استشارة لسفرة الى المغرب

استشارة لتخطيط سفرة للمغرب

سلامي للجميع .. افكر في سفرة الى المغرب في شهر سبتمبر / 2014 .. المدة 15 يوم شامل يوم السفر والعودة .. تخطيطي المبدئي :

الوصول الى كازا .. استأجار سيارة ..وبعدين الرباط يومين .. مراكش 6 أيام .. طنجة 5 أيام ..

مسافر لوحدي .. مااحب السهر في النوادي الليلة .. سواءا ديسكو أو مراقص عربية .. ماادخن ولا اعسل ولا اشرب .. احب اكل البيت .. عشان كذا افكر في استئجار شقة مع شغالة ..

احب حياة النهار .. كوفي شوب .. منتجعات .. اسواق .. شواطئ .. يعني احب حركة الناس .. الاماكن اللي مافيها بشر مااحبها مثل (مغارة) او مكان تاريخي .. الا اذا كانت فيها حركة وناس

1- هل المدن اللي اخترتها مناسبة ؟

2- توزيع الايام بين المدن جيد ؟

3- هل شهر سبتمبر مناسب للسفر هناك بالنسبة للطقس .. خاصة في طنجة ؟

4- اماكن تقترحون ازورها في هذي المدن والاوقات (كافي شوب – منتجع – شاطئ – مول - مطعم) وياليت تكون الاماكن حية يعني فيها حركة من غير زحمة مزعجة . ويكون مستواها راقي نوعا ما (مش غالي مره).

5- السكن في شقة (نظيفة – غير مشبوهه) مع شغالة .. في مراكش وطنجة كم بيكلفني ؟

6- اذا ممكن تقترحون شقق معينه (مجربه) ؟

7- الميزانية المقترحة لهذة المدة من غير التذكرة ؟



انا اخذت لي لفه على المنتدى .. وحبيت استأنس برأيكم ..

لو فيه اقتراح ثاني بالنسبة للمدن .. او الايام .. او السكن .. انا عندي مرونه .. يعني ماني ملزم نفسي فيها .. هو مجرد فكرة.



مع شكري وتقديري للجميع.