استفسار عن قيادة السيارة في المغرب
السلام عليكم ورحمة الله وبركاته
اخواني بغيت استفسر عن قيادة السيارة في المغرب
انا مسافر في عيد الحج (الاضحى) ومتردد كثير في موضوع التكسي او السيارة بدون سائق او السيارة مع السائق
التكسي فكرة كثير بالامر لقيتها مكلفه كثيييير بس لو حسبت نزولي الى مراكش ومن ثم الى اغادير هذي بحالها مبلغ كبير من غير التنقلات الداخليه
السيارة بدون سائق نفسي افهم منكم ايش وضعها لاني متخوف من استقصاد الشرطه لنا لاني بسفرتي الماضيه ومعاي سائق ماسلمت منهم بكل مره امسك الخط يبلغ الشرطي اللي معاه كاميرا لنقطة التفتيش بانه خليجي جاي عليه وبالفعل نلقاه في منتصف الطريق ياشر وتجي الافلام معاهم وبنفس الوقت عندي مشكلة انظمة المرور لاني لاحظتها عندهم معقدة "وقوف تام عند الدوار، عند النقطه ماتتقدم الين ياشر" ومن هذي الانظمه اللي ماني ملم في جميعها وأيضا عندي مشكله بالاماكن مااعرف اروحلها بحكم اني ماني حافظ الشوارع فهل في خريطه تفيدني بالسياره وتدلني عالمواقع وايضا ايش تنصحوني هل اخذ سيارة بنفسي وتعلموني كيف الطريقه اللي ابعد فيها عن المشاكل
او اخذ سائق والله يعيني كل مره ادق تعال وديني وتعال وديني
اسف اطلت عليكم لكن هالموضوع مسويلي قلق وابغى انهيه وارتاح
وشاكر لكم مقدما
التعديل الأخير تم بواسطة d700m ; 2014-07-17 الساعة 11:38 AM