ماهو الأفضل في صرف العملات السعوديه الى العمله المغربيه

طيب افضل اصرفها من مطار كازا ولا في مراكش ووين

مشكوووور ياخوي

لا تصرف فلوسك الا من المغرب من البزارات . نصيحة عند ! عندما تأخذ النقد السعودي احرص على اخذ ورقة الصرف من البنك و احتفظ بها . اذا كان المبلغ السعودي كبير لا بد من تسجيله في المطار قبل مغادرة صالة القدوم . لا تصرف اكثر من 1000 درهم لانه لا يسمح لك بالدخول باكثر من ذلك والا صادروها منك، بعض الاخوان يصرف اكثر من 5 الاف ريال لان العملة المغربية رخيصة في السعودية لكن فيها مجازفة و خطر الا اذا زبنها و صار ذيب . يقول لي صديق : بان البنوك في المغرب لا تصرف اكثر من 2000 درهم في اليوم الواحد ؛ للأهمية وجب التنبية

اخ ابو بدر البنوك تصرف لك المبلغ اللي تبي ،اخر مره صرفت في المطار ثمان آلاف ريال سعودي من صراف اسمه وفاكاش اخر صراف اذا طلعت من صالة القدوم على اليسار قبل الدرج الكهربائي اللي يودي للقطار..
بالنسبه للسعوديه لازم تصرح عن المبلغ اذا كنت مسافر في حدود ستين الف ريال
بالنسبه للعمله المغربيه احرص ان المبلغ مايتعدى الف درهم عند الخروج اما الدخول فغالبا مايدققون عليك..
بطاقات الصراف تصرف من بعض البنوك ميلغ ٨٠٠٠درهم للسحبه الواحده مثل بنك القرض العقاري والسياحي(أنصحك فيه)ويقبل غالبا اي بطاقة صراف..
الخلاصه:خذ معك ثلث مبلغ رحلتك كاش
والباقي سحب من مكائن الصرف هناك وأمورك هانيه

و الله الرجال تورط لين اذانه
صرافته ما صرفت الا 2000
درهم يومي . هذه روايته التى
اخبرنيها .
الصرف من البزارات افضل من البنوك
صححونا اذا كنا على خطأ !!

الاخ م سلطان نور الله دربك قد افدتني يا صاحبي بارك الله فيك
شكرا جزيلا على المعلومة . هذا التفاعل الدائم لأعضاء منتدانا
هو الذي يجعل هذا المنتدى قمة في الابداع و الانصاح و التثقيف .
شكرا لكل الاعضاء الكرام و شكرا للقائمين على المنتدى هذا . اذا
استمر هذا المنتدى على هذا المنوال سوف يكون له شان عظيم
والايام تنبيكم بالاخبار والسلام عليكم و رحمة الله و بركاته

اخوي ابو بدر ،كلامي مكمل لك بس اختلفت معك بنقطه.
كلامك صحيح اغلب المكائن بالوقت الحالي تسحب مبلغ ٢٠٠٠درهم وهذي خطة تسويقية لهم عشان يستفيدون اكثر(عمولة+رسوم سحب)بس فيه استثناءات بسيطه من بعض البنوك وذكرت واحد منهم..
بالنسبه لسعر الصرف برى المطار اشوف مافيه فرق يذكر بين البنوك ومحلات الصرافة سوى ان محلات الصرافة مايشغونك بالجواز مثل البنوك ،تعال اصرف وامش

كلامك صحيح انا معي بطاقة وفا بنك تصرف ٢٠٠٠ في اليوم فقط

ومنكن نستفيد

بعيدا عن العموله و أماكن الصرف المعروفه .

CIH Bank ما زال يعطيك 4000 درهم في السحبه الوحده

شفته في كازا كثير , و سحبت من فرعه اللي في المعاريف

امام , ماكدونالد . الكلام هذامن 3 اسابيع .

أتمنى اكون افدكتم ب شئ .

و السلام ختام .

__________________