ما هذا الاستغلال يا فنادق اغادير

ابعد عن العيد ومواسم الزحمة وتزين امورك

انصحك يابوعبدالرحمن انك تاخذ من مكتب المؤيد اما فوشر او تاكيد حجز يرسله لك بالايميل او الفاكس على ورقهم الرسمي ومختوم وفيه السعر لاني وقعت معاهم بمشكله حجزت عن طريق عبده بالوتساب وقال لي السعر 1300 درهم ويوم جيت احاسب قبل ما امشي بيوم طلعو السعر الى 1500 وبعد نقاش طويل مع المارينا ومكتب المؤيد بمافيهم عبده عملو السعر 10 ايام 1360 واربع ايام و الباقي1500 على قولتهم باكج عشر ايام وهذا مع العلم اني فرجتهم على مرسلاتي بالوتسب مع عبده ولاكنهم كالعصابه يدهم وحده وللاسف ياريت حد من الاعضاء يعطيني رقم صاحب شركة المؤيد حتى ابلغه بالي حصل كلها شغل نصب في نصب واحذرك اخي ثاني مره لاتعتمد على الوتساب قوله يرسل لك على ورقهم الرسمي مع الختم تاكيد الحجز مع السعر

والله مشكلة ياخوان
كنت ناوي على أغادير
بس والله من كﻻمكم خفت

ان شاء الله على أكتوبر ترخص اﻻسعار يارب

شكراً لك

__________________
عشقي الرباط

بارك الله فيك شاكر و مقدر . انا الحقيقة أخذت رقمهم و تواصلت مع الموظف و يقول خلاص حجزك مضمون و قلتلو الفوتشر قام يقول لا خلاص بدون فوتشر تروح الفندق و تفيدهم بانك حاجز من مكتب المؤيد و تثبت هويتك بجواز سفرك

و أنا الصراحة ماني مرتاح أخاف أوصل عندهم و ما أحصل أي حجز . يا ليت أحد الأخوة اللي عندهم رقم المؤيد يحطه هنا و له كل الشكر و التقدير

ابوعبدالرحمن قوله اذا مابيعطيك فوشر على الاقل رسالة من عندهم فيها تاكيد الحجز ويذكر فيها سعر الغرفه يرسلها لك بالفاكس والله يوفقك

انا شخصيا احجز الفندق من بلدي والسبب الحجوزات الغير مدفوعة قابله للإلغاء حتى لو دفعت عربون الافضل لك الحجز من بلدك وضمان رحلة بعيدة عن الامور التعقيدية وبنسبة للاسعار هذي فترة صيف ونصف سكان الارض اجازات والمغاربة المغتربين يعودون لديارهم والخليجيين يزورون اغادير والاجانب في اغادير كثرة السياحة راح تسبب في ازدحام الفنادق اتمنى لك رحلة سعيدة

انا نفسك صارت معي وانتبهو يا شباب من تحجزون شلو فواتيركم بان المبلغ مدفوع او فاتوره مكتوب فيها سعر المده اللي بتقضيها بالفندق عشان اذا بتدفع تقول هذا هو السعر المتفق عليه وهذي ورقتكم ولا تجون وقت التشيك اوت قبل السفره تعالو قبلها بيوم وحاسبوهم عشان ما يستغلوكم وانتو مسافرين وع عجله وتقول بدفع وبفتك


الوعد قدام

ياريت الشباب الي بالرياض حد منهم يوصل الشكوى لابومؤيد صاحب المكتب انا الي سوا معاي المشكله وحجزت منه عبده من مكتب المؤيد

يا الغلي في فترة الموسم والصيف الكل يرفع الأسعار

كنت في طنجة بشهر اغسطس الماضي

الشقة اللي كنت اخذها ب 1200 درهم في الربيع

اخذتها بـ 2300 درهم وبالموت

مع العلم اني حاولت ابحث عن شقة ثانية ولاكن ماحصلت بنفس المنطقة وبنفس النظافة

حصلت اقل إمكانيات واغلى ب 2500 درهم

الصيف بكل مكان غالي مو بس بالمغرب

روح دبي او البحرين او تركيا

بتحصلها نفس الشي صاعده الأسعار الدبل

لهدرجه النصب والتلاعب بالاسعار...