آبيض وجه

سجل معك واحد وحداني بعد العيد في 10 اغسطس أغادير
جديد بس الامور طيبة ان شاء الله

انصحك باغادير مثل ما قالوا

بس ارخ الريال وانا اخوك

خصوصا انك لحالك ورايح بموسم صيف كل الدول بالعالم ترتفع فيها اسعار السكن والاماكن السياحية

احسب يومك ب 2000ريال اذا تبين تنبسط

انا اصرف الفين بغير الصيف اذا رحت لحالي

اهم شي بالسفر الميزانية عشان ما ترجع للسعودية وبقلبك حسرة
وبخاطرك شي ما سويته

طويل العمر انا رأى غير عن الاخوان الي نصحوك
انا توني راد من اكادير واجيها من 2011
اقولك انحش يرزقك الله ارض المغرب واسعه
واكادير مو علي خبركم
اكادير ثلاث فنادق وثلاث ملاهي وصالتين
منطقه ممله وغاليه بزاف والاوضاع تغيرت
اقولك مراكش وصدقني سهالات
ومثل ماقالو الاخوان انت كبلز مو سنقل يعني دويتو
مراكش واسعه وكل شي موجود ومكانك شرح اسكن بالقولف ولا الدرقاوي وعندك الروز قاردن الشباب الي هني كلهم في
نصيحه محب اذا مو مقتنع بكلامي خل سفرتك بين مراكش واكادير اذا وقتك يسمح وشوف الفرق وابدأ في اكادير
اكادير بتشوف نفس الناس كل يوم والعين عليك ويحفضونك ويعرفون دخلاتك وطلعاتك
وسع علي نفسك لا بارك الله بالضيق

شوف كازا صعبه عليك گ اول مرة تجي للمغرب ونصيحتي ابتعد روح اكادير صغيرة وكل شي حولك من قريب او تروح مراكش بس يبي لك خوي كويس وخلك مفتح عيونك وامش بعقل وانتبه واحذر من الاستغلال واذا تبي اي شي بمراكش راسلني ع الخاص .. ودمت بود

والله كلامك ( زين ) وهرجت أرخ الريال تنم عن علم وهو هذا الي بيحصل وعلى قولتهم ( فلها وربك يحلها ) ابيض وجه وما قصرت والله لا يهينك

كازا صعبه ( الله يخارجنا ) طيب مراكش ما فيها ( قلق ) أمني خصوصا أني لوحدي مثل ماقلت وحكاية خوي ذي مشكله عموما كلامك الأمني الأخير جداً مهم والمفرض من كل واحد يجعله قاعده عشان يقطع اي محاولة سيئة تجاهه بيض الله وجهك ويسر أمرك وراح أتواصل معك خاص لكن بعد ما أقرر وين اتجه .

لكن يالربع دلوني عن التعامل من أفضل من أتعامل معه مع الرجال ولا ( النساء ) مع العسكر ولا مع من بالنسبة للطكاسي ( على قولتهم ) استأجر بالمشوار ولا باليوم والي عنده ارقام ( ثقات ) يرسلها حتى السكن فندق ولا شقه ووش أفضل حي بالنسبة للشقق ووش الفنادق الي فيها الجو ( يو ) دلوني الله ييسر أمركم .

التعامل الزين يجبر الناس احترامك وماتفرق نساء او رجال وكان تبي الشور والخيارات الكثيره ماتمل دامك وحيد رح مراكش بس خل معك سواق 24 ساعه يخدمك والديره تبي دهن سير ترا
عشان امورك تصير سلسه وبالسلامه يالشقردي