اوكييي ..
كنت انتظر موظف الجمارك يطلب مني اكرامية بس ما طلب ..بغيت اساله انت متأكد !!..مشيت شوي وجاني واحد قالي كلام ما فهمته تبع الموظفين بس قلت اوكي ومشيت ههههه راح زعلان ولا ادري وش فييه .
ختمو الجوازات !! ..وقصيت بوردنق حق المغربية وخلاني باحسن مكان مع انه كان زحمة ...وقفت عند محل اتصالات ابطلع شريحة ..قال لي الشريحة ب400 درهم !!! قلت غالي!! قال مافيييي تبي والا دور غيري ..رحت ادور غيره كلهم مقفلين ..رجعت له لقيت عنده معربية تتخانق معه تقول غالي وكان معطيها ب300 درهم !! ..اخذت منه شريحة ..قلت ابي اتواصل مع ناسس مهمييييين مواعدهم من زمان
واشتغلت الشريحة واروح اتكي عند بوابة الطيارة اللي بتروح لاكادير واشتغل مراسلات !! ياولد حسيت اني توم كروز !! ياكثر اللي ينتظروني ومشتاقيين لي ياااه
اعلنو عن الرحلة وهنا ماقويت اشيل رجولي من الفرحةصرت امشي كذا
متجه للطيارة
حسيت اني راكب باصات خط بلدة ..قربع قربع هذا صوت الطيارة مشتغغلة ومعشق بالاول !! واعلنت المضيفه قفلوا جوالاتكم ..والله والناس ما يسمعون لها كل..اصلاً جمبي واحد يلعب سوكر بالايباد حقه ومطنش ابو المضيفات واللي ماربط حزامه ..يعني وسع صدرك ..الا ويدعس الكابتن اقسم بالله ماعمري ركبت طيارة كذا ..داعس ومطيزين سالفة الامان !! وصلنا مراكش نزلو ركاب ..وركبوا ركاب وانا جالس اطل من تحت اشوف مراكش في الليل ..
وصلنا اكادير ..نزلت وانا تعبان واخذت الشنطة ..وياقابلوني الشباب الكويتيين طلبو مني اخذ شنطتهم وادخلها !!! قلت هاه ..خلاص حطوها هناك بالزاوية وانا اخذها ادخلها ..مشيت وخليتهم هههههه فتشو شنطتي والصرف كان بالجيب ..وطلعت اشوف التكاسي واشوف الشرطة رمسيين يشبهون اللي باستراليا حتى باللبس صدقت حسبتهم فزعات ..سالتهم وين الاقي التاكسي !! هو بس انا سألته قالي تعال ..وينادي تاكسي ويتكلم ويهرج معه بلغة ماعرفها ويتفق وقالي ب500 درهم !! قلت باي !!
رحت ركبت مع تاكسي ثاني قالي ب150 يوديني المارينا ..قلت يالله قو اهيد ..وقفني الشرطي الاول ..قال عطني جوازك ..عطيته الجواز ..قالي افتح الشنطة قلت ..تووكم مفتشينها بالمطار بالجهاز ..قال انا ابي افتشها والا عطني اكرامية ,..قلت خلاص نفتشها بس نرجع داخل المطار ..والاكرامية ممنوعه وحرام وخاف ربك واعطيه من الادلة هههههه عاد انا وين رايح ؟؟ قلبت شيخ عليه ..قلت انت متزوج؟ قال ايه وعندي عيال ولاعدنا فلوس ..قلت انت مصمم تدخلههم النار معك بالحرام ..قال يابوي رووح ...مشيت وانا معصب وحطيت هواشي بالسايق مسكين ..قلت لشي انتم كذا ..قال انت اكيد اول مرة والا كان ماتزعل!!
وصلت الفندق
..مشيت ورحت الااستقبال وعلطول قلت الكلمة السرية محمد عاطي ومعها اسمي ويطق بالجهاز ويعطيني مفتاح واركب السيارة الكهربائية ونروح لشلقة كانت شقة غرفة وصالة ب1150 درهم الحين ب1450 اظن ..وقلت الان حان وقت النوم !! حاولت انام ماقدرت !!
بس قمت وطلعت للسكاي والقى الدنيا وااالعه وما صبرت قبل ما اطلب دخلت الستاند وهز ياوز ..نصف ساعة واحس اني دايخ واستلم لي مكان وتجيني الطلبات ..ياهوووه يازين عصيركم ومن زمان ماعسلت !!!
خلصت السهر وطلعت فوق اكمل في المطعم وتجي ذيك المغربية المغنية عليها صوت يروووق مع انه عالي مرة .وماكان فيه الا انا انتهت السهر على 4 الفجر ورحت شقتي واطقها ذيك النوم الين الظهر ..
لقيت جوالي يتصل والاقي مجموعة كبيرة من الأصدقاء
وارد عليهم واحد واحد ..رحت النهضة وكان عندي موعد مقابلة شخصية ..كان الطاجين باللحم يضرب بالمخ طعم خيالي ..
جلست فيه ثم يوم خلصنا رحنا روتانا ...كملنا بالاتاي
كان وقت الغروب هواء بارد وشاي رايق اول مرة اشربه ..قلت مابي ذا اللحظات تنتهي ..
انتهت الحلقة الثانية