الفزعة يا شباب شقة غرفة وحدة او استيديو بمراكش

السلام وعليكم
بما انتي طالب ف ميزانيتي راح تكون محدودة
انا ميزانيتي ١٣٠٠ دينار كويتي خرابيط ما ابي لاني رايح بشغل مو خرابيط
فلوسي كلها راح تروح على ايجار سيارات وسوووق وبما انه صارلي سنة مو جاي للخليج بسبب دراستي قلت خل اروح المغرب منها استانس منها اخلص شغلي
اول شئ ابي نصيحتكم
انا بسيدني ابي اطلع من سيدني للكويت على حساب الملحقية ومن الكويت احجز واطلع للمغرب شنو رايكم
ولا تشوفون اني اطلع من سيدني للمغرب بهل حالة راح تكون التذكرة ع حسابي

واستفساري الثاني احتاج استيديو او شقة غرفة وحده او استيديو ويكون بسعر مناسب
ياليت تساعدوني لانه اول مره بحياتي اروح للمغرب ولو مو الشغل اللي عندي مارحت

التاريخ من 15/9/2014 الى 28/9/2014
طبعا سفرتي لحالي محد معاي
واذا طلعت من استراليا على طول راح يكون تاريخ 10/8/2014 الى 24/8/2014
من ناحية الاسعار اي تاريخ تنصحوني فية واسف ع الاطاله

������

وعليكم السلام

يا هلا فيك اخوي

نصيحتي لك مادام انك في قارة استراليا :)

انصحك ترجع للكويت وتريح

واطير من الكويت الى المغرب

لان من استراليا الى المغرب قيمة التذكره عاليه جدا ممكن توصل ٨٠٠ دينار حرام والله المبلغ هذا وايضا رحلتك تكون طويله ومتعبه ومرهقه

مادام انك طالب وقيمة تذكرتك مدفوعه من الملحقيه للرجوع للكويت استغلها وريح كم يوم بالكويت وسلم على الأهل وبعدها طير من هناك على الخطوط التركيه ارخص سعر وافضل اختصار للوقت

بنسبه لشقق مراكش روح لقسم العروض بالمنتدى تحصل مبتغاك هناك اكثر من شقق معروضه في مراكش واسعار خاصه للمنتدى

__________________
G I N
! ! . . . ♥ . . . ! !

حياك الله..ببدأ من اخر شي طبعا لو طلعت بشهر سبتمبر راح توفر ربع تكاليف رحلتك وهذا افضل لك لانك طالب .
لو فكرت تطلع مباشر من سيدني لمراكش بشهر 8 عندك ارخص طيران الاتحاد الاماراتيه من سيدني لمراكش 1820 دولار امريكي..بعدها بريتش ايرويز 2330 دولار امريكي..دامك رجل جاي بس تتمشى اعتقد 2900 دولار امريكي كافيه لمدة رحلتك
13 يوم شامله سكن وسياره واكل وتمشيات بعيدا عن سياحة الليل لانها ممكن تدبل ثلاث مرات تقريبا..
بالنسبه للشقق شوف قسم العروض وان شاء الله تحصل اللي تبيه وماراح يقصرون معك الشباب
تحياااتي

اشكرك اخوي على النصيحة ماتوقعت ان الرحلة راح تكون طويلة جذي بس دام جذي اطلع من الكويت عدل كلامك لان التذاكر راح تكون ارخص وبالنسبة للعروض اللي تقول عنها ماحصلت اغلبها فلل وشقق غرفتين وانا ماني محتاج شقة غرفتين ياليت لو في موضوع عن عروض استيديو او شقة غرفة وحدة تحطه لي مع خالص احترامي

داااااام جذي راح اخليها شهر تسعة لاني هم بعد من شهر واحد اللي طاف مو شايف الاهل بس بالنسبة للتذكره 1820 روحة وردة ولا بس روحة اذا بس روحة ناااااار غالية حيل
بالنسبة للعروض اذا تعرف عرض ياليت تعطيني رابطة
واشكرك اوي سلطان ع اهتمامك

هلا بك اخوي.. بالنسبه لاسعار التذاكر روحه ورده من سيدني لمراكش ومن مراكش لسيدني مع محطات التوقف.
لك رساله على الخاص

لا لا لا خلني اطلع من الكويت ارحملي لاني ابي اقعد شهر بالكويت بيض الله وجهك