الاغلب هنا من الاخوان ما يمدح كازا .. شو السبب ؟

السلام ...

الله يسعد اوقاتكم جميعاً يا اخوان وين ما كنتوا ..

انا ان شاء الله ناوي السفر لأول مرة عالمغرب وبالتحديد كازا وحاجز التذكرة بشهر اغسطس طبعا انا و ٢ من الشباب ..

ملاحظ يا اخوان هنا بالموقع اكثر الشباب ما يمدحوا كازا اللي يقول شايلها من راسي واللي يقول بقعد فيها يوم او يومين فقط .. كرهتوني فيها صراحة ..

الاغلب رايح لمراكش او اغادير .!!

شالسالفة ؟

ليش الاغلب رايح لمراكش او اغادير ؟

وش اللي يميز مراكش واغادير عن كازا ؟

هل هو او الجو او الامن او فرق الاسعار او السكن او المعالم .... الخ


اتمنى يا اخوان تفيدوني ويعطيكم العافية جميعاً ..

كازا مدينة مال واعمال ( مدينة اقتصادية ) .. فيها ناس وحركه وكثافه سكانيه .. وفي مناطق حلوه وسياحيه قريبه منها
عيبها الزحمه و الحياه الليليه فيها لا تقارن بمراكش واكادير .. الزبده بمراكش واكادير .. باختصار شديد اذا كان جوك تصحا الصبح
وتفتر بالمولات والكافيهات وتنسا شي اسمه استجمام بتعجبك كازا ..

__________________
i am a very private person, yet i am an open book
if you dont ask... i won't tell

يا اخوان انا طالع شهر ١٢ .. بالعيد
ع مراكش.، ايش تنصحوني من ناحية سكن

مدينه كئيبه ومافيها خيارات كثيره للزكرت

كازا كانت عشقى الكبير ولكن السنوات الاخيره اختلفت اصبحت مدينه منفره للسواح مستوى الجشع زاد بنسبة كبيرة ومستوى المعيشه ارتفع جدا وفوق هاذا اصبح الشفاره حالهم حال الناس الطبيعين ماشي يقول انا شفار و لا همه لا فى ناس ولا فى شرطه بصراحه كازا حتى اهلها بدوا يكرهوها
ممكن تروحو و تنبسطو بس كلامه ما حيفهمو الا اللى يعرف كازا من اكتر من 15سنه

اكادير تمتاز بشاطيء يعتبر من اجمل شواطيء المغرب وعلى هالشاطيء تتمركز الفنادق وجميع الخدمات.. بالعربي كل شي تبيه راح تحصله بالمنطقه ذي بس طبعا الفاتوره حيرتفع ثمنها.
مراكش مدينه لها طابعها الخاص وهي مدينه غير ساحليه تمتاز بتاريخها العريق وجمال ضواحيها ( اوكيمدن-سيتي فاطمه.. )
بالاضافه الى المدينه القديمه وساحة جامع الفنا الشهيره والعديد من المعالم والقصور والمتاحف باختصار هي عاصمة السياحه بالمغرب كما تشتهر مراكش بسياحة الليل .! لذا هي دائما عرضه للحملات مابين كل فتره وفتره
كازا عاصمة المغرب الاقتصاديه وفيها اكبر تجمع سكاني.ومنطقتها السياحيه تتمركز بعين ذياب وفي عين ذياب تجد كل شيء تحتاجه فنادق ومقاهي ومطاعهم وسهرات ومول موركو المشهور ..وكازا مرتع مزاعيط المغرب القدامى
الخلاصه:لو قلنا رحلتكم اسبوعين اقترح عليك الجدول التالي الثلاث ايام الاولى بكازا بعدها اربع ايام باكادير واسبوع بمراكش ...اشوف اكبر غلط تقضي الاجازه كلها بمدينه واحده.. مهما كانت جوك بتلقاه في كثير من مدن المغرب بس شوية تخطيط وترتيبات قبل السفره وبتشوف امورك في التوب

كلام أوسكار وسواح سليم
كازا مدينة اقتصادية ضخمة وتعج بأصناف مختلفة من العمال والمهاجرين، جرائم السرقة فيها عالية وتحدث بشكل عام في الشوارع المزدحمة، لكن كازا أيضاً لها مذاقها الذي لا يشبهه مدينة اخرى في المغرب
أماكن السهر في كازا أكثر بكثير من أي مدينة أخرى، ولها مستويات، من الشعبي الرخيص جداً إلى الغالي جداً
ابتعد عن هذه المناطق ليلا:
درب السلطان
المدينة القديمة وما حولها
البرنوصي
والسهر في الاماكن المنتشرة في عين دياب محاط بمخاطر الشفارة والمتسولين وابتزاز رجال الشرطة
لكن من واقع تجربة وزيارات متكررة لكازا، اذا ما خبصت ولفت الانتباه فما ينتبه لك احد
لازم قبل اي مكان تسأل عن الثمن بالضبط ومقابل ايش بالضبط
غالبية فتيات السهر اللي يمكن مصادفتهن في الملاهي في كازا خطيرات جداً ويعملن ضمن مجموعات للاستدراج والابتزاز
يفضل عدم التعامل نهائيا مع سائقي التاكسي في كازا
يفضل الابتعاد عن حياة ريجنسي والبلاك هاوس لانها بؤرة اصطياد

جنك تقول انحشوا بس باسلوب جميل ؛)

للمعلوميه كازا جووها من اجمل اجواء مدن العالم وخاصة بوسكوره… لاكن كازا خصها مزعوط مخضرم… تحياتي

والله انا متحير هذه السنه بين مراااكش واگادير ولسه ما رسيت ع بر