فيلا بمراكـش

السلام عليكم

مبارك عليكم الشهر وعسى الله يتقبل صيامكم وقيامكم ..

عندي استفسار عن مراكش بخصوص الفلل ؟ شنو الافضل فلل النخيل ام الفلل الخاصة ؟

منو افضل واحد نتعامل معاه بخصوص الفلل الخاصة وتكون مجربه من جميع النواحي نظافة , امان !

وشكراً

هلا اخوي كويتي صباحك عسل .. وكل عام وانت بصحة وسلامة
بالنسبه للفلل الخاصة والله ما انصحك فيها ابداً ولا قد استاجرت فيلا خاصة
اما بالنسبه لمنتجع مجمع فلل هذا شي حلو .. النخيل حلو ونظيف وآمن لكن فيه بعض البوابات يوجد بها استغلال شوي ولازم تدفع على ضيوفك حتى ولو كان واحد من اصحابك مسير عليك
انا من ناحيتي وتجربتي اشوف راح ينفع معاك الروز قاردن عندهم فلل تتكون من غرفتين الى ستة غرف وامان بعد الله سبحانه ومافيها استغلال ابداً مع العلم ان المنتجع يبعد عن قلب مراكش ١٥ دقيقه .. اتمنى اني افدتك واي خدمة من عيوني

واذا عددكم اقل من ثلاثة اشوف ان الشقق مناسبه لكم واوفر بالسعر .. وبالتووفيق لك

حنا ثلاث اشخاص ؟ تنصح بفيلا بالنخيل مع مسبح خاص
او فلل الروز قاردن ؟ وشنو الي تشوفه انظف وارقى سواء اثاث مبنى العاملين

الشهر مبارك على الجميع

الافضل , اذا انتم ثلاثه , تاخذون لكم فيلا خاصه

اغلى و احلى فيلا معقوله و فرشها فخم و مسبح

ما تتعدى ال 4000 درهم مغربي .

سواقك سواقك و شغالتك شغالتك و عساسك عساسك .

وش لكم ب شغل البوابات و الشغالات و افلامهم .

اتمنى افددتك بالشي اللي يخليكم مرتاحين ب سفرتكم

و شارين راحتكم .

كذلك اتمنى احد الاخوان يدلكم على فيلا تليق بكم .

تحياتي و السلام ختام .

__________________

عدل كلامك هذا الي اقصده مشرفنا العزيز
فيلا خاصه فينا من غير شغل البوابين واللعب الي حاصل ،، بس الاخ sair يقول الفلل الخاصة موامان او وضعها مش ولابد وهذا الي استغربته ...
ياريت والله الي عنده علم يفيدنا بهالخصوص .. فيلا لثلاث اشخاص يكون سبق تجربتها وليس شغل سماسره
لان الاغلب الي اسالهم يتكلمون انه اقل فيلا ٤ غرف ب ٥٠٠٠ وانت صاعد

حبيبي انا قلت لك من ناحيتي ماستاجر فله خاصة لو تقول لي ب درهم ونصحتك تاخذ فلل داخل مجمع يكون افضل لك طبعاً هذا من رأيي انا .. وكل الامور تعود لك ول رايك . بالتوفيق اخوي

وينكم يالربع

اهرررب من الفلل الخاصه اهرررب بن علي هررررب
ياخي الفلل الخاصه انا كنت اسكنها بمراكش على طول بس يدي على قلبي لو اسمع صوت بس اقعد اطامر ودايم في كل سفريه اخذ لي فلم فلمين رعب من هذي الشغله لذلك من باب الخبره عليك بالمجمعات لان حشر مع الناس عيد.

كلام جميل ،،،، والتجربه خير برهاااااان

__________________
ياراعي الغر العذاب المباهيش
رش الكبود اليابسه من عطشهااااا
دنق علي وطمن الراس بشويش
واحي العروق الذابله وانتعشهااااااا